1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
36/2021 FORU AGINDUA, urriaren 8koa, Osasuneko kontseilariak emana, berresten duena Jesús Alfredo Martínez Larrea jauna Osasunbidea-Nafarroako Osasun Zerbitzuko Nafarroako Ospitale Unibertsitarioko zuzendari kudeatzaile izendatzeko erabakia.
Osasunbidea-Nafarroako Osasun Zerbitzuaren estatutuak onetsi zituen irailaren 3ko 171/2015 Foru Dekretuaren 20.1 artikuluak ezartzen du ezen Osasuneko kontseilariari dagokiola organo zentraletako zuzendariak, kudeatzaileak, zuzendariordeak, organo periferikoetako zuzendariak eta zerbitzuko buruak izendatzea eta kargutik kentzea, Osasunbidea-Nafarroako Osasun Zerbitzuko zuzendari kudeatzaileak proposaturik.
Osasuneko kontseilariaren urriaren 31ko 398E/2019 Foru Aginduaren bitartez, Jesús Alfredo Martínez Larrea jauna izendatu zen Osasunbidea-Nafarroako Osasun Zerbitzuko Nafarroako Ospitaleguneko zuzendari kudeatzaile.
Osasunbidea-Nafarroako Osasun Zerbitzuaren estatutuak aldatzen dituen irailaren 29ko 82/2021 Foru Dekretuaren bitartez, Nafarroako Ospitaleguneari izena aldatu zitzaion eta hemendik aurrera “Nafarroako Ospitale Unibertsitario” izanen dela erabaki zen.
Ikusirik Osasunbidea-Nafarroako Osasun Zerbitzuko zuzendari kudeatzaileak aurkeztu duen proposamena,
AGINTZEN DUT:
1. Berrestea Jesús Alfredo Martínez Larrea jauna Osasunbidea-Nafarroako Osasun Zerbitzuko Nafarroako Ospitale Unibertsitarioko zuzendari kudeatzaile izendatzeko erabakia. Berrespenak 2021eko urriaren 9tik aurrera izanen ditu ondorioak.
2. Foru agindu hau interesdunari jakinaraztea, eta igortzea Funtzio Publikoko Zuzendaritza Nagusira, Osasunbidea-Nafarroako Osasun Zerbitzuko zuzendari kudeatzaileari, Profesionalen Zuzendaritzara, Ordainsari eta Prestazioen Zerbitzura, Langileriaren Prozesu eta Ebaluazio Zerbitzura eta Langileen Antolamendu eta Araubidearen Atalera, Nafarroako Ospitale Unibertsitarioko Profesionalen Zuzendaritzara eta Langileriaren eta Lan Harremanen Zerbitzuko Kudeaketa Administratiboaren Unitatera, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea.
Iruñean, 2021eko urriaren 8an.–Osasuneko kontseilaria, Santos Induráin Orduna.
Iragarkiaren kodea: F2114915
