1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
341E/2020 FORU AGINDUA, azaroaren 12koa, Osasuneko kontseilariak emana, zuzentzen duena erradiodiagnostikoko barrutiko fakultatibo espezialista izateko zenbait lanpostu oposizio-lehiaketa bidez betetzeko deialdiaren I. eranskina. Deialdia Osasuneko kontseilariaren urriaren 21eko 306E/2020 Foru Aginduaren bidez onetsi zen.
Osasuneko kontseilariaren urriaren 21eko 306E/2020 Foru Aginduaren bidez onetsi zen deialdi honen testua: deialdia, batetik, Osasun Departamentuaren erakunde autonomoetarako zenbait lanpostu oposizio-lehiaketa bidez betetzeko (zehazki, 3 lanpostu prebentzio medikuntzako eta osasun publikoko barrutiko fakultatibo espezialista izateko, eta 19 lanpostu erradiodiagnostikoko barrutiko fakultatibo espezialista izateko); eta bestetik, hautaproben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez. Deialdia 2020ko 258. Nafarroako Aldizkari Ofizialean, azaroaren 4koan, argitaratu zen.
I. eranskinean, erradiodiagnostikoko barrutiko fakultatibo espezialisten kalifikazio epaimahaiaren osaerari dagokion zatian, akatsa badela oharturik, egokia da hura zuzentzea, bat eginez horrela Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluarekin.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak emandako ahalmenak erabiliz,
AGINTZEN DUT:
1. Zuzentzea Osasuneko kontseilariaren urriaren 21eko 306E/2020 Foru Aginduaren bidez onetsitako deialdi honen I. eranskina: deialdia, erradiodiagnostikoko barrutiko fakultatibo espezialista izateko zenbait lanpostu oposizio-lehiaketa bidez betetzeko. Hau da zuzenketa:
I. ERANSKINEAN
Barrutiko fakultatibo espezialista
Lanpostu hutsak, destinoak eta epaimahai kalifikatzaileen osaera
ERRADIODIAGNOSTIKOA.
Epaimahaia:
Honako hau dioen tokian:
Epaimahaikidea. Espezialitateko Batzorde Nazionala. Titularra: Luis Miranda Orella.
Honako hau behar du:
Epaimahaikidea. Espezialitateko Batzorde Nazionala. Titularra: José Fernández Gómez.
Honako hau dioen tokian:
Epaimahaikidea. Langileria Batzordea. Titularra: Luis Miranda Orella.
Honako hau behar du:
Epaimahaikidea. Langileria Batzordea. Titularra: Eunate Eslava Gurrea.
2. Foru agindu hau Nafarroako Aldizkari Ofizialean argitara dadila agintzea.
3. Administrazio bidea amaitzen ez duen foru agindu honen kontra gora jotzeko errekurtsoa aurkezten ahalko da, Nafarroako Gobernuari zuzendua, hilabeteko epean, errekurtsoaren xedeko egintza argitaratu edo jakinarazi eta biharamunetik hasita, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Legearen 126.1.a) eta 126.3 artikuluan xedatutakoarekin bat.
Iruñean, 2020ko azaroaren 12an.–Osasuneko kontseilaria, Santos Induráin Orduna.
Iragarkiaren kodea: F2013624
