1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
28C/2017 EBAZPENA, otsailaren 27koa, Politika Ekonomiko eta Enpresarialaren eta Lanaren zuzendari nagusiak emana, Lodosako Udaleko funtzionario eta administrazio-kontratudunentzako 2017-2019 urteetarako akordio kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Lodosako Udaleko funtzionario eta administrazio-kontratudunentzako 2017-2019 urteetarako akordio kolektiboaren testua aztertu da (kode zenbakia: 31100151132017), erregistro honetan 2017ko otsailaren 6an sartu zena Udalaren ordezkariek eta sindikatuen ordezkariek 2017ko urtarrilaren 20an sinatuta, Nafarroako Administrazio Publikoen Zerbitzuko Langileriaren Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 84.3 artikuluan ezarritakoaren arabera. Horrenbestez,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko otsailaren 27an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Lodosako Udaleko funtzionario eta administrazio-kontratudunentzako 2017-2019 urteetarako akordio kolektiboa (PDFa).
Iragarkiaren kodea: F1702653
