Iragarkia

27. ALDIZKARIA - 2019ko otsailaren 8a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

5/2019 FORU AGINDUA, urtarrilaren 18koa, Ogasuneko eta Finantza Politikako kontseilariak emana, zeinaren bidez 2019. urterako eguneratzen baitira Pertsona Fisikoen Errentaren gaineko Zergari buruzko Foru Legearen testu bateginaren 68. artikuluan ezarritako zenbatekoak, alargun- eta erretiro-pentsioengatiko kenkariei dagozkienak.

Ekainaren 2ko 4/2008 Legegintzako Foru Dekretuak onetsitako Pertsona Fisikoen Errentaren gaineko Zergari buruzko Foru Legearen testu bateginaren 68. artikuluak alargun- eta erretiro-pentsioengatiko kenkariak arautzen ditu, eta kasu bakoitzean aplikagarria den kenkaria kalkulatzeko zenbatekoak jasotzen ditu.

68.A).4.3 artikuluak ezartzen du aipatu A) letran (“Alargun-pentsioengatiko kenkariak”) jasotako zenbatekoak 2017an aplikatuko direla, eta hurrengo urteetan eguneratuko direla Nafarroako KPIaren igoeraren eta Nafarroako batez besteko soldaten artean balio handienaren arabera, erregelamenduz ezartzen den moduan.

Bestalde, 68.B).4.4 artikuluak ezartzen du aipatu B) letran (“Kotizaziopeko erretiro-pentsioengatiko kenkariak”) jasotako zenbatekoak 2017an aplikatuko direla, eta hurrengo urteetan honela eguneratu beharko direla:

a) Kenkaria kalkulatzeko kontuan hartu beharreko zenbatekoak:

2018. urtean, Nafarroako KPIaren igoeraren eta 2017ko Nafarroako batez besteko soldaten arteko balio handiena 9.631,4ri aplikatuz eguneratuko dira.

2019. urtean, Nafarroako KPIaren igoeraren eta 2017ko eta 2018ko Nafarroako batez besteko soldaten arteko balio handiena 9.906,4ri aplikatuz eguneratuko dira, erregelamenduz ezartzen den moduan. Horregatik, 2019rako kalkulua egiteko, partidaren zenbatekoa 10.084,70 euro izanen da, 9.906.4 eurori (hau da, 2018rako eguneratze zenbatekoa) 100eko 1,8 gehitzearen ondorioz.

Hurrengo urteetan, zenbatekoa Nafarroako KPIaren igoeraren eta Nafarroako batez besteko soldaten artean balio handiena aurreko urteko zenbatekoari aplikatzetik datorrena izanen da, erregelamenduz ezartzen den moduan.

b) Errenten muga kalkulatzeko kontuan hartu beharreko zenbatekoak:

Nafarroako KPIaren igoeraren eta Nafarroako batez besteko soldaten artean balio handienaren arabera eguneratuko da, erregelamenduz ezartzen den moduan.

Maiatzaren 24ko 174/1999 Foru Dekretuaren bidez onetsitako Pertsona Fisikoen Errentaren gaineko Zergaren Erregelamenduaren 57.bis.2 artikuluak ezartzen du Zergari buruzko Foru Legearen 68. A) 4. Hirugarrena) eta 68.B) 4. Laugarrena) artikuluetan aurreikusitako zenbatekoak zerga arloko eskumena duen departamentuko titularrak eguneratuko dituela foru agindu bidez eta eguneratzen den urteko urtarriletik aurrera izanen dituela ondorioak. Eguneratze portzentajea balio hauetako handiena izanen da: Nafarroan aurreko urtean Kontsumoko Prezioen Indizeak izandako urteko batez besteko igoera eta Nafarroako batez besteko soldatek izandakoa, lan kostuen gaineko hiru hilean behingo inkestan jasotzen den soldaten kostu arruntaren arabera kalkulatuta, aurreko urteko lehenbiziko hiru hiruhilekoetan eta urte horren aurreko urteko azken hiruhilekoan izandakoa kontuan hartuta, Estatistikako Institutu Nazionalaren datuen arabera. Bi adierazle horien bariazio tasak negatiboak diren aldietarako, eguneratze portzentajea zero izanen da.

Estatistikako Institutu Nazionalak 2019ko urtarrilaren 15ean argitaratutako datuen arabera, Nafarroako KPIaren urteko igoeraren batezbestekoa 100eko 1,7koa da 2018an.

Bestalde, lan kostuen gaineko hiru hilean behingo inkestaren datuen arabera, soldaten kostu arrunta, 2018ko lehendabiziko hiru hiruhilekoak eta 2017ko azkena kontuan hartuta, 100eko 2,1 handitu da. Datu horiek Estatistikako Institutu Nazionalak argitaratu ditu.

Horrenbestez, Pertsona Fisikoen Errentaren gaineko Zergari buruzko Foru Legearen 68. artikuluan jasotako zenbatekoak eguneratu beharra dago 2019. urterako. Horretarako, artikulu horretan eta Zergaren Erregelamenduaren 57.bis artikuluan ezarritakoaren arabera, Nafarroako batez besteko soldaten igoera aplikatuko da, hau da, aipatu bi indizeen artean balio handiena.

Horrenbestez,

AGINDU DUT:

1. Pertsona Fisikoen Errentaren gaineko Zergari buruzko Foru Legearen testu bateginaren (ekainaren 2ko 4/2008 Legegintzako Foru Dekretuaren bidez onetsia) 68. artikuluan ezarritako zenbatekoak eguneratzea, Nafarroako batez besteko soldatek 2018an izandako igoerari dagokion 100eko 2,1ko igoera aplikatuz. Eguneratzea ondoko taulari jarraikiz eginen da:

2. Foru agindu hau Eskubide Sozialetako Departamentuko Gizarteratzeko eta Babes Sozialerako Zuzendaritza Nagusiari igortzea.

3. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2019ko urtarrilaren 18an.–Ogasuneko eta Finantza Politikako kontseilaria, Mikel Aranburu Urtasun.

Iragarkiaren kodea: F1900842