3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Urdalurko urtegia erregulatzeko 2020ko kanona onesteko proposamena
2019ko apirilaren 9an erakunde honetako zuzendaritza teknikoak Urdalurko urtegiaren 2020ko erregulazio kanonerako proposamena onetsi du; Ur Jabari Publikoaren Erregelamendua onesten duen apirilaren 11ko 849/1986 Errege Dekretuaren 302. artikuluan ezarritakoarekin bat (103. Estatuko Aldizkari Ofiziala, apirilaren 30ekoa), balio hauek proposatzen ditu bertan:
A) Urdalurko urtegia egin ondoren emanak eta haren erregulazioaren onuradunak diren ur-hornidurek 0,0598819372 euroko kanona izanen dute metro kubikoko.
B) Estatuak, obren onuraduna den aldetik (uholdeen kontrako babesa eta gainerako onura orokorrak), 33.770,18 euro ordainduko dizkio organo kudeatzaileari, erregulazio kanon gisa.
Jendaurrean jartzen da Ebroko Konfederazio Hidrografikoko buruari egokiak diren erreklamazioak aurkezteko hamabost egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita. Epe horretan administrazio espedientea aztertu ahal izanen da erakundearen bulegoan, Zaragozan, Sagasta pasealekuko 24-28an.
Zaragozan, 2019ko apirilaren 11n.–Zuzendari teknikoa, Francisco José Hijós Bitrián.
Iragarkiaren kodea: E1908326
