1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Kultura, Kirol eta Gazteriako kontseilariak maiatzaren 3an emandako 36/2017 Foru Aginduarena. Foru agindu horren bidez, Jarduera Fisikoaren eta Kirolaren Zientzien graduko tituludunentzako prestakuntza beka baterako deialdia onetsi da, kirol entrenamenduaren oinarri zientifikoekin, lesioen prebentzioarekin eta jarduera fisikoarekin (osasunarekin duen loturari dagokionez) zerikusia duten ezagutza teoriko eta praktikoak lor ditzaten. Prestakuntza hori Nafarroako Gobernuaren Kirolaren Azterlan, Ikerketa eta Medikuntzako Zentroan eginen da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). DDBN (Identifikazioa): 345849.
Lehena.–Onuradunak.
Jarduera Fisikoaren eta Kirolaren Zientzien graduko unibertsitate tituludunak.
Bigarrena.–Xedea.
Nafarroako Gobernuko Kirolaren Azterlan, Ikerketa eta Medikuntzako Zentroan arituz, kirol entrenamenduaren oinarri zientifikoekin, lesioen prebentzioarekin eta jarduera fisikoarekin (osasunarekin duen loturari dagokionez) zerikusia duten ezagutza teoriko eta praktikoak lortzea.
Hirugarrena.–Oinarri arautzaileak.
Maiatzaren 3ko 36/2017 Foru Agindua, Nafarroako Zerbitzuen Katalogoan argitaratua: http://www.navarra.es/home_es/Servicios/ficha/6937/Beca-de-formacion-dirigida-a-titulados-as-de-Grado-en-Ciencias-de-la-Actividad-Fisica-y-del-Deporte-en-el-CEIMD.
Laugarrena.–Zenbatekoa.
Beka honi aurre egiteko gastua 10.500 eurokoa da.
Bosgarrena.–Eskaerak aurkezteko epea.
Nafarroako Aldizkari Ofizialean argitaratu eta biharamunetik hamabost egun naturaleko epean.
Seigarrena.–Bekaren iraupena.
12 hilabeteko iraupena izanen du, 2017ko uztailaren 1etik hasita 2018ko ekainaren 30era bitarte, berritzeko aukerarik gabe.
Iruñean, 2017ko maiatzaren 3an.–Kultura, Kirol eta Gazteriako kontseilaria, Ana Herrera Isasi.
Iragarkiaren kodea: F1705713
