Iragarkia

85. ALDIZKARIA - 2019ko maiatzaren 3a

1. NAFARROAKO FORU KOMUNITATEA

1.7. BESTELAKOAK

507/2019 EBAZPENA, apirilaren 10ekoa, Toki Administrazioko zuzendari nagusiak emana, Cadreita eta Villafrancako udalerrietako muga jurisdikzionaleko marra onesten duena.

Toki Administrazioko zuzendari nagusiaren maiatzaren 4ko 207/2018 Ebazpenaren bidez Cadreitako eta Villafrancako udalerrietako muga jurisdikzionaleko marra (31064-31254-00 kodea) berreskuratzea eta hobekuntza geometrikoa egitea xedatu zen.

Cadreitako Udalak eta Villafrancako Udalak 2018ko abuztuaren 20ean eta irailaren 12an, hurrenez hurren, egindako osoko bilkuretan onetsi zen horretarako izendatutako udal batzordeek izenpetutako akta bateratua; akta horren bidez UTM koordenatuekin zehazten dira bi udalerriak bereizten dituen muga jurisdikzionaleko marraren mugaketa puntu onartuak eta trazadura geometrikoa, dena Nafarroako Gobernuko Toki Antolamendurako Zerbitzuak 2018ko otsailaren 27an emandako txostenaren zehaztapenekin bat. Txosten hori aktan jaso da eranskin gisa.

Era berean, 2018ko urriaren 3an eta 2019ko martxoaren 7an Milagroko udalak eta Errege Bardeetako batzar nagusiak akta hori onartu zuten, bere batzordeek sinatu ondoren, dagozkien 3 udalerrien mugaketa puntuak jasoz.

Ikusirik Toki Antolamendurako Zerbitzuak 2019ko apirilaren 5ean eta 2019ko apirilaren 7an emandako txosten tekniko eta juridikoa, espedientean daudenak.

Kontuan hartuta Cadreitako eta Villafrancako udalek ezarri duten mugako marraren definizioak ez dituela alteratzen udalerriak, Nafarroako Toki Administrazioari buruzko 6/1990 Foru Legearen 13. artikulutik 20. artikulura bitartekoetan ezarritako definizioen, baldintzen eta prozedurekin bat.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuak ematen dizkidaten eskudantziak erabiliz,

EBATZI DUT:

1. Cadreitako eta Villafrancako udalerrietako muga jurisdikzionaleko marra onestea, Nafarroako Gobernuko Toki Antolamendurako Zerbitzuak 2018ko otsailaren 27an emandako txostenean jasotako deskribapen geometrikoaren araberakoa. Txosten hori ebazpen honetan jaso da eranskin gisa.

2. Institutu Geografiko Nazionalari eskatzea mugako marra hori Kartografiaren Erregistro Zentralean inskribatzeko, Erreferentzia Nazionaleko Ekipamendu Geografikoan sartzeko, orain arte indarra izan duen erregistro orria eguneratu edo berrikusteko ondorioak izateko eta kasuan kasuko ziurtagiriak emateko.

3. Marra Kartografiaren Erregistro Zentralean inskribatzea lortu ondoren, Toki Antolamendurako Zerbitzuak aipatutako udalei igortzea erregistro orriaren kopia bana.

4. Ebazpen hau eta behar den dokumentazioa Lur-ondasunen Zerbitzura igortzea katastroetan behar diren lanak egin ditzan.

5. Ebazpen hau eta behar den dokumentazioa Lurraldeko Informazio Sistemen Atalera igortzea haren berri izan dezaten eta SITNAn ondorioak izan ditzan.

6. Ebazpen hau Nafarroako Aldizkari Ofizialean argitaratzea eta Cadreitako, Villafrankako eta Milagroko udaletara eta Errege Bardeetako erkidegora igortzea, bai eta Institutu Geografiko Nazionaleko Eskualdeko Zerbitzura ere

Iruñean, 2019ko apirilaren 10ean.–Toki Administrazioko Zuzendari Nagusia, Xabier Lasa Gorraiz.

ERANSKINA

Cadreitako eta Villafrancako udalerrietako muga jurisdikzionaleko marraren deskribapen geometrikoa

(31064-31254-00 KODEA).

Iragarkiaren kodea: F1905204