1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
212/2020 EBAZPENA, ekainaren 23koa, Hezkuntzako zuzendari nagusiak emana, zeinaren bidez aditzera ematen baita PROEDUCAR-HEZIGARRI programak finantzaketa jasotzen duela Europako Gizarte Funtsetik eta Hezkuntzako eta Lanbide Heziketako Ministeriotik. Programa horren xedea da hezkuntza-inklusioa eta eskola-arrakasta hobetzea Haur eta Lehen Hezkuntzako ikastetxe publikoetan eta DBHko ikastetxeetan, 2018-2019 eta 2019-2020 ikasturteetan.
Honako ebazpen hauen bidez, PROEDUCAR-HEZIGARRI programaren deialdiak arautu ziren: Hezkuntzako zuzendari nagusiaren maiatzaren 29ko 257/2018 Ebazpena, eta apirilaren 26ko 229/2019 Ebazpena (ebazpen horiek argitaratu ziren, hurrenez hurren, 2018ko 115. Nafarroako Aldizkari Ofizialean, ekainaren 15ekoan, eta 2019ko 94. Nafarroako Aldizkari Ofizialean, maiatzaren 16koan). Programa horren xedea da hezkuntza-inklusioa eta eskola-arrakasta hobetzea Haur eta Lehen Hezkuntzako ikastetxe publikoetan eta DBHko ikastetxeetan, 2018-2019 eta 2019-2020 ikasturteetan.
PROEDUCAR-HEZIGARRI programak finantzaketa jasotzen du Europako Gizarte Funtsetik eta Hezkuntzako eta Lanbide Heziketako Ministeriotik, eta funts horiek eskuratzen dituzten autonomia erkidegoen betebeharra da finantzaketa hori aditzera ematea.
Inklusio, Berdintasun eta Bizikidetza Zerbitzuan hauteman da aipatu ebazpenetan ez dela adierazi nondik jasotzen diren programa horretarako funtsak.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuaren bidez esleitutako ahalmenak erabiliz,
EBAZTEN DUT:
1. PROEDUCAR-HEZIGARRI programaren edukian adieraztea programa horretarako funtsak heldu direla Europako Gizarte Funtsetik eta Espainiako Gobernuko Hezkuntzako eta Lanbide Heziketako Ministeriotik. Programa horren xedea da hezkuntza-inklusioa eta eskola-arrakasta hobetzea Haur eta Lehen Hezkuntzako ikastetxe publikoetan eta DBHko ikastetxeetan, 2018-2019 eta 2019-2020 ikasturteetan.
2. Agintzea ebazpen hau Nafarroako Aldizkari Ofizialean argitara dadin.
3. Ebazpen hau igortzea Inklusio, Berdintasun eta Bizikidetza Zerbitzura, behar diren ondorioak izan ditzan.
Iruñean, 2020ko ekainaren 23an.–Hezkuntzako zuzendari nagusia, Gil Sevillano González.
Iragarkiaren kodea: F2006666
