2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOZAR
3/2019 aurrekontu-aldaketa. Hasierako onespena
Berriozarko Udalak, 2019ko abuztuaren 26an, astelehenarekin, egin osoko bilkuran, hasiera batean onetsi zuen 3/2019 aldaketa 2019ko aurrekontu orokor eta bakarrean. (Kreditu bereziak, ikastetxe publikoko komunak birmoldatzeko –bigarren fasea–, ikastetxeko fatxada birmoldatzeko, furgoneta elektrikoa hornitzeko eta usoen kontrolaren tratamendurako).
Espedientea Idazkaritzan egonen da ikusgai hamabost egun baliodunean, iragarki hau Nafarroako Aldizkari Ofizialean argitaratu eta biharamunetik hasita, bizilagun edo interesdunek azter dezaten eta egokiak iruditzen zaizkien erreklamazioak aurkez ditzaten; hori guztia, irailaren 21eko 270/1998 Foru Dekretuaren 33. artikuluan xedatuari jarraikiz (foru dekretu horren bidez garatu zen, aurrekontuen eta gastu publikoaren alorretan, Nafarroako Toki Ogasunei buruzko martxoaren 10eko 2/1995 Foru Legea).
Berriozarren, 2019ko abuztuaren 27an.–Alkatea, Raúl Maiza González.
Iragarkiaren kodea: L1911271
