1. NAFARROAKO FORU KOMUNITATEA
1.7. BESTELAKOAK
124/2021 EBAZPENA, urriaren 13koa, Lanbide Heziketaren zuzendari nagusiak emana, Lanbide Heziketaren zuzendari nagusiak apirilaren 12an emandako 29/2021 Ebazpena zuzentzen duena. Ebazpen horren bidez, oinarri arautzaileak onetsi dira, Nafarroako Foru Komunitatean, Lanbide Kualifikazioen Katalogo Nazionalean zehaztutako kualifikazioei lotuta dauden lanbide gaitasunak aitortu eta egiaztatzearren modu iraunkorrean irekitako prozedura erregulatzeko.
Ikusirik Lanbide Heziketako Proiektuen eta Kualifikazioen Zerbitzuak aurkeztutako txostena, non Lanbide Heziketaren zuzendari nagusiaren apirilaren 12ko 29/2021 Ebazpenean izandako omisiozko akats baten berri ematen duen (ebazpen horren bidez, oinarri arautzaileak onetsi dira, Nafarroako Foru Komunitatean, Lanbide Kualifikazioen Katalogo Nazionalean zehaztutako kualifikazioei lotuta dauden lanbide gaitasunak aitortu eta egiaztatzearren modu iraunkorrean irekitako prozedura erregulatzeko).
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Lanbide Heziketaren zuzendari nagusiak apirilaren 12an emandako 29/2021 Ebazpenaren 2. eranskineko III. atala aldatzea. Horrenbestez, honako hau dioen tokian:
“Prestakuntza ez-formalari buruz II. jarraibidearen c) atalean aipatzen diren baldintzak frogatzeko, agiri bat aurkeztuko da. Bertan adieraziko da eskatzaileak baduela egiaztatu asmo diren gaitasun unitateekin zerikusia duen prestakuntza, eta datu hauek jasoko dira gutxienez:”
Honako hau behar du:
“c) Prestakuntza ez-formalaren bidetik sartzen diren pertsonentzat:
Prestakuntza ez-formalari buruz II. jarraibidearen c) atalean aipatzen diren baldintzak frogatzeko, agiri bat aurkeztuko da. Bertan adieraziko da eskatzaileak baduela egiaztatu asmo diren gaitasun unitateekin zerikusia duen prestakuntza, eta datu hauek jasoko dira gutxienez:”
2. Ebazpen hau Nafarroako Aldizkari Ofizialean argitaratzea.
3. Ebazpen hau igortzea Nafar Lansare-Nafarroako Enplegu Zerbitzura, Lanbide Heziketako Proiektuen eta Kualifikazioen Zerbitzura, Lanbide Heziketaren Plangintza eta Integraziorako Zerbitzura eta Kualifikazioen eta Lanbide Orientazioaren Atalera, behar diren ondorioak izan ditzan.
4. Ebazpen honek ez du administrazio bidea amaitzen, eta honen aurka gora jotzeko errekurtsoa jartzen ahal da, Hezkuntzako kontseilariari zuzendua, hilabeteko epean, argitaratu eta biharamunetik hasita.
5. Ebazpen honek Nafarroako Aldizkari Ofizialean argitaratu eta biharamunetik hartuko du indarra.
Iruñean, 2021eko urriaren 13an.–Lanbide Heziketaren zuzendari nagusia, Tomás Rodríguez Garraza.
Iragarkiaren kodea: F2115057
