2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Luis Morondo Udal Musika Eskolako 2017-2018 ikasturterako prezio publikoak. Hasierako onespena
Barañaingo Udalak ondoko erabakia hartu zuen, 2017ko martxoaren 30eko osoko bilkura arruntean, Nafarroako Toki Ogasunei buruzko martxoaren 10eko 2/1995 Foru Legearen eta Nafarroako Toki Administrazioari buruzko uztailaren 2ko 6/1990 Foru Legearen 325. eta 326. artikuluetako aginduak betez. Hona erabakiaren xedapen zatia:
Lehena.–Hasiera batean onestea, espedienteko dokumentazioaren proposamenarekin bat, Luis Morondo Udal Musika Eskolako prezio publikoak 2017-2018 ikasturterako.
Bigarrena.–Aipatu legearen 325.1.b) artikuluari jarraikiz, erabakia jendaurrean egonen da 30 egunez gutxienez, Nafarroako Aldizkari Ofizialean eta Udalaren iragarki oholean iragarkia paratuta, interesa dutenek espedientea azter dezaten eta erreklamazio, kexa edo oharrak aurkez ditzaten.
Hirugarrena.–Hasierako onespena behin betikoa bilakatuko da aitzineko adierazpen zatian aipatu den jendaurreko epean erreklamazio, kexa edo oharrik aurkezten ez bada.
Laugarrena.–Erabakia Luis Morondo Udal Eskolari jakinaraztea, Kontu-hartzailetza Alorrera igortzea eta espedientera biltzea, behar diren ondorioetarako.
Argitara ematen da, aipatu legeak betetzeko.
Barañainen, 2017ko martxoaren 31n.–Alkate udalburua, Oihane Indakoetxea Barbería.
Iragarkiaren kodea: L1703995
