1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
55C/2018 EBAZPENA, urriaren 18koa, Politika Ekonomiko eta Enpresarialaren eta Lanaren zuzendari nagusiak emana, Nafarroako Eraikuntzaren eta Herri Lanen Industriaren Sektorearen hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako Eraikuntzaren eta Herri Lanen Industriaren Sektorearen hitzarmen kolektiboaren testua aztertu da (31002805011981 kode zenbakia), erregistro honetan 2018ko uztailaren 31n sartu zena enpresaren ordezkariek eta sindikatuetako batzuek (UGT eta CCOO) 2018ko uztailaren 27an sinatua, eta 2018ko irailaren 26an zuzendu zena, Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2018ko urriaren 18an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Nafarroako Eraikuntzaren eta Herri Lanen Industriaren Sektorearen hitzarmen kolektiboa (PDFa).
Iragarkiaren kodea: F1812523
