2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Energia elektrikoa, gasa, ura eta hidrokarburoak garraiatzeko instalazioen tokiko jabari publikoaren erabilera pribatiboagatiko edo aprobetxamendu bereziagatiko tasa arautzen duen 26. ordenantza fiskalaren hasierako onarpena
Udalbatzak, 2021eko urriaren 26an egindako ohiko bilkuran, honako erabaki hau hartu zuen arauzko quorumarekin:
“Espainiako Konstituzioaren 133.2 eta 142. artikuluetan eta Nafarroako Toki Administrazioari buruzko uztailaren 2ko 6/1990 Foru Legearen 262. artikuluan toki-zergen arloko araugintza-ahalari buruz emandako araugintza-ahalmenen arabera, eta Nafarroako Toki Ogasunei buruzko martxoaren 10eko 2/1995 Foru Legearen 12. artikuluan, hurrengoetan, 100. artikuluan eta hurrengoetan ezarritakoarekin bat etorriz, honako hau egin da: Ordenantza Fiskala: energia elektrikoa, gasa, ura eta hidrokarburoak garraiatzeko instalazioen tokiko jabari publikoaren erabilera pribatiboagatiko edo aprobetxamendu bereziagatiko tasa, ordenantza honetan jasotako araubidearen eta tarifen arabera, nahitaezko txosten tekniko ekonomiko baten ondoriozkoak, zeinaren kalkulu-metodoa eta bertan aurreikusitako parametroak zuzenbidearekin bat deklaratu baititu Auzitegi Gorenak.
Kontu-hartzailetzaren, Idazkaritzaren eta Berdintasun Teknikariaren aldeko txostenak aztertu dira, planteatutako proposamenari buruzkoak, bai eta Kontuen Batzordearen 2021/10/19ko irizpena ere,
ERABAKI DA:
Lehenengoa.–Onartzea energia elektrikoa, gasa, ura eta hidrokarburoak garraiatzeko 2022rako instalazioen tokiko jabari publikoaren erabilera pribatiboagatiko edo aprobetxamendu bereziagatiko tasa arautzen duen 26. ordenantza fiskalaren testua eta tarifen eranskina.
Bigarrena.–Aurreko erabakia jendaurrean jartzea, aldez aurretik NAOn eta iragarki-taulan iragarrita, 30 egun balioduneko epean, egoki iritzitako erreklamazioak, eragozpenak edo oharrak egiteko.
Hirugarrena.–Hasierako onespenaren erabakia behin betikoa izanen da erreklamaziorik, eragozpenik edo oharrik egin ez bada. Kasu horretan, ondorio juridikoak sortzeko, inguruabar hori behin betiko testuarekin batera argitaratu beharko da Nafarroako Aldizkari Ofizialean.
Laugarrena.–Arau Fiskaletako tarifen testu eta eranskinetan hasieran onartutako aldaketak, arauzko izapideak bete ondoren, 2022ko urtarrilaren 1ean sartuko dira indarrean, testu bateginak Nafarroako Aldizkari Ofizialean argitaratu ondoren.”
Tafallan, 2021eko urriaren 27an.–Alkatea, Jesús Arrizubieta Astiz.
Iragarkiaren kodea: L2115360
