2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Laburpena, dirulaguntzen deialdi publikoarena, norgehiagoko araubidean, Kirol Eskolak antolatzen dituzten Zizur Nagusiko Kirol-Klub hitzartuendako, 2020.urterako
Dirulaguntzei buruzko azaroaren 17ko 38/2003 Lege Orokorraren 17.3b eta 20.8 artikuluetan ezarritakoaren arabera, deialdiaren laburpena argitaratzen da, zeinaren testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identifikazioa): 507926.
Lehenengoa.–Onuradunak:
Dirulaguntza emateko oinarri den egoeran dauden eta deialdiaren 4. oinarrian ezarritako inguruabarrak betetzen dituzten kirol-klubak izaten ahalko dira erakunde onuradun, baldin eta ez badaude sartuta Dirulaguntzei buruzko Ordenantza Orokorraren 11. artikuluan ezarritako debeku-kausaren batean.
Bigarrena.–Xedea:
Zizur Nagusiko klubei dirulaguntzak ematea, ezarritako baldintzak betetzen dituzten Zizur Nagusiko kirol ekitaldiak eta ikuskizunak antolatzeko 2020an.
Hirugarrena.–Oinarri arautzaileak:
Dirulaguntzen deialdi publikoa, norgehiagoko araubidean, 2020. urteko ekitaldietarako, Kirol Eskolak antolatzen dituzten Zizur Nagusiko Kirol-Klub hitzartuendako.
Laugarrena.–Zenbatekoa:
8.350 euro.
Bosgarrena.–Eskabideak aurkezteko epea:
Eskabideak aurkezteko epea hilabetekoa izanen da, deialdi honen laburpena Nafarroako Aldizkari Ofizialean argitaratu eta biharamunetik kontatzen hasita. Eskabideak aurkeztuz gero adierazitako epetik kanpo, ez dira onartuko.
Zizur Nagusian, 2020ko maiatzaren 28an.–Alkatea, Jon Gondán Cabrera.
Iragarkiaren kodea: L2005311
