1. NAFARROAKO FORU KOMUNITATEA
1.7. BESTELAKOAK
3054/2021 EBAZPENA, apirilaren 23koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, zeinaren bidez aldatzen baita 1634/2021 Ebazpena. Ebazpen horren bidez ezarri ziren Eskubide Sozialetako Departamentuaren menpeko Haur Eskoletako tarifak 2021-2022 ikasturterako.
Hezkuntzako kontseilariaren otsailaren 15eko 17/2021 Foru Aginduaren bidez ezarri ziren familiei aplikatu beharreko tarifak Haur Hezkuntzako lehen zikloko udal ikastetxeetan, Nafarroako Gobernuko Hezkuntza Departamentuarekin egindako hitzarmenen bitartez finantzatuetan.
Apirilaren 21eko 38/2021 Foru Aginduaren bidez aldatu zen Hezkuntzako kontseilariaren otsailaren 15eko 17/2021 Foru Agindua. Ebazpen horren bitartez ezarri ziren familiei aplikatu beharreko tarifak Haur Hezkuntzako lehen zikloko udal ikastetxeetan, Nafarroako Gobernuko Hezkuntza Departamentuarekin egindako hitzarmenen bidez finantzatuetan.
Komenigarritzat jotzen da Eskubide Sozialetako Departamentuaren menpeko Haur Eskoletako tarifak egokitzea Nafarroako gainerako ikastetxe publikoetarako ezarritako tarifetara.
Ikusirik Familiaren Ataleko txostena, zeinak proposatzen baitu 1634/2021 Ebazpena aldatzea (horren bidez ezarri ziren Eskubide Sozialetako Departamentuaren menpeko Haur Eskoletako tarifak 2021-2022 ikasturterako).
Horrenbestez, Pertsonen Autonomiarako eta Garapenerako Nafarroako Agentziaren estatutuak onesten dituen azaroaren 6ko 301/2019 Foru Dekretuak ematen dizkidan ahalmenak erabiliz.
EBAZTEN DUT:
1. 1634/2021 Ebazpenaren 1. puntua aldatzea, jarraian ematen den moduan uzteko. Ebazpen horren bidez ezarri ziren Eskubide Sozialetako Departamentuaren menpeko Haur Eskoletako tarifak 2021-2022 ikasturterako.
“Ezartzea ezen eskolaldi osoaren kasuan, jantokia barne, hileko gehieneko tarifa 278 eurokoa izanen dela Pertsonen Autonomiarako eta Garapenerako Nafarroako Agentziaren menpeko Haur Eskoletarako, 2021-2022 ikasturtean”.
2. 1634/2021 Ebazpenaren 2. puntua aldatzea, jarraian ematen den moduan uzteko. Ebazpen horren bidez ezarri ziren Eskubide Sozialetako Departamentuaren menpeko Haur Eskoletako tarifak 2021-2022 ikasturterako.
“Ezartzea ezen eskolaldi erdiaren kasuan, jantokirik gabe, hileko gehieneko tarifa 127 eurokoa izanen dela Pertsonen Autonomiarako eta Garapenerako Nafarroako Agentziaren menpeko Haur Eskoletarako, 2021-2022 ikasturtean”.
3. 1634/2021 Ebazpenaren 3. puntua aldatzea, jarraian ematen den moduan uzteko. Ebazpen horren bidez ezarri ziren Eskubide Sozialetako Departamentuaren menpeko Haur Eskoletako tarifak 2021-2022 ikasturterako.
“Murriztapenak egiten ahalko dira, honela:
Hileko tarifa orokorra
FAMILIAREN PER CAPITA ERRENTA | | | ESKOLALDI OSOA, 2. SEMEA/ALABA | ESKOLALDI ERDIA, 2. SEMEA/ALABA |
15.000 eurotik gorakoa | 278 | 127 | 143,5 | 63,5 |
12.400,01 eurotik 15.000 eurora | 249 | 104 | 129 | 52 |
10.700,01 eurotik 12.400 eurora | 213 | 75 | 111 | 37,5 |
9.300,01 eurotik 10.700 eurora | 184 | 52 | 96,5 | 26 |
7.980,01 eurotik 9.300 eurora | 151 | 37 | 85,5 | 18,5 |
6.650,01 eurotik 7.980 eurora | 129 | 19 | 74,5 | 9,5 |
5.500,01 eurotik 6.650 eurora | 105 | 16 | 71,5 | 8 |
4.500,01 eurotik 5.500 eurora | 87 | 11 | 66,5 | 5,5 |
3.350,01 eurotik 4.500 eurora | 74 | 2 | 61 | 1 |
3.350 euro edo hortik beherakoa | 57 | 0 | 54,5 | 0 |
Hileko tarifa guraso bakarreko familientzat
(otsailaren 7ko 5/2019 Foru Legearen arabera)
FAMILIAREN PER CAPITA ERRENTA | | | ESKOLALDI OSOA, 2. SEMEA/ALABA | ESKOLALDI ERDIA, 2. SEMEA/ALABA |
15.000 eurotik gorakoa | 248 | 92 | 107 | 46 |
12.400,01 eurotik 15.000 eurora | 221 | 76 | 93,5 | 38 |
10.700,01 eurotik 12.400 eurora | 189 | 57 | 77,5 | 28,5 |
9.300,01 eurotik 10.700 eurora | 163 | 41 | 64,5 | 20,5 |
7.980,01 eurotik 9.300 eurora | 125 | 29 | 54,5 | 14,5 |
6.650,01 eurotik 7.980 eurora | 105 | 18 | 44,5 | 9 |
5.500,01 eurotik 6.650 eurora | 85 | 14 | 41,5 | 7 |
4.500,01 eurotik 5.500 eurora | 70 | 9 | 39 | 4,5 |
3.350,01 eurotik 4.500 eurora | 48 | 0 | 33 | 0 |
3.350 euro edo hortik beherakoa | 28 | 0 | 26,5 | 0 |
4. Ebazpen hau Nafarroako Aldizkari Ofizialean argitaratzea.
5. Ebazpen honen aurka gora jotzeko errekurtsoa jartzen ahal da, Eskubide Sozialetako kontseilariari zuzendua, hilabeteko epean, jakinarazi edo argitaratu eta biharamunetik hasita.
6. Ebazpen hau Familiaren eta Adingabeen Zuzendariordetzara igortzea, behar diren ondorioak izan ditzan.
Iruñean, 2021eko apirilaren 23an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
Iragarkiaren kodea: F2108199