1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
41E/2017 FORU AGINDUA, martxoaren 14koa, Landa Garapeneko, Ingurumeneko eta Toki Administrazioko kontseilariak emana, behin betiko onesten duena Santakarako Planeamenduko Arau Subsidiarioetako aldaketaren espedientea, SAT Santa Eufemiak sustaturik; aldaketa Santakarako 7. poligonoko 6., 57., 58., 59., 60., 66., 1344., 1345., 1346., 1347., 1351. eta 1352. lurzatiei dagokie.
Santakarako Udalak idazpuruan azaltzen den espedientea aurkeztu du Landa Garapeneko, Ingurumeneko eta Toki Administrazioko Departamentuan, behin betiko onets dadin.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 artikuluak ematen dizkidan eskudantziak erabiliz,
AGINDU DUT:
1. Behin betiko onestea Santakarako Planeamenduko Arau Subsidiarioetako aldaketaren espedientea, SAT Santa Eufemiak sustaturik; aldaketa Santakarako 7. poligonoko 6., 57., 58., 59., 60., 66., 1344., 1345., 1346., 1347., 1351. eta 1352. lurzatiei dagokie. Udalak determinazio hauek bilduko ditu testu bategin batean hiru hilabeteko epean eta departamentu honi igorriko:
–7. poligonoko 56., 57. eta 58. lurzatiek kategoria hau izanen dute: zaindu beharrekoa/natur ustiaketarako baliokoa/laborantzakoa. Proposatutako babes araubidea izanen dute.
–59., 60., 66., 1344., 1345., 1346., 1347., 1351. eta 1352. lurzatiek, berriz, honako hau: zaindu beharrekoa/natur ustiaketarako baliokoa/lehorrekoa. Babes araubidea izanen da Ebroko Ardatza LAP 5eko PN3an SNUPrtEN:SECArako proposatutakoa.
2. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa aurkezten ahalko dute, Nafarroako Gobernuari zuzendua, legezkotasuna kontrolatzen duen onespen honen aurka, foru agindu hau jakinarazi edo Nafarroako Aldizkari Ofizialean argitaratu eta biharamunetik hilabeteko epean.
Halaber, onetsitako hirigintza araudiaren kontra administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, edukia, dagokion udalak eskaturik, Nafarroako Aldizkari Ofizialean argitaratu eta bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau SAT Santa Eufemiari eta Santakarako Udalari jakinaraztea, dagokion hirigintza arloko araudia Nafarroako Aldizkari Ofizialean argitara dezan.
4. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2017ko martxoaren 14an.–Landa Garapeneko, Ingurumeneko eta Toki Administrazioko kontseilaria, Isabel Elizalde Arretxea.
Iragarkiaren kodea: F1703351
