1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, 147/2017 Ebazpenarena, maiatzaren 2koa, Hezkuntzako zuzendari nagusiak emana, 2017-2018 ikasturtean irakasleen etengabeko prestakuntza programan hezkuntza berritzeko proiektuetarako deialdia erregulatzen duena.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraituz, argitara ematen da deialdiaren laburpena; horren testu osoa Diru-laguntzen Datu Base Nazionalean kontsulta daiteke (http://www.pap.minhap.gob.es/bdnstrans/index). BDNS (Identifikazioa): 345065.
Lehena.–Onuradunak.
a) Haur Hezkuntzako bigarren zikloko eta Lehen Hezkuntzako ikastetxeak.
b) Bigarren Hezkuntzako ikastetxeak (Derrigorrezko Bigarren Hezkuntza eta Batxilergoa).
c) Lanbide Heziketako ikastetxeak.
d) Araubide bereziko ikastetxeak.
e) Hezkuntza bereziko ikastetxeak.
f) Helduen hezkuntzako ikastetxeak.
Bigarrena.–Xedea.
Oinarri hauen helburua da hezkuntza berritzeko proiektuei laguntza emateko eta haiek aintzatesteko neurriak arautzea, Nafarroako Foru Komunitatearen funts publikoak jasotzen dituzten unibertsitatez kanpoko ikastetxeetan, araubide orokorrekoak edo araubide berezikoak izan.
Hirugarrena.–Oinarri arautzaileak.
Esteka honetan eskura daitezke:
http://www.navarra.es/home_es/Servicios/ficha/6304/Proyectos-de-innovacion-educativa-en-centros-escolares-de-ensenanzas-no-universitarias1
Laugarrena.–Zenbatekoa.
Aurrekontuan dagoen diruaren arabera, hautatzen diren proiektuek 1.000 euroko laguntza hartzen ahalko dute, gehienez ere, garapen gastuak ordaintzeko. Laguntzen zenbatekoa modu proportzionalean banatuko da proiektua onartua duten ikastetxeen artean (60 puntu gutxienez). Kopuru horiek 2018ko aurrekontuko gastuen “Hezkuntza berritzeko programak” kontu-sailaren kargura eta 2018ko aurrekontuko “Ikastetxe itunduetan hezkuntza berritzeko programak” kontu-sailaren kargura eginen dira.
Bosgarrena.–Eskaerak aurkezteko epea.
Ikastetxeek deialdi hau Nafarroako Aldizkari Ofizialean argitaratu eta biharamunetik hasita hogeita hamar egun naturaleko epean aurkeztu beharko dituzte eskaerak.
Iruñean, 2017ko maiatzaren 2an.–Hezkuntzako zuzendari nagusia, Roberto Pérez Elorza.
Iragarkiaren kodea: F1705321
