1. NAFARROAKO FORU KOMUNITATEA
1.7. BESTELAKOAK
252/2017 EBAZPENA, martxoaren 14koa, Unibertsitateen eta Hezkuntza Baliabideen zuzendari nagusiak emana. Honen bidez, Zizur Txikiko “Foro Europeo, Escuela de Negocios de Navarra” Lanbide Heziketako ikastetxe pribatuari baimena ematen zaio Bidaia Agentzietako eta Ekitaldien Kudeaketako goi mailako graduaren Lanbide Heziketako prestakuntza zikloa irakasteko.
Ikusita Pedro María Baile Torrea jaunak egindako eskaera “Athenea Business & Education Group, S.L.” ordezkatuz, hura baita Zizur Txikiko “Foro Europeo, Escuela de Negocios de Navarra” Lanbide Heziketako ikastetxe pribatuaren entitate titularra, Bidaia Agentzietako eta Ekitaldien Kudeaketako goi mailako graduaren Lanbide Heziketako prestakuntza zikloa irakasteko. Horrek ikastetxearen baimena aldatzen du irakaskuntzaren zabalkuntzagatik.
Ikusirik Hezkuntzako Ikuskapen Zerbitzuak eta Hezkuntzako Azpiegituren Zerbitzuak haren alde emandako txostenak.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 17. artikuluko e) letran ezarritakoari jarraikiz.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Baimena ematea Zizur Txikiko “Foro Europeo, Escuela de Negocios de Navarra” Lanbide Heziketako ikastetxe pribatuari (ikastetxearen kodea: 31008864), Bidaia Agentzietako eta Ekitaldien Kudeaketako goi mailako graduaren Lanbide Heziketako prestakuntza zikloa irakasteko. 2017/18 ikasturtearen hasieratik izanen ditu ondorioak.
2. Hezkuntza Departamentuko Unibertsitatez Kanpoko Ikastetxeen Erregistroan ikastetxearen datu hauek inskribatuko dira:
–Izen generikoa: Lanbide Heziketako ikastetxe pribatua.
–Berariazko izena: “Foro Europeo, Escuela de Negocios de Navarra”.
–Helbidea: Espartza Bidea, 5.
–Herria: Zizur Txikia.
–Udalerria: Zizur.
Titularra: Athenea Business & Education Group, S.L.
–Ematen dituen irakaskuntzak: goi mailako Lanbide Heziketa, osaera hau duela:
1.–”Administrazioa eta Finantzak” heziketa zikloa, “Administrazioa eta Kudeaketa” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 60 ikaspostu.
2.–“Zuzendaritzarako Laguntza” heziketa zikloa, “Administrazioa eta Kudeaketa” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 60 ikaspostu, goizeko txandan.
3.–”Marketina eta Publizitatea” heziketa zikloa, “Merkataritza eta Marketina” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 60 ikaspostu.
4.–“Nazioarteko merkataritza” heziketa zikloa, “Merkataritza eta marketina” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 40 ikaspostu, arratsaldeko txandan.
5.–“Bidaia Agentziak eta Ekitaldien Kudeaketa” heziketa zikloa, “Ostalaritza eta Turismoa” lanbide arlokoa: 2 unitate (1 lehenbiziko mailan eta 1 bigarren mailan); gehienez ere 40 ikaspostu, goizeko txandan.
3. Ikastetxearen titularrak beharrezko baimena eskatu beharko dio departamentu honi bere osaeran edozein aldaketa eginez gero, Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuaren 16. eta 17. artikuluetan agertzen diren kasuetan.
4. Ikastetxeak duen baimena baliorik gabe uzten ahal da aurreko idatz-zatian aipatutako foru dekretuaren laugarren tituluan azaltzen diren kasuetan.
5. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, hau jakinarazi eta biharamunetik hasi eta hilabeteko epean.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igortzea ikastetxearen titularrari, Hezkuntzako Ikuskapen Zerbitzuari, Lanbide Heziketaren Zerbitzuari, Hezkuntzako Azpiegituren Zerbitzuari, Ikastetxeen, Finantzaketaren eta Ikasketetarako Laguntzen Atalari, Obra Atalari eta Kontratazioaren, Zerbitzu Osagarrien eta Koordinazio Administratiboaren Atalari, baita Ikastetxeetako Informazioa Kudeatzeko Bulegoari ere.
Iruñean, 2017ko martxoaren 14an.–Unibertsitateen eta Hezkuntza Baliabideen zuzendari nagusia, Nekane Oroz Bretón.
Iragarkiaren kodea: F1703467
