1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
71/2020 FORU DEKRETUA, irailaren 16koa, Nafarroako Unibertsitate Publikoko Gizarte Kontseiluko kide batzuk berritzen dituena.
ZIOEN AZALPENA
Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 10. artikuluak haren osaera ezartzen du. Gizarte Kontseiluko kideen artean badaude lau, Hezkuntza Departamentuaren titularrak proposatuta izendatzen direnak.
Foru lege horren 10. artikuluak ezartzen du kideak Nafarroako Gobernuaren foru dekretu baten bidez izendatuko eta kargutik kenduko direla, unibertsitateen arloko eskumena duen kontseilariak proposatuta.
Nafarroako Foru Komunitateko lehendakariak abuztuaren 6an emandako 22/2019 Foru Dekretuaren bidez, Nafarroako Foru Komunitateko Administrazioaren departamentuen egitura finkatu zen eta departamentu bakoitzaren eskumenen esparrua ezarri zen. Horren arabera, unibertsitateko irakaskuntzen arloko eskumenak Unibertsitateko, Berrikuntzako eta Eraldaketa Digitaleko Departamentuari dagozkio. Lehenbiziko xedapen gehigarrian, gainera, ezartzen da ezen indarreko antolamendu juridikoaren erreferentzia funtzional eta organikoak dekretu horretan ezarritako departamenduei dagozkiela ulertu behar dela, bakoitzak bere gain hartzen duen eskumen esparruaren arabera.I
Horrenbestez, Unibertsitateko, Berrikuntzako eta Eraldaketa Digitaleko kontseilariak proposaturik, eta Nafarroako Gobernuak bi mila eta hamaseiko martxoaren bian egindako bilkuran hartutako erabakiarekin bat,
DEKRETATZEN DUT:
1. Joaquín Ansa Erice jauna, Miguel Arrarás Paños jauna, Sixto Jiménez Muniain jauna eta Ana Ollo Hualde andrea Nafarroako Unibertsitate Publikoko Gizarte Kontseiluko kide izatetik kentzea, eta emandako zerbitzuak eskertzea.
2. Teresa Catalán Sánchez andrea, Mar González Paredes andrea, Ana Ollo Hualde andrea eta Javier Vidorreta Salillas jauna Nafarroako Unibertsitate Publikoko Gizarte Kontseiluko kide izendatzea.
3. Foru dekretu hau interesdunei eta Nafarroako Unibertsitate Publikoko Gizarte Kontseiluari jakinaraztea, eta Nafarroako Aldizkari Ofizialean argitaratzea.
Iruñean, 2020ko irailaren 16an.–Nafarroako Gobernuko lehendakaria, María Chivite Navascués.–Unibertsitateko, Berrikuntzako eta Eraldaketa Digitaleko kontseilaria, Juan Cruz Cigudosa García.
Iragarkiaren kodea: F2010674
