1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1E/2019 EBAZPENA, abuztuaren 21ekoa, Garapen Ekonomiko eta Enpresarialeko Departamentuko idazkari tekniko nagusiak emana. Honen bidez, ziurtagiriak egiteko eskumenaren erabilera uzten da Enpresa Politikaren, Nazioarteko Proiekzioaren eta Lanaren Zuzendaritza Nagusiko, Industriaren, Energiaren eta S3 Proiektu Estrategikoen Zuzendaritza Nagusiko eta Turismo, Merkataritza eta Kontsumo Zuzendaritza Nagusiko zerbitzuetako zuzendarien esku, nork bere eskumeneko gaietan gauza dezan.
Nafarroako Foru Komunitateko Administrazioko idazkaritza tekniko nagusiak arautzen dituen Erregelamendua onesten duen otsailaren 21eko 29/2005 Foru Dekretuak idazkaritzen esku uzten du departamentuan dauden agiri eta datuen gainean fede emateko eta horien gaineko ziurtagiriak egiteko eskumena.
Garapen Ekonomiko eta Enpresarialeko Departamentuaren eskumenen esparruko ziurtagiri eskaeren kopurua ikusita, eta ziurtagiri horiek ahalik eta azkarren egiteko, bidezko jotzen da ziurtagiriak egiteko eskumenaren erabilera uztea Enpresa Politikaren, Nazioarteko Proiekzioaren eta Lanaren Zuzendaritza Nagusiko, Industriaren, Energiaren eta S3 Proiektu Estrategikoen Zuzendaritza Nagusiko eta Turismo, Merkataritza eta Kontsumo Zuzendaritza Nagusiko zerbitzuetako zuzendarien esku.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 11. eta 33. artikuluetan xedatutakoaren arabera,
EBAZTEN DUT:
1. Ziurtagiriak egiteko eskumenaren erabilera uztea Enpresa Politikaren, Nazioarteko Proiekzioaren eta Lanaren Zuzendaritza Nagusiko, Industriaren, Energiaren eta S3 Proiektu Estrategikoen Zuzendaritza Nagusiko eta Turismo, Merkataritza eta Kontsumo Zuzendaritza Nagusiko zerbitzuetako zuzendarien esku, nork bere eskumeneko gaietan gauza dezan.
2. Ebazpen hau jakinaraztea Enpresa Politikaren, Nazioarteko Proiekzioaren eta Lanaren Zuzendaritza Nagusiko, Industriaren, Energiaren eta S3 Proiektu Estrategikoen Zuzendaritza Nagusiko eta Turismo, Merkataritza eta Kontsumo Zuzendaritza Nagusiko zerbitzuetako zuzendariei, egoki diren ondorioak izan ditzan.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2019ko abuztuaren 21ean.–Idazkari tekniko nagusia, Miguel Angel Pérez García.
Iragarkiaren kodea: F1911098
