1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
3/2020 EBAZPENA, urtarrilaren 23koa, Lanbide Heziketaren zuzendari nagusiak emana, zeinaren bidez ematen baitira 2018-2019 ikasturteari dagozkion Nafarroako Foru Komunitateko arte plastikoetako eta diseinuko lanbide irakaskuntzen sari bereziak.
Lanbide Heziketaren Plangintza eta Berrikuntzarako Zerbitzuak txosten bat aurkeztu du, eta bertan proposatu du lanbide irakaskuntzen sari bereziak eman dakizkiela merezi izan dituzten ikasleei, beren ikasketa ibilbide bikainagatik, baloratu dituen batzordearen aktan ageri den bezala. Sari horiek Nafarroako Foru Komunitateko arte plastikoetako eta diseinuko lanbide ikasketei dagozkie, 2018-2019 ikasturteari, eta horien deialdia egin zen Lanbide Heziketaren zuzendari nagusiak irailaren 25ean emandako 11/2019 Ebazpenaren bitartez.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. Ebazpen honen eranskinean ageri diren ikasleei esleitzea Nafarroako Foru Komunitateko arte plastikoetako eta diseinuko lanbide irakaskuntzen sari bereziak, 2018-2019 ikasturteari dagozkionak.
2. Ikasle horiek aipatu saria aitortzen dien diploma jaso dezatela xedatzea.
3. Goi-mailako ikasle sarituak aurkeztu ahal izanen dira, aldez aurretik izena emanda, 2018-2019 ikasturteko Hezkuntzako Sari Nazional hauetara: Arte Ikasketa Profesionaletan, Musikaren, Dantzaren eta Arte Plastikoetako eta Diseinuko arloetan, ikasleei beren errendimendu akademikoa aitortzeko ematen diren horiek.
4. Agintzea ikasle sarituen ikasketa-espedientean ager dadila kasuan kasuko eginbidea, egiaztatzen duena ikasleak lortu duela Nafarroako Foru Komunitatean Arte Plastikoetako eta Diseinuko lanbide ikasketen sari berezia, 2018-2019 ikasturteari dagokiona.
5. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.
6. Ebazpen hau eta eranskina Nafarroako Aldizkari Ofizialean argitara daitezela agintzea.
7. Ebazpen hau eta eranskina igortzea Lanbide Heziketaren Plangintza eta Berrikuntzarako Zerbitzuari, Hezkuntzako Ikuskapen Zerbitzuari, Lanbide Heziketaren Plangintza, Antolamendu eta Garapenerako Atalari, ikasle sarituek ikasi duten ikastetxeei eta ikasle sarituei, behar diren ondorioak izan ditzaten.
Iruñean, 2020ko urtarrilaren 23an.–Lanbide Heziketaren zuzendari nagusia, Tomás Rodríguez Garraza.
ERANSKINA Erdi mailako Arte Plastikoetako eta Diseinuko lanbide ikasketen sari bereziarekin saritutako ikasleak |
IZEN-DEITURAK | LANBIDE ARLOA | ZIKLOA | IKASTETXEA |
Jennifer Ros Pérez | Komunikazio grafikoa eta ikus-entzunezkoa | Produktu Grafiko Interaktiborako Laguntza | Iruñeko Arte eta Goi Mailako Diseinu Eskola |
Goi mailako Arte Plastikoetako eta Diseinuko lanbide ikasketen sari bereziarekin saritutako ikasleak |
IZEN-DEITURAK | LANBIDE ARLOA | ZIKLOA | IKASTETXEA |
Emilio Lizcano Ureta | Komunikazio grafikoa eta ikus-entzunezkoa | Ikus-entzunezko Grafika | Iruñeko Arte eta Goi Mailako Diseinu Eskola |
Blanca Esther López Larramendi | Liburuari Aplikatutako Arteak | Grabatua eta Estanpazio Teknikak | Iruñeko Arte eta Goi Mailako Diseinu Eskola |
Iragarkiaren kodea: F2001202
