2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
2. poligonoko 948. partzelaren jabetza doan lagatzea,
osasun zentrorako
Udal honetako jarduneko alkateak, 2021eko ekainaren 30ean, 754/2021 zenbakiko Ebazpena eman du. Hona hemen ebazpenaren testua:
“Erripagañan osasun-zentro bat eraikitzeko beharra ikusita, udaleko hirigintza-araudian aurreikusita dago Burlatako Udalaren jabetzako partzela bat egotea 2.501 metro koadroko zuzkidura-erabilera sanitariorako.
Alkatetza honek badaki osasun-zentroa eraikitzeko proiektua lehenbailehen egin behar dela, 6/1990 Foru Legearen 136. artikuluan eta hurrengoetan eta 280/1990 Foru Dekretuaren 132. artikuluan eta hurrengoetan ezarritakoarekin bat etorriz.
Espedientean dagoen dokumentazioa ikusita, legez eman zaizkidan eskumenak erabiliz, honako hau,
EBAZTEN DUT:
Erripagaña etorbideko z.g. eremuan dagoen 2. poligonoko 948. partzelaren jabetza Nafarroako Gobernuari doan lagatzeko espedientea jendaurrean jartzea, Toki Erakundeen Ondasunei buruzko Erregelamenduaren 134. artikuluan ezarritakoarekin bat etorriz (urriaren 18ko 280/1990 Foru Dekretuak onartu zuen erregelamendu hori), espedientea iragarki-taulan argitaratu eta hamabost eguneko epean aztertu ahal izan dadin, Udal Idazkaritzan, eta egokitzat jotzen diren alegazioak egin.
Burlatan, 2021eko ekainaren 30ean.–Jarduneko alkatea, Ander Carrascón Erice.
Iragarkiaren kodea: L2110554
