1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOAK, atal, bulego eta unitate parekatuetako burutzak betetzeko deialdiaren aurka.
Funtzio Publikoko zuzendari nagusiaren urtarrilaren 15eko 105/2018 Ebazpenaren bidez onetsitako Nafarroako Foru Komunitatearen Administrazioko eta haren erakunde autonomoetako atal, bulego eta unitate parekatuetako burutzak merezimendu lehiaketa bidez betetzeko deialdian, María del Mar Trapote Redondo andreak, Francisco José Negro Roldán jaunak, Asociación Profesional de Asesores Jurídicos-Letrados de la Comunidad Foral de Navarra elkarteko buru den aldetik, Javier Sancho Domingo jaunak eta Begoña De Frutos Álvarez andreak, Nafarroako Administrazio Publikoetako Sindicato de Personal Administrativo (SPA) erakundea ordezkatuz, gora jotzeko errekurtsoak jarri dituzte plantilla organikoan zenbaki hauek dituzten lanpostuen aurka, hurrenez hurren: 10308 (Meategien Ataleko Burutza); 17 (Administrazioarekiko Auzien Ataleko Burutza) eta 8054 (Zerga Aferen Ataleko Burutza), 34282 (Ondare Arkitektonikoaren Ataleko Burutza); eta 3333 (Langileria Ataleko Burutza), 6800 (Nominen eta Gizarte Segurantzaren Ataleko Burutza), 8633 (Lan Harremanen eta Arriskuen Prebentzioaren Ataleko Burutza), 10282 (Orientazio Ataleko Burutza) eta 31227 (Nominen eta Gizarte Segurantzaren Ataleko Burutza).
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluei jarraituz, aditzera ematen zaie interesdun guztiei, alegazioak egiteko aukera izan dezaten, iragarki hau argitaratu eta biharamunetik gehienez ere hamar egun balioduneko epean, Erregistro Orokorrean aurkeztuta (Nafarroako Jauregia, Karlos III.aren etorbidea, 2, Iruña), edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako bideak erabiliz.
Jarritako errekurtsoen kopia interesdunen eskura dago Funtzio Publikoko Zuzendaritza Nagusiko Araubide Juridikoaren Atalean (Karlos III.aren etorbidea, 2, 2. solairua, Iruña).
Iruñean, 2018ko martxoaren 21ean.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1804014
