1. NAFARROAKO FORU KOMUNITATEA
1.7. BESTELAKOAK
32/2021 EBAZPENA, ekainaren 24koa, Lehendakaritzako eta Gobernu Irekiko zuzendari nagusiak emana, zeinaren bidez xedatzen baita Nafarroako Aldizkari Ofizialean argitaratzea Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, Nafarroako 2021eko Aurrekontu Orokorrei buruzko abenduaren 29ko 20/2020 Foru Legearen gainekoa.
Aintzat hartuz Konstituzio Auzitegiari buruzko urriaren 3ko 2/1979 Lege Organikoaren 33. artikulua, urtarrilaren 7ko 1/2000 Lege Organikoak aldatu zuena,
EBAZTEN DUT:
Estatuko Administrazio Orokorraren eta Nafarroako Foru Komunitatearen arteko Lankidetza Batzordearen Erabakia, ebazpen honi eranskin gisa gehitu zaiona, Nafarroako Aldizkari Ofizialean argitara dadila xedatzea.
Iruñean, 2021eko ekainaren 24an.–Lehendakaritzako eta Gobernu Irekiko zuzendari nagusia, Joseba Asiain Albisu.
ERANSKINA
ESTATUKO ADMINISTRAZIO OROKORRAREN ETA NAFARROAKO FORU KOMUNITATEAREN ARTEKO LANKIDETZA BATZORDEAREN ERABAKIA, NAFARROAKO 2021EKO AURREKONTU OROKORREI BURUZKO ABENDUAREN 29KO 20/2020 FORU LEGEAREN GAINEAN
Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordeak erabaki hau hartu du:
ERABAKIA:
1. Estatuko Administrazio Orokorraren eta Nafarroako Foru Komunitatearen arteko Aldebiko Lankidetza Batzordearen Erabakiaren bidez lantalde bat sortu zen Nafarroako 2021eko Aurrekontu Orokorrei buruzko abenduaren 29ko 20/2020 Foru Legea dela-eta sorturiko desadostasunak aztertzeko eta konponbiderako proposamen bat aurkezteko. Lantalde horretan izandako negoziazioekin bat, bi alderdien iritziz konponduta daude desadostasun horiek, konpromiso hau hartuta:
Interpretatzea ezen arau horren hamazazpigarren xedapen gehigarriak Nafarroako Gobernuari agintzen diola azterketa bat egitea Nafarroako Foru Komunitateko pentsiodunen egoera baloratzeko, eta emaitzak organo eskudunei bidaliko zaizkiela, baina helburua ez da inola ere izanen Nafarroako Foru Komunitatean Gizarte Segurantzaren sisteman dauden pentsioak osatzeko aukera baloratzea.
2. Lortutako akordioaren bitartez, bi alderdiek uste dute konpondu direla agertutako desadostasunak eta bukatu dela azaldutako auzia.
3. Erabaki hau Konstituzio Auzitegiari jakinaraztea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan aurreikusitako ondorioetarako, eta erabaki hau Estatuko Aldizkari Ofizialean eta Nafarroako Aldizkari Ofizialean argitaratzea.
Iragarkiaren kodea: F2110131
