2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MENDABIA
Laburpena, testuliburuak erosteko, eskola-jantokirako
eta hiri-kanpamenturako diru-laguntzen deialdiarena.
2018-2019 ikasturtea
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; haren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index), DDBN (identifikazioa): 406960.
–Xedea: diru-laguntzak ematea, testuliburuak erosteagatik, eskola-jantokia erabiltzeagatik eta hiri-kanpamentuan parte hartzeagatik sorturiko gastuak partez finantzatzeko, 2018-2019 ikasturteari dagokionez; hori guztia, espedientean dauden oinarri arautzaileen xedapenei jarraikiz.
–2018ko aurrekontuan laguntzak emateko gehieneko aurrekontua: 3.500 euro testuliburuak erosteko; 17.000 euro eskola-jantokirako; 1.000 euro hiri-kanpamenturako.
–Zenbatekoa: diru-laguntzaren zenbatekoa zehazteko, eskatzailearen errenta aitorpena hartuko da kontuan, eta aurrekontua banatuko da onartutako eskaeren artean.
–Laguntzak eskatzeko epea: hiri-kanpamenturako laguntza eskatzeko, 15 egun baliodun; gainontzeko laguntza lerroetarako, 2018-2019 ikasturtea bukatu arte. Eskabideak eta oinarrietan adierazitako dokumentazioa Mendabiako Udalaren bulegoetan aurkeztuko dira.
–Onuradunak: ikus oinarri arautzaileak.
–Oinarri arautzaileak: Diru-laguntzen Base Nazionalean eta Udalaren webgunean.
–Aurkeztu beharreko agiriak: deialdiaren oinarrietan zehazten direnak. Horiek, behar diren gainerako agiriekin batera, interesdunen eskura egonen dira Mendabiako Udalaren bulegoetan.
Halaber, eskaera telematika bidez aurkezten ahalko da, Mendabiako Udalaren Erregistro Elektroniko Orokorrean. Erregistro hori Mendabiako Udalaren egoitza elektronikoan dago (www.mendavia.es).
Mendabian, 2018ko uztailaren 2an.–Alkate udalburua, María Josefa Verano Elvira.
Iragarkiaren kodea: L1808904
