1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
6722/2019 EBAZPENA, urriaren 4koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, Jesús María Vaca Guergué jauna Pertsonen Autonomiarako eta Garapenerako Nafarroako Agentziako Balorazioen eta Zerbitzuen Zuzendariordetzako Arreta Goiztiarreko Zentroko zuzendari izendatzen duena bitarte baterako.
Irailaren 3ko 172/2015 Foru Dekretuaren bidez onetsitako Pertsonen Autonomiarako eta Garapenerako Nafarroako Agentziaren estatutuen 24. artikuluak xedatzen duenez, erakunde autonomo horri atxikitako zentro berekietako zuzendaritza lanpostuak, postu horien titularrek eskuratu dituzten eskubideak galarazi gabe, izendapen librearen bidez beteko dira, Nafarroako Foru Komunitateko Administrazioko eta haren erakunde autonomoetako funtzionarioen artean. Izendatzea eta kargutik kentzea Pertsonen Autonomiarako eta Garapenerako Nafarroako Agentziako zuzendari kudeatzaileari dagokio.
Horiek horrela, Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuan eta Pertsonen Autonomiarako eta Garapenerako Nafarroako Agentziaren Estatutuak onesten dituen irailaren 3ko 172/2015 Foru Dekretuan ezarritakoarekin bat,
EBAZTEN DUT:
1. Jesús María Vaca Guergué jauna Pertsonen Autonomiarako eta Garapenerako Nafarroako Agentziako Balorazioen eta Zerbitzuen Zuzendariordetzako Arreta Goiztiarreko Zentroko zuzendari izendatzea bitarte baterako.
2. Ebazpen honek 2019ko urriaren 1etik aurrera izanen ditu ondorioak.
3. Ebazpen hau interesdunari jakinaraztea, eta adieraztea ez duela administrazio bidea amaitzen, eta horren kontra gora jotzeko errekurtsoa jar daitekeela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazpen egunaren biharamunetik hasita hilabeteko epean.
4. Ebazpen hau igortzea Arreta Goiztiarreko Zentroko Zuzendaritzara, Balorazioen eta Zerbitzuen Zuzendariordetzara, Pertsonen Autonomiarako eta Garapenerako Nafarroako Agentziako Langileria Atalera, Langileriaren Gastuaren Kontrolaren eta Nominen Zerbitzura, Langileriaren Erregistro Nagusiaren Atalera, Nominen eta Gizarte Segurantzaren Atalera eta Idazkaritza Teknikoko Bulegora.
5. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2019ko urriaren 4an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
Iragarkiaren kodea: F1912932
