3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2016-A-38
Erausona SLk honako datu eta ezaugarri hauek dituen ur publikoen aprobetxamendua eskatu du:
Ibilgua: Ultzama ibaia.
Hargunearen udalerria: Ezkabarte (Nafarroa).
Hargunearen tokia: UTM ETRS89 (612.686, 4.745.856) 30. zona.
Erabilera: ureztatzea.
Erabileraren tokia: 69., 70., 224., 227., 243., 245., 293., 295. eta 296. lurzatiak (11. poligonoa) eta 325. lurzatia (13. poligonoa), Ezkabarteko udal-mugartean.
Batez besteko emari baliokidea kontsumo handieneko hilean (l/s): 0,112.
Gehieneko bolumena urtean: 1.900 m³.
Aprobetxamenduaren xedea da ura zuzenean hartzea Ultzama ibaitik, eskuinaldeko ur-bazterrean 250 mm-ko diametroko eta 6 m-ko sakonerako putzu bat eginez; putzuan ur azpiko ponpa bat paratuko da, 3 l/s-ko uneko gehieneko emariarekin, urak putzutik 100 m³-ko biltegi bateraino (poliesterrezkoa, eta beira zuntzez sendotua) bideratuko dituena. Biltegia lurrean sartuta egonen da, hormigoi armatuzko lauza baten gainean, Ezkabarteko 11. poligonoko 243. lurzatian. Ur-kontagailua ponparen irteeran jarriko da, eta beharrezkoa bada hormigoizko kutxeta batekin eta metalezko estalkiarekin babestuko da. Ura deribazio puntutik biltegiraino eramateko sistema 3 hazbeteko hodi bat izanen da; lehen tartea, 80 metrokoa, 416. lurzatian barna joanen da, lur azpitik, eta gainerakoa, biltegiraino, azaletik joanen da, kanpinaren kanpoko perimetrotik. Ura berdeguneak ureztatzeko erabiliko da, 2 hektarea, zehazki.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea ikusgai egonen da Ebroko Konfederazio Hidrografikoan (Sagasta pasealekua 26-28, Zaragoza). Eta espedientearen fotokopiak eta dokumentazio teknikoa Iruñean egonen dira ikusgai (Serafín Olave, 7), bulego orduetan.
Zaragozan, 2017ko abenduaren 1ean.–Ur komisarioa, eskuordez, komisario albokoa, Antonio Coch Flotats.
Iragarkiaren kodea: E1715086
