1. NAFARROAKO FORU KOMUNITATEA
1.7. BESTELAKOAK
193E/2018 EBAZPENA, martxoaren 16koa, Turismo eta Merkataritzako zuzendari nagusiak emana, zeinaren bidez ezartzen baita Nafarroako Foru Komunitatean saltokiak irekitzeko eta merkataritzan aritzeko egun balioduntzat hartuko diren igande eta jaiegunen egutegi berria 2018. urterako.
Nafarroan merkataritza arautzen duen uztailaren 12ko 17/2001 Foru Legeak 33. artikuluan dioenez, merkataritzaren arloan eskumenak dituen departamentuak, Nafarroako Merkataritzaren Kontseiluari entzunaldia eman ondoren, hurrengo urteko egutegia ezarriko du, horren barnean direla Nafarroako Foru Komunitatean merkataritzan aritzeko egun balioduntzat hartuko diren igandeak eta jaiegunak.
Gaur egun, Garapen Ekonomikorako Departamentua da merkataritzaren barne sektorea Nafarroan antolatu eta sustatzeko ardura duena, hala ezarrita baitago Garapen Ekonomikorako Departamentuaren egitura organikoa ezarri zuen urtarrilaren 11ko 1/2007 Foru Dekretuaren 1. artikuluan.
Turismo eta Merkataritzako zuzendari nagusiak abenduaren 13an emandako 847E/2017 Ebazpenaren bidez, Nafarroako Foru Komunitatean saltokiak irekitzeko eta merkataritzan aritzeko egun balioduntzat hartuko ziren igandeak eta jaiegunak ezarri ziren 2018. urterako.
Ebazpen hura 2017ko 247. Nafarroako Aldizkari Ofizialean argitaratu zen, abenduaren 28koan, eta haren bidez ezarri ziren Nafarroako Foru Komunitatean saltokiak irekitzeko eta merkataritzan aritzeko egun balioduntzat hartuko ziren igandeak eta jaiegunak 2018. urterako:
–Urtarrilaren 7a.
–Martxoaren 29a.
–Apirilaren 2a.
–Abuztuaren 15a.
–Urriaren 12a.
–Azaroaren 1a.
–Abenduaren 8a.
–Abenduaren 23a.
–Herriko festa eguna; betiere, otsailean, maiatzean, ekainean, uztailean edo irailean izan beharko du, eta ez da igandea izanen.
2017ko otsailaren 13an, Merkataritzako Estatu Idazkaritzak Nafarroako Gobernuari errekerimendua egin zion, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluarekin bat, ebazpen hura deusezta edo erreboka dezan.
Nafarroako Gobernuak 2018ko martxoaren 14an hartutako Erabakiaren bidez, errekerimendu hura baietsi egin zen, eta aipatutako abenduaren 13ko 847E/2017 Ebazpena ondoriorik gabe gelditu da.
Horrenbestez, eta behin Nafarroako Merkataritza Kontseiluari entzunaldia emateko aurretiazko tramitea beterik, bidezkoa da Nafarroako Foru Komunitatean saltokiak irekitzeko eta merkataritzan aritzeko egun balioduntzat hartuko diren igande eta jaiegunen egutegi berri bat ezartzea 2018. urterako.
Egutegi horretan jaso dira, orobat, Turismo eta Merkataritzako zuzendari nagusiak abenduaren 13an emandako 847E/2017 Ebazpenaren bidez balioduntzat emandako eta ebazpen hau onesterako jada iragandako igande eta jaiegunak.
Horrenbestez, Garapen Ekonomikorako Departamentuaren egitura organikoa ezarri zuen urtarrilaren 11ko 1/2017 Foru Dekretuaren bidez eskuratu ditudan eskudantziak erabiliz,
EBATZI DUT:
1. 2018. urtean, igande eta jaiegun hauek egun balioduntzat hartuko dira Nafarroako Foru Komunitatean merkataritzan aritzeko, eta, hortaz, egun horietan saltokiak irekitzen ahalko dira:
–Urtarrilaren 7a.
–Martxoaren 29a.
–Martxoaren 30a.
–Apirilaren 2a.
–Abuztuaren 15a.
–Urriaren 12a.
–Azaroaren 1a.
–Abenduaren 8a.
–Abenduaren 23a.
–2018ko herriko festa eguna, Politika Ekonomiko eta Enpresarialaren eta Lanaren Zuzendaritza Nagusiak xedatuarekin bat.
2. Ebazpen hau Nafarroako Aldizkari Ofizialean argitaratzea, orok jakin dezan.
3. Adieraztea ebazpen honek ez duela administrazio bidea amaitzen, eta horren aurka gora jotzeko errekurtsoa jar daitekeela, Garapen Ekonomikorako kontseilariari zuzendua, jakinarazi eta biharamunetik hilabeteko epean.
Iruñean, 2018ko martxoaren 16an.–Turismo eta Merkataritzako zuzendari nagusia. Bere ordez (Garapen Ekonomikorako kontseilariaren azaroaren 19ko 95/2015 Foru Agindua), Herri Lanetako zuzendari nagusia, Ignacio María Nagore Laín.
Iragarkiaren kodea: F1803734
