3. ESTATUKO ADMINISTRAZIOA
GOBERNUAREN ORDEZKARITZA
Jendaurreko informazioa, aurretiazko administrazio baimenaren eta ingurumen-inpaktuaren adierazpenaren eskaerari buruz, instalazio hauentzat: 120 MWp-eko “El Soto” instalazio fotovoltaikoa eta hari loturiko ebakuazio azpiegitura hauek: “El Soto” 30/220 kV-ekoTAE, El Soto TAE Cordovillako kolektorea TAE 220 kV-eko aireko linea, eta “Cordovillako kolektorea” 220 kV-eko TAE, Zizur Zendea, Galar, Beriain, Tebas eta Noaingo udal-mugarteetan, Nafarroako Foru Komunitatean
Bat etorriz Sektore Elektrikoari buruzko abenduaren 26ko 24/2013 Legearen 53.1.a) artikuluan, Ingurumen Ebaluazioari buruzko abenduaren 9ko 21/2013 Legearen 36. eta 37. artikuluetan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 124. eta 125. artikuluetan ezarritakoarekin, jendaurrean jartzen da aurretiazko administrazio baimenaren eta ingurumen-inpaktuaren adierazpenaren eskaera ”El Soto” 120MWp-eko planta fotovoltaikoarentzat eta harekin loturiko ebakuazio-azpiegitura hauentzat: “El Soto” 30/220 kV-eko TAE, El Soto TAE-Cordovillako kolektorea TAE 220 kV-eko aireko linea eta “Cordovillako kolektorea” 220 kV-eko TAE, Zizur Zendea, Galar, Beriain, Tebas eta Noaingo udal-mugarteetan, Nafarroako Foru Komunitatean. Beren ezaugarriak ondoren aipatzen direnak dira:
–Espediente zenbakia: PFot-712.
–Eskatzailea: Global Solar Energy Diecinueve SL (helbidea: Partenón etorbidea 10, 1. solairua, 6. atea, 28042 Madril).
–Eskaeraren xedea: aurretiazko administrazio baimena eta ingurumen-inpaktuaren adierazpena eskatzea, ingurumen-inpaktuaren adierazpena lortzeko, “El Soto” instalazio fotovoltaikoarentzat eta hari loturiko ebakuazio azpiegitura hauentzat: “El Soto” 30/220 kV-eko TAE, El Soto TAE-Cordovillako kolektorea TAE 220 kV-eko aireko linea eta “Cordovillako kolektorea” 220 kV-eko TAE.
–Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio baimen eskaera ebazteko eskumena duen organo substantiboa. Ingurumen-inpaktuaren adierazpena emateko eskumena duen ingurumen arloko organoa Trantsizio Ekologikorako eta Erronka Demografikorako Ministerioko Ingurumen Kalitatearen eta Ebaluazioaren eta Ingurune Naturalaren Zuzendaritza Nagusia da.
–Tramitazio organoa: Gobernuaren Nafarroako Ordezkaritzako Industria eta Energia Arlo Funtzionala. Alegazioak arlo funtzional horri zuzenduko zaizkio, Gobernuaren Nafarroako Ordezkaritzan, helbide honetan: Merindadeen plaza, z.g., 31071, Iruña.
–Instalazioen deskribapena: egin asmo den planta fotovoltaikoa, “El Soto” izenekoa, Zizurko udal-mugartean kokatuko da, Nafarroako Foru Komunitatean.
Hari loturiko ebakuazio azpiegiturek, “El Soto” 30/220 kV-eko TAEk, El Soto TAE-Cordovillako kolektorea TAE 220 kV-eko aireko lineak, eta “Cordovillako kolektorea” 220 kV-eko TAEk, Zizur Zendeako, Galarko, Beriaingo, Tebasko eta Noaingo udal-mugarteak ukituko ditu, Nafarroako Foru Komunitatean.
Instalazioen ezaugarriak hauek dira:
–“El Soto” izeneko planta fotovoltaikoa. 187.500 modulu fotovoltaiko, bakoitza 640 Wp-koa (120 MWp guztira), bi zutoineko 6.250 egitura finko, 2Vx15 (30 modulu egitura bakoitzeko), 575 inbertsore (115 MW guztira); inbertsore guztien multzoa 101,00 Mw-era mugatuta egonen da, PPC independente baten bidez; 800 V-tik 30 kV-era bitarteko transformazioa eginen da 21 transformazio zentroren bidez, honela banatuta: 7 transformazio zentro 4.000 kVA-ko transformadorearekin, 2 transformazio zentro 5.000 kVA-ko transformadorearekin, 12 transformazio zentro 7.000 kVA-ko transformadorearekin, 30 kV-eko lurrazpiko ebakuazio sarea, lurreko sareak eta komunikazioak.
Beste batzuk: Obra zibileko lanak aurreikusten dira lurra prestatzeko, barneko bideak eta sarbideak, kanalizazioak eta drainatzeak gauzatzeko, eta hesi perimetrala, zulaketak, zimentazioak eta kontrol eraikina ezartzeko.
–“El Soto” 30/220 kV-eko TAE: kanpoko transformazio azpiestazio konbentzionala (AIS), “El Soto” instalazio fotovoltaikoko energia 220 kV-eko goi tentsioko aireko linea baten bidez ateratzeko (220 kV-eko El Soto TAE-Cordovillako kolektorea TAE) 120 MVA-ko 30/220 kV-eko potentziako transformadorearekin. 30 kV-eko parkeak lineako 10 posizio dauzka, zerbitzu osagarrietako posizio bat, transformazioko posizio bat eta transformazioko posizio bat erreserban. 132 kV-eko parkeak lineako posizio bat dauka, eta aire zabalerako motako transformadore posizio bat.
–El Soto TAE-Cordovillako kolektorea TAE 220 kV-eko aireko linea: 220 kV-eko aireko linea, guztira 15.630 m-ko luzera duena zirkuitu bakunean eta fase bakoitzeko LA-280 [242-AL1/39-ST1A] motako eroale bat duena.
“Cordovillako kolektorea” 220 kV-eko TAE: Kanpoko azpiestazio konbentzionala (AIS), 220 kV-eko lineako 3 posizio eta 220 kV-eko barrak neurtzeko posizio bat dituena “El Soto” eta “Cordovilla” planta fotovoltaikoetako energia ateratzeko. Azken instalazio horretarako beste espediente bat tramitatzen ari da Trantsizio Ekologikorako eta Erronka Demografikorako Ministerioko Politika Energetikoko eta Meategietako zuzendaritzan, Pfot-654 espediente zenbakiarekin.
–Egin asmo diren instalazioak 220 kV-eko Lasat bidez lotuko dira Red Eléctrica de España SAUren jabetzako 220 kV-eko “Cordovilla” TAErekin. Azken instalazio horretarako beste espediente bat tramitatzen ari da Trantsizio Ekologikorako eta Erronka Demografikorako Ministerioko Politika Energetikoko eta Meategietako zuzendaritzan, Pfot-654 espediente zenbakiarekin, eta bertara bideratuko da Cordovillako eta El Sotoko plantetako energia.
–Obra gauzatzeko kalkulatzen den aurrekontua: 50.034.708,82 euro. Honela banatuta:
“El Soto” planta fotovoltaikoa: 42.530.758,73 euro.
“El Soto” 30/220 kV-eko TAE: 3.201.450,00 euro.
El Soto TAE-Cordovillako kolektorea TAE 220 kV-eko aireko linea: 1.926.550,09 euro.
“Cordovillako kolektorea” 220kV-eko TAE: 2.375.950,00 euro.
–Helburua: energia elektrikoa sortzea bi planta fotovoltaikoren bidez, eta hura ateratzea energia elektrikoaren garraio sarera.
–Proiektu honen administrazio baimena onestea Trantsizio Ekologikorako eta Erronka Demografikorako Ministerioaren eskumena da, eta ingurumen-inpaktuaren ebaluazio arruntaren menpe dago. Horrez gain, jendaurreko informazioaren tramitea ere bete behar duenez, batera egiten dira proiektuarena eta ingurumen-inpaktuaren azterketarena, bat etorriz Ingurumen Ebaluazioari buruzko abenduaren 9ko 21/2013 Legearen 36. artikuluarekin.
Aditzera ematen da orok jakin dezan eta azter daitezen proiektua, ingurumen-inpaktuaren azterketa eta lurzatien planoak, eta, beraz, ingurumen arloko agiriak nahiz agiri tekniko guztiak, hitzordua hartuta, toki hauetan: Gobernuak Nafarroan duen Ordezkaritzako Industria eta Energia Arloko bulegoan (Merindadeen plaza z.g., 31071) edo Gobernuak Errioxan duen Ordezkaritzako Industria eta Energia Arloko bulegoan (Gran Vía 49, 26071, Logroño), edo esteka honen bidez:
https://www.mptfp.gob.es/eu/portal/delegaciones_gobierno/delegaciones/navarra/proyectos-ci.html
Ukitutako udaletxeetan ere kontsultatzen ahalko da dokumentazio osoa.
Interesdunek bidezkotzat jotzen dituzten alegazioak aurkezten ahal dituzte, arlo hauei zuzenduak, iragarki hau argitaratu eta biharamunetik hasita hogeita hamar eguneko epean, bai idatziz, euskarri fisiko batean, Gobernuaren Ordezkaritzaren Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.
Iruñean, 2021eko abuztuaren 24an.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2112907
