1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
Epatzeko deialdia, Hezkuntza Departamentuko Giza Baliabideen Zerbitzuko zuzendariaren uztailaren 24ko 2745/2019 Ebazpenaren aurka jarritako gora jotzeko errekurtsoetan interesa dutenentzat. Ebazpen horren bidez onetsi zen maisu-maistren kidegoan sartzeko hautapen prozeduraren lehiaketaldiko merezimenduen behin betiko balorazioa.
Iragarki honen bitartez jakinarazten da ezen jarraian agertzen diren pertsonek gora jotzeko errekurtsoak jarri dituztela Hezkuntza Departamentuko Giza Baliabideen Zerbitzuko zuzendariaren uztailaren 24ko 2745/2019 Ebazpenaren aurka (ebazpen horren bidez onetsi zen maisu-maistren kidegoan sartzeko hautapen prozeduraren lehiaketaldiko merezimenduen behin betiko balorazioa). Hona hemen errekurtsogileen izenak, espezialitatearen arabera sailkatuta:
Entzumena eta Hizkuntza (gaztelaniaz): Ángela Rada Ojer andrea.
Gorputz Hezkuntza (gaztelaniaz): Rubén Lozano Cruz jauna.
Haur Hezkuntza (gaztelaniaz): Ángela Rada Ojer andrea, Ianire Colmenero Adalid andrea.
Haur Hezkuntza (euskaraz): Lanire Colmenero Adalid andrea, Maider López Cestao andrea.
Lehen Hezkuntza (gaztelaniaz): Ángela Rada Ojer andrea, Rubén Lozano Cruz jauna, María Josefa Echeverría Ruiz andrea.
Atzerriko Hizkuntza-Ingelesa (gaztelaniaz): Ángela Rada Ojer andrea, María Josefa Echeverría Ruiz andrea.
Pedagogia Terapeutikoa (gaztelaniaz): Elena Apesteguía Sanz andrea.
Horiek horrela, eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. artikuluan xedatutakoari jarraikiz, interesdunak epatzen dira alegazioak egin ahal izan ditzaten, iragarki hau Nafarroako Aldizkari Ofizialean argitaratu eta biharamunetik gehienez ere hamar egun balioduneko epean, Hezkuntza Departamentuaren Erregistroan aurkeztuz (Iruñeko San Domingo aldapa z.g.) edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legean ezarritako bideetatik edozein erabiliz.
Aurkeztutako errekurtsoen kopiak interesdunen eskura daude Hezkuntza Departamentuko Idazkaritza Tekniko Nagusiko Araubide Juridikoaren Atalean (Iruñeko San Domingo aldapa z.g.).
Iruñean, 2019ko abuztuaren 20an.–Hezkuntza Departamentuko idazkari tekniko nagusia, Beatriz Ayerra Gamboa.
Iragarkiaren kodea: F1910894
