Iragarkia

139. ALDIZKARIA - 2018ko uztailaren 19a

1. NAFARROAKO FORU KOMUNITATEA

1.7. BESTELAKOAK

453/2018 EBAZPENA, maiatzaren 28koa, Herri Lanetako zuzendari nagusiak emana, errepideko garraio publikoan aritzeko lanbide gaitasunaren probak, 2018ko apirilaren 14an eginak, gainditu dituzten izangaien zerrenda onesten duena.

Herri Lanetako zuzendari nagusiaren azaroaren 6ko 951/2017 Ebazpenaren bidez, errepideko garraio publikoan aritzeko lanbide gaitasunaren ziurtagiria eskuratzeko probetarako deia egin zen. Deialdia 2018ko 8. Nafarroako Aldizkari Ofizialean argitaratu zen, urtarrilaren 11an, eta probak 2018ko apirilaren 14an egin ziren.

Behar diren probak egin ondoren, horretarako izendatutako epaimahaiak haiek gainditu dituzten izangaien zerrenda aurkeztu du, deialdiko hamargarren oinarrian aurreikusitako ondorioetarako.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Errepideko garraio publikoan aritzeko behar den lanbide gaitasuna lortzeko probak gainditu dituzten izangaien zerrenda, ebazpen honen eranskinean ageri dena, onestea.

2. Garraio Zerbitzuari agintzea lanbide gaitasuna egiaztatzeko behar diren agiriak presta ditzala.

3. Ebazpen hau Kudeaketa Atalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

4. Adieraztea ebazpen honen aurka gora jotzeko errekurtsoa jartzen ahal dela, Garapen Ekonomikorako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2018ko maiatzaren 28an.–Herri Lanetako zuzendari nagusia, Ignacio Nagore Laín.

ERANSKINA

Salgaien garraiorako gaitasuna lortzeko probak gainditu dituzten izangaien behin betiko zerrenda

Bidaiarien garraiorako gaitasuna lortzeko probak gainditu dituzten izangaien behin betiko zerrenda

Iragarkiaren kodea: F1807184