1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK. Epatze deia Hezkuntza Departamentuko Giza Baliabideen zuzendari nagusiaren abuztuaren 21eko 2995/2019 Ebazpenaren aurka jarritako gora jotzeko errekurtsoetan interesdun direnei.
Iragarki honen bitartez jakinarazten da ezen jarraian aipatzen diren pertsonek gora jotzeko errekurtsoak jarri dituztela Hezkuntza Departamentuko Giza Baliabideen zuzendari nagusiaren abuztuaren 21eko 2995/2019 Ebazpenaren aurka. Ebazpen horren bidez, irakasleak kontratatzeko zerrendak onetsi ziren 2019-2020 ikasturterako. Hona hemen errekurtsogileen izenak, espezialitatearen arabera sailkatuta:
–Lehen Hezkuntza (gaztelaniaz):
- Patxi Juaniz Moriones jauna.
- Ignacio Pérez Blanco jauna.
- Eva María Ortega Pérez andrea.
- Nuria Bert Landa andrea.
–Lehen Hezkuntza (euskaraz):
- Patxi Juaniz Moriones jauna.
- Nuria Bert Landa andrea.
–Pedagogia Terapeutikoa (gaztelaniaz):
- Héctor Lancina Mimbela jauna.
- David García Chandia jauna.
Horiek horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoari jarraikiz, espezialitate horietan interesdun diren guztiei dei egiten zaie alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean. Horiek Hezkuntza Departamentuaren Erregistroan aurkezten ahalko dira (Iruñeko San Domingo aldapa z.g.) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2019ko irailaren 25ean.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F1912409
