1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
17/2018 EBAZPENA, urtarrilaren 25ekoa, Ingurumeneko eta Lurraldearen Antolamenduko zuzendari nagusiak emana, zeinaren bidez xedatzen baita Nafarroako Aldizkari Ofizialean argitara dadila Tafalla-Erriberriko La Nava industrialdea handitzeko Udalez gaindiko Plan Sektoriala ZST1 eta ZST2 lurzatietan aldatzeko araudia. Sustatzailea Cárnicas Galar SL da.
Horrenbestez, uztailaren 26ko 1/2017 Legegintzako Foru Dekretuaren bidez onetsitako Lurraldearen Antolamenduari eta Hirigintzari buruzko Foru Legearen testu bateginaren 29.2 artikuluan ezarritakoa betetzeko, eta Landa Garapeneko, Ingurumeneko eta Toki Administrazioko Departamentuaren egitura organikoa ezartzen duen irailaren 21eko 78/2016 Foru Dekretuaren bidez emandako ahalmenak erabiliz,
EBATZI DUT:
1. Xedatzea Nafarroako Aldizkari Ofizialean argitara dadila Tafalla-Erriberriko La Nava industrialdea handitzeko Udalez gaindiko Plan Sektoriala ZST1 eta ZST2 lurzatietan aldatzeko araudia, Cárnicas Galar SLk sustatutakoa. Nafarroako Gobernuak onetsi zuen 2009ko uztailaren 20an hartutako Erabakiaren bidez (2009ko 108. Nafarroako Aldizkari Ofiziala, irailaren 2koa), eta ez da argitaratu oraindik (eranskina).
2 Aditzera ematea ebazpen honek ez duela administrazio bidea amaitzen, eta espedientean interesa dutenek, administrazio publikoek izan ezik, ebazpen honen kontra gora jotzeko errekurtsoa jar dezaketela, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epeak ebazpen hau Nafarroako Aldizkari Ofizialean argitaratu eta biharamunean hasiko dira.
3 Ebazpen hau igortzea Tafallako Udalari eta Cárnicas Galar SLri, eta Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2018ko urtarrilaren 25ean.–Ingurumeneko eta Lurraldearen Antolamenduko zuzendari nagusia, Eva García Balaguer.
ERANSKINA
Tafalla-Erriberriko La Nava industrialdea handitzeko Udalez gaindiko Plan Sektoriala aldatzea ZST1 eta ZST2 lurzatietan (PDFa).
Iragarkiaren kodea: F1801411
