Iragarkia

29. ALDIZKARIA - 2018ko otsailaren 9a

1. NAFARROAKO FORU KOMUNITATEA

1.7. BESTELAKOAK

21/2018 EBAZPENA, otsailaren 2koa, Hezkuntzako zuzendari nagusiak emana, Nafarroako Foru Komunitatean hizkuntzen irakaskuntzetako sarrera libreko ziurtapen probak egiteko 2018ko deialdiak onesten dituena.

Uztailaren 4ko 88/2007 eta irailaren 11ko 149/2008 foru aginduek ezartzen dute ikasle libreen oinarrizko mailaren, erdiko mailaren eta maila aurreratuaren ziurtagiria lortzeko inskripzioa egiteko modua, baldintzak eta egunak Hezkuntza Departamentuak zehaztuko dituela.

Abenduaren 2ko 220/2011 Foru Aginduaren bidez, Nafarroako Foru Komunitatean hizkuntzen irakaskuntzetako sarrera libreko ziurtapen proben antolaketa arautu zen.

Hizkuntzen irakaskuntzetako sarrera libreko ikasleen ziurtapen probak behar bezala antolatu eta aplikatzen direla bermatzeko, haiek 2017-2018 ikasturtean arautuko dituzten prozedura eta egutegia ezartzen dira.

Hezkuntza Departamentuaren egitura organikoak ezartzen duen urtarrilaren 11ko 5/2017 Foru Dekretuak ematen dizkidan ahalmenak erabiliz,

EBATZI DUT:

1. Hizkuntzen irakaskuntzetako mailak ziurtatzeko sarrera libreko 2018ko proba arrunterako eta berezirako dei egitea.

2. Ebazpen honen 1. eranskin gisa jaso diren oinarriak eta egutegia onestea, baita 2. eranskinean ikastetxeen eragin-eremuaz sailkatutako udalerri zerrenda ere.

3. Atzerriko Hizkuntzen Atalak aurreinskripzio prozesu bateratu bat antolatuko du Nafarroa osoan ingeles eta euskara hizkuntzetarako. Nafarroako hizkuntza eskola ofizialak proben matrikulazioaz, aplikazioaz eta zuzenketaz arduratuko dira, eta ziurtagiriak egin daitezela proposatu eta kontrolatuko dute.

4. Ebazpen honen aurka, gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

5. Ebazpen hau eta eranskinak Nafarroako Aldizkari Ofizialean argitaratzea.

6. Ebazpen hau eta eranskinak Eleaniztasunaren eta Arte Ikasketen Zerbitzura, Hezkuntzako Ikuskapen Zerbitzura, Atzerriko Hizkuntzen Atalera, Ikasketak Antolatzeko Atalera eta hizkuntza eskola ofizialetara igortzea, behar diren ondorioak izan ditzaten.

Iruñean, 2018ko otsailaren 21an.–Hezkuntzako zuzendari nagusia, Roberto Pérez Elorza.

1. ERANSKINA

Nafarroako Foru Komunitateko Hizkuntza Eskola Ofizialetako sarrera libreko 2018ko probak egiteko baldintza eta betebeharrak

1.–Iragarritako probak eta haien ezaugarriak.

1.1. 2018. urteari begira, Nafarroako hizkuntza eskola ofizialek sarrera libreko probetarako deialdia egiten dute, honako maila eta hizkuntza hauetarako:

1.2. Azterketa proben egitura izangaientzat indarra duten zehaztapenetan ezarritakoa izanen da.

1.3. Maila bakoitzeko ziurtapen probak aldi berean administratuko dira deialdi bakarrean, ofizial eta libre ikasleentzat, ahozko adierazpenaren proba izan ezik, hura egiteko dagokion egutegia ezarriko baita.

1.4. Ikasle libreek bi deialdi izanen dituzte dagokien maila gainditzeko. Probak maiatzean eta ekainean eginen dira, deialdi arruntean, eta irailean deialdi berezian, eta eranskin honen 1.1 puntuan ageri den egutegiari jarraikiz banatuko dira.

1.5. Azterketak egin baino lehen, Nafarroako hizkuntza eskola ofizialek beren web orrietan argitaratuko dituzte ziurtapen probetarako izangaientzako deialdiak, probak zer egunetan eta ordutan izanen diren adierazita.

1.6. Izangaien kopuruak zentroaren gaitasuna gainditzen badu hizkuntza eta maila baterako, beste egoitza batzuk prestatzen ahalko dira proba idatzia zein ahozkoa egiteko, bai eta bi deialdi egin ere, goizez eta arratsaldez, hurrenez hurren. Kasu horietan, eskolek garaiz-garaiz argitaratuko dute zer egoitzatan eta ordutan egin beharko duen proba izangai bakoitzak.

2.–Aurreinskripzioa.

2.1. Azken urteotan ingeles eta euskara probak egiteko matrikula libreen kopurua handiegia izan dela eta, eta baliabideak ahalik eta hobekien kudeatzeko, Nafarroako hizkuntza eskola ofizialentzat online aurreinskripzio epe bakar bat irekiko da.

2.1.1. Ingeles eta euskara proba libreetan parte hartu nahi dutenek hizkuntza bakoitzarentzat aurreinskripzio bana egin beharko dute, aukeratutako maila adieraziz. Hizkuntza bakoitzeko maila bana. Soilik maila baterako matrikula onartuko da hizkuntza bakoitzean.

Aurreinskripzioa hizkuntza eskola ofizialeen web orrian aurkituko den informatika tresnaren bidez soilik egingo da, 2018ko otsailaren 12 eta 18 bitartean, biak barne. Epe honen kanpo informatika tresna ez da erabilgarria izango.

2.1.2. Aurreinskripzio prozesuan, eskatzaileak datu pertsonalak, hautatutako hizkuntza eta maila, eta probak egiteko lehentasuneko gisa aukeratzen duen eskola adieraziko ditu. Informatika tresnak aurreinskripzio bakoitzari zenbaki bana emango dio.

Aurreinskripzioan emandako datuak matrikula egiteko unean baieztatuko dira eta zinpeko aitorpenaren izaera izanen dute.

2.2. Baremoa.

2.2.1. Matrikula libreak esleitzeko matrikula egiteko unean egiaztatzeko izanen diren ondorengo irizpideekin honako baremo hau ezarriko da:

–2 puntu: Nafarroako Gobernuko Hezkuntza Departamentuaren menpe dauden ikastetxeetan jardun diren irakasleak edo aukeratutako eskolako eragin-eremuan bizi direnak.

–Puntu 1: Nafarroan bizi direnak, lehen aukeran aukeratutako eskolako eragin-eremutik kanpo.

–0 puntu: Nafarroan bizi ez direnak.

2.2.2. Probak egiteko hiru ikastetxe izango dira: Iruña, Lizarra eta Tutera. Ikastetxe bakoitzari eragin-eremu bat ezartzen zaio. Aurreinskripzioa egiteko unean zona bat aukeratu beharko da eta adierazi beharko da matrikula beste ikastetxe batean egiteko aukera eduki nahi den, lehen aukerarekin matrikula lortu ezean. Eragin-eremu bakoitzari dagozkion udalerriak ebazpen honetako 2. eranskinean zerrendatzen dira.

2.2.3. Onartzen diren egiaztagiriak 3.4. puntuan agertzen dira.

2.3. Zozketa eta ikastetxearen adjudikatzea.

2.3.1. Behin aurreinskripzio epea bukatuta, eskatzaile bakoitzari ikastetxe bat esleituko zaio. Horretarako ikastetxeek eskura dituzten giza eta leku baliabideak kontuan hartuko dira.

2.3.2. Ikastetxe bat esleitzeko, aurreinskripzioak bildu dituen informatiko tresnak ausazko zenbaki bat aterako du hizkuntza bakoitzerako, eta zenbaki horretatik aurrera esleituko zaie eskatzaileei zein ikastetxetan egin behar duten frogak egiteko matrikula. Prozesu horretan 2.2. puntuan adierazitako baremoan izandako puntuazioa kontuan izango da. Zenbaki hori lortzeko otsailaren 19an goizeko 10etan jendaurrean egingo da, Iruñeko San Domingo kalean 8, Atzerriko Hizkuntzen Atalak duen egoitzan. Zozketa horretan Atzerriko Hizkuntzen Ataleko buruak eta Europako Proiektuen Bulegoko buruak, edo haiek izendatutakoek, eta Hezkuntza Departamentuko Idazkaritza Nagusiko letradu batek hartuko dute parte.

2.3.3. Eskatzaileek otsailetik 20tik aurrera aurreinskripzioa egiteko baliatu duten tresna informatikoaren bidez ikusi ahalko dute zein ikastetxe adjudikatu zaien behin-behinean matrikula egiteko.

2.3.4. Eskatzaileek 2018ko otsailaren 20tik 22ra bitarteko epea izango dute behin-behineko zerrenden kontrako errekurtsoak aurkezteko Eleaniztasunaren eta Arte Ikasketen Zerbitzuan. Ikastetxeko pertsonaleko ezadostasuna errekurtso bat egiteko ez da nahiko izango.

3.–Matrikula.

3.1. Hizkuntza bakoitzean maila batean baizik ezin da matrikulatu.

3.2. Aleman, frantses eta italierako zertifikazio probak egiteko online matrikula librea aurreinskripziorik gabe 2018ko otsailaren 19tik 25era zuzenean aukeratutako eskolan egingo da.

3.3. Bakarrik aurreinskripzioa egin dutenek ingeles eta euskara zertifikazio probak egiteko matrikula libre aukeratu ahalko dute.

3.3.1. Ingeles eta euskara hizkuntzetan aurreinskripzioa egiten dutenentzat hizkuntza eskolek matrikula librea egiteko epe bat irekiko dute 2018ko otsailetik 26tik martxoaren 4ra, biak barne.

3.3.2. Eskatzaile bakoitzak ebazpen honetako 2.3. puntuaren bidez azaldutako prozesuan esleitutako ikastetxean egingo du matrikula.

3.4. Matrikula egiterakoan, honako dokumentu hauek aurkeztu beharko dira bulegoan, eskaneatuak edo posta arruntaren bidez igorriz, martxoaren 14a baino lehen:

a) NANaren/AIZren fotokopia. Eskatzailea adjudikatutako eskolako ikasle ohia izaten bada ez da beharrezkoa.

b) Ingelesa eta euskara hizkuntzetarako matrikula libreen kasuan, bizitokia ikastetxeko eragin-eremuan egiaztatzeko udal-erroldaren ziurtagiria. NANaren/AIZren helbide bera bada, ez da beharrezkoa izango.

c) Ingelesa eta euskara hizkuntzetarako matrikula libreen kasuan, Nafarroako ikastetxe itundu batean irakasle izana egiaztatzeko ikastetxeko zuzendariaren ziurtagiria. Nafarroako sare publikoen irakasleak ofizioz egiaztatuko dira.

d) Hala balegokio, prezio publikoak ordaintzetik erabat edo zati batez salbuetsita izatearen frogagiria, indarrean dagoen arauaren araberakoa.

e) Desgaitasuna aintzatetsia dutenek kasu bakoitzean dagokion ziurtagiria aurkeztu beharko dute, non gradua eta dagozkion egokitzapena agertu behar den.

f) Beste hizkuntza eskola ofizial batetik datorren ikasleak espedientearen lekualdaketa eskatu edo lortu duela ziurtatzen duen agiri eguneratua.

3.5. Maiatzaren 16ko 56/2017 Foru Aginduan (101. Nafarroako Aldizkari Ofiziala, 2017ko maiatzaren 26koa) ezarritakoa izanen da sarrera libreko 2017-18ko matrikulari dagokion zenbatekoa.

3.5.1. Ordainketa egin ezean, matrikula ez da amaitutzat emango.

3.5.2. Probetara aurkezten ez diren ikasleek ez dute sartutako zenbatekoa itzultzeko eskubiderik izanen.

3.6. Matrikulen onarpena.

3.6.1. Matrikula egiaztatzean inkongruentziak antzemanez gero aurreinskripzioan emandako datuen eta matrikula egin ondoren emandako dokumentazioaren artean, matrikula baloigabetuko da.

3.6.2. Onartu eta onartu gabeko matrikulen behin-behineko zerrendak ikastetxe bakoitzaren webgunean argitaratuko dira apirilaren 18ko 14:30ean.

3.6.3. Behin-behineko zerrendei errekurtsoak aurkeztu ahalko dira apirilaren 19tik 30era bitarte, posta elektronikoz edo zuzenean.

3.6.4. Onartutako eta ez onartutako matrikulen behin betiko zerrendak ikastetxe bakoitzaren webgunean argitaratuko dira maiatzaren 4ko 14:30ean.

4.–Ebaluazioa, kalifikazioa eta ziurtapena.

Maila bakoitzeko zehaztasunei buruzko araudian ezarritakoari jarraikiz eginen dira ebaluazioa, kalifikazioa eta ziurtapena.

5.–Desgaitasuna duten pertsonentzako egokitzapena.

5.1. Behar den minusbaliotasun edo desgaitasun agiria aurkeztuz, ziurtapen probak ohiko moduan egiterik ez dutela justifikatzen duten ikasleek denbora eta baliabideen aldetik behar dituzten egokitzapenak eskatzen ahalko dituzte.

5.2. Minusbaliotasun maila aitortua %33ekoa edo handiagoa baldin bada, Hezkuntza Departamentuak bere zerbitzu pedagogikoei aholku eskatuko die, desgaitasun motaren eta mailaren arabera nolako egokitzapenak egin behar diren jakiteko. Desgaitasun hori matrikula egiterakoan egiaztatu beharko da.

2. ERANSKINA

Udalerriak eta ikastetxeen eragin-eremuak

Iragarkiaren kodea: F1801547