1. NAFARROAKO FORU KOMUNITATEA
1.7. BESTELAKOAK
44/2021 EBAZPENA, uztailaren 27koa, Lehendakaritza eta Gobernu Irekiko zuzendari nagusiak emana, xedatzen duena Nafarroako Aldizkari Ofizialean argitara dadila Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, maiatzaren 10eko 5/2021 Foru Legearen gainekoa. Foru lege horren bidez, Nafarroako 2021-2024 Estatistika Plana onetsi zen eta Nafarroako Estatistikari buruzko ekainaren 27ko 11/1997 Foru Legea aldatu zen.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2021eko uztailaren 27an.–Lehendakaritzako eta Gobernu Irekiko zuzendari nagusia, Joseba Asiain Albisu.
ERANSKINA
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, maiatzaren 10eko 5/2021 Foru Legearen gainekoa, zeinak onesten baitu Nafarroako 2021-2024 Estatistika Plana eta aldatzen Nafarroako Estatistikari buruzko ekainaren 27ko 11/1997 Foru Legea
Estatuko Administrazio Orokorraren eta Nafarroako Foru Komunitatearen arteko Foru Batzordeak erabaki hau hartu du:
1. Negoziaketak abiatzea 4., 24. eta 50. artikuluen eta azken xedapenetako lehenbizikoaren inguruan plazaratutako ezadostasunak ebaztearren.
2. Lantalde bat izendatzea Lankidetza Batzordeari bidezko den konponbidea proposatzeko.
3. Erabaki hau Konstituzio Auzitegiari jakinaraztea, Konstituzio Auzitegiari buruzko Lege Organikoaren 33.2 artikuluan aipatzen den edozein organoren bidez, manu horretan berean aipatzen diren ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F2111708
