Iragarkia

57. ALDIZKARIA - 2017ko martxoaren 22a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

59/2017 EBAZPENA, martxoaren 8koa, Nafarroako Osasun Publikoaren eta Lan Osasunaren Institutuko zuzendari kudeatzaileak emana. Honen bidez, deialdia onesten da Nafarroako Osasun Publikoaren eta Lan Osasunaren Institutuko osasun publikoko ikuskatzaileen 6 lanpostu (1.3 oinarrian zehaztuak) oposizio-lehiaketa bidez betetzeko, eta lanpostu horretan aldi baterako kontratazio bidez eta aldi baterako barne igoeraren bidez aritzeko izangaien zerrendak hautaproben bidez osatzeko.

Nafarroako Osasun Publikoaren eta Lan Osasunaren Institutuko zuzendari kudeatzailearen martxoaren 8ko 59/2017 Ebazpenaren bidez, deialdia onetsi da Nafarroako Osasun Publikoaren eta Lan Osasunaren Institutuko osasun publikoko ikuskatzaileen 6 lanpostu (1.3 oinarrian zehaztuak) oposizio-lehiaketa bidez betetzeko, eta lanpostu horretan aldi baterako kontratazio bidez eta aldi baterako barne igoeraren bidez aritzeko izangaien zerrendak hautaproben bidez osatzeko, ondoko oinarriei jarraikiz:

OINARRIAK

1.–Arau orokorrak.

1.1. Deialdi honek ondoko arauetan xedatutakoari jarraituko dio:

–11/1992 Foru Legea, urriaren 20koa, Nafarroako Osasun Zerbitzua-Osasunbideari atxikitako langileen berariazko araubideari buruzkoa.

–347/1993 Foru Dekretua, azaroaren 22koa, Osasunbidea-Nafarroako Osasun Zerbitzuan sartu eta bertako lanpostuak betetzeko arauak ematen dituena.

–111/2011 Foru Agindua, irailaren 19koa, Osasuneko kontseilariak emana, Osasunbidea-Nafarroako Osasun Zerbitzuan osasun arloko A mailako langileen lanpostuetan (A.1 eta A.2 estamentuak) sartu eta lanpostu horiek betetzeko prozedurak arautu, eta horietan aplikatu beharreko merezimendu baremoak ezartzen dituena.

–55/2009 Foru Dekretua, ekainaren 15ekoa, euskaraz jakitearen trataera arautzen duena.

–203/2001 Foru Dekretua, uztailaren 30ekoa, adierazten duena Nafarroako Foru Komunitateko Administrazioaren eta haren erakunde autonomoen plantillako zein lanpostu diren euskaraz jakin beharra dutenak (Hezkuntza eta Kultura Departamentuko irakasleenak salbu) eta zer jakite maila behar duten, eta zehazten duena euskaraz jakitea zein lanpostutan hartu behar den merezimendu gisa, besteak beste; eta 35/2016 Foru Dekretua, maiatzaren 25ekoa, Nafarroako Foru Komunitateko Administrazioaren eta haren erakunde autonomoen plantilla organikoa aldatzen duena.

–Gainerako arau osagarriak.

1.2. Deialdiaren ondoriozko egintzak honako hauetako batean edo gehiagotan argitaratuko dira:

–Nafarroako Osasun Publikoaren eta Lan Osasunaren Institutuko (NOPLOI, aurrerantzean) iragarki oholean, Iruñeko Leire kaleko 15ean. Argitalpen ofiziala izanen da.

–Nafarroako Aldizkari Ofizialean. Argitalpen ofiziala izanen da.

–Enplegu publikoaren web orrian (www.empleosalud.navarra.es), “Oposizio-lehiaketak”-“Deialdiak” estekan, “Osasun publikoko ikuskatzailea (2016ko LPEa)” aukeratuz. Argitalpen informatiboa izanen da.

1.3. Osasun publikoko ikuskatzaileen 6 lanpostu oposizio-lehiaketa bidez betetzea du xede deialdi honek; lanpostu horiek lan publikoaren eskaintzan sartuta daude eta hutsik gelditu dira Nafarroako Osasun Publikoaren eta Lan Osasunaren Institutuko zuzendari kudeatzailearen urriaren 19ko 309/2016 Ebazpenaren bidez onetsitako deialdiaren bitartez egindako lekualdatze lehiaketan (deialdia 2016ko 212. Nafarroako Aldizkari Ofizialean argitaratu zen, azaroaren 3an), eta I. eranskinean zerrendatzen dira.

Halaber, deialdi honen bidez, hautapen prozesuan parte hartu eta lanposturik lortzen ez duten izangaiekin aldi baterako kontratazioetarako izangaien zerrenda bat osatuko da, 11. oinarrian ezarritakoaren arabera, eta aldi baterako barne igoerarako izangaien zerrenda bat, 12. oinarrian ezarritakoaren arabera.

1.4. Lanpostu hutsak betetzeko orduan, hurrenkera honi segituz banatuko dira:

a) Lehenengoa, hirugarrena, bosgarrena, zazpigarrena eta bederatzigarrena, igoera txandan.

b) Bigarrena, laugarrena, seigarrena, zortzigarrena eta hamargarrena, txanda irekian.

Lanpostu hutsak betetzeko hurrenkera txanda irekitik hasiko da kontatzen, aurreko deialdian bete zen azken lanpostua igoera txandakoa izan baitzen.

1.5. Igoera txandako lanposturen bat hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoari gehituko zaio.

Era berean, igoera txandan betetzeko dauden lanpostuen kopuruan sar daitezkeenak baino izangai gehiagok gainditzen badute, txanda horretan probak gainditu baina lanposturik eskuratzen ez dutenek txanda irekiko lanpostu hutsak hartzeko aukera izanen dute, txanda horretara aurkezten diren beste izangaiekin lehia garbian, lortutako azken puntuazioaren arabera.

Deialdi honetako 2.1.2 oinarrian eskatutako baldintzak betetzen ez dituzten igoera txandako izangaiak txanda irekian onartuko dira automatikoki, baldin eta azken txanda horretan parte hartzeko eskatzen diren betebeharrak eta baldintzak betetzen badituzte, eta, betiere, kontrakoa adierazten ez badute.

1.6. Izendapena dela bide, izendatuak Nafarroako Foru Komunitateko Administrazioaren nomina eta plantillako funtzionario bihurtuko dira eta Nafarroako Foru Komunitateko Administrazioko funtzionarioei buruz indarra duten xedapenetan ezarritako eskubideak eta betebeharrak izanen dituzte.

1.7. Deialdiko lanpostuak A maila edo taldekoak dira, eta Osasunbidea-Nafarroako Osasun Zerbitzuko estamentu eta espezialitateetako izendapenen indarreko sailkapenean “Osasun arloko bestelako espezialistak” estamentuan eta “Albaitaritza” espezialitatean sailkaturik daude (urriaren 20ko 11/1992 Foru Legearen eranskina; foru lege horren bidez, Osasunbidea-Nafarroako Osasun Zerbitzuari atxikitako langileen berariazko araubidea erregulatzen da).

1.8. Lanpostuen ordainsariak urriaren 20ko 11/1992 Foru Legean eta aplika daitezkeen gainerako xedapenetan ezarritakoak izanen dira.

1.9. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek.

1.10. Izendatuek erabateko prestasunez eta dedikazio erabateko eta osoz emanen dituzte beren zerbitzuak, eta ezin izanen dira irabazi asmoko beste inolako jardueratan aritu, ez sektore publikoan ez pribatuan, salbu urriaren 20ko 11/1992 Foru Legearen 10.3 artikuluan adierazitako kasuetan.

Orobat, lanpostuan egin beharreko guardiak eta/edo guardia lokalizatuak egin beharko dituzte zentroko zuzendaritzak edo, hark eskuordetuta, dagokion burutzak hori agintzen duenean.

1.11. Osasunari buruzko azaroaren 23ko 10/1990 Foru Legeak aurreikusten duen moduan, osasun arloko profesionalek parte hartuko dute graduatu aurreko, graduatu ondoko eta etengabeko irakaskuntzan, eta hein berean lagunduko dute herritarren osasunaren aldeko heziketa ekintzetan.

2.–Izangaiek bete beharrekoak.

2.1. Oposizio-lehiaketa honetan onartuak izateko, izangaiek betebehar hauek bete beharko dituzte eskaerak aurkezteko epea bukatzen den egunean:

2.1.1.–Txanda irekiko izangaiek:

a) Espainiako nazionalitatea izatea.

b) Hamasei urte beteak izatea eta erretiroa nahitaez hartzeko gehieneko adina gainditua ez izatea.

c) Albaitaritzako gradudun/lizentziadun titulua edo baliokidea izatea, edo eskabideak aurkezteko epea bukatzen den egunean titulu hori eskuratzeko moduan egotea.

Izangaiek alegatzen badute eskatutako kategorian aritzea ahalbidetzen dieten ikasketa baliokideak dituztela, baliokidetasun hori onartzen duen legezko edo erregelamenduzko xedapena aipatu beharko dute, edo, bestela, Hezkuntza, Kultura eta Kirol Ministerioak hori egiaztatzeko emandako ziurtagiria aurkeztu.

Tituluak atzerrian lortu badira, homologatua dagoela frogatzen duen ziurtagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

2.1.2.–Igoera txandako izangaiek, txanda irekikoentzat adierazitako betebeharrez gainera, honako hauek ere bete beharko dituzte:

a) Nafarroako administrazio publikoetako funtzionario, estatutupeko langile edo lan-kontratudun finko izatea, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila edo talde berekoa edo beheragoko batekoa izatea eta beste kategoria batean sailkaturik egotea.

c) 2.1.1.c) oinarrian eskatzen den titulazioa izatea eta gutxienez bost urteko antzinatasuna aitorturik izatea administrazio publikoetan.

2.2. Kasu guztietan, izangaiek eskabideak aurkezteko epearen azken egunerako bete behar dituzte baldintza horiek, eta hautapen prozesu osoan haiek betetzen segituko dute, harik eta izendatu arte.

3.–Eskabideak eta dokumentazioa.

3.1. Eskabideak:

Eskabideak deialdi honen II. eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabidearen eredua Interneten eskura daiteke, www.empleosalud.navarra.es helbidean, “Oposizio-lehiaketak”-“Deialdiak” estekan, “Osasun publikoko ikuskatzailea (2016ko LPEa)” aukeratuz.

Eskabidea aurkezteko epea hogeita hamar egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita. Epe hori luzaezina izanen da.

Eskabideak aurkezteko, baliabide hauetako edozein erabil daiteke:

3.1.1.–Aurrez aurre: deialdian parte hartzeko eskabideak Osasun Publikoaren eta Lan Osasunaren Institutuko erregistroan (Iruñeko Leire kaleko 15ean - PK: 31003) edo Nafarroako Gobernuaren gainerako erregistro bulegoetako edozeinetan aurkeztu beharko dira, edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako bideetakoren bat erabiliz.

Eskaera posta bulego batean aurkeztuz gero, gutun-azal ireki batean aurkeztuko da, postako langileek data eta zigilua jar diezazkioten eskaerari, ziurtatu aurretik.

3.1.2.–Eskaerak Nafarroako Foru Komunitateko Administrazioaren Erregistro Orokor Elektronikoan ere aurkezten ahal dira, Nafarroako Gobernuaren www.nafarroa.eus web orriaren bidez.

3.2. Aurkeztu beharreko agiriak:

3.2.1.–Eskabidea, deialdiaren II. eranskinean dagoen ereduaren araberakoa.

3.2.2.–Espedientearen formalizaziorako eta azterketa eskubideetarako tasa ordaindu izanaren frogagiria, edo, hala badagokio, ordaindu beharretik salbuetsita dagoela frogatzen duen agiria.

3.2.3.–Deialdian igoera txandan parte hartu nahi duten izangaiek, lehengoez gainera, deialdi honen 2.1.2 atalean jasotzen diren betebeharrak betetzen dituztela frogatzen duten agiriak gehitu beharko dizkiote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

3.2.4.–Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. (Desgaitasuna frogatu egin beharko dute, erakunde eskudunek emandako agiria aurkeztuz).

3.3. Gainerako betebeharrei dagokienez, azterketak gainditu eta lanpostua eskuratzen duten izangaiek frogatu beharko dituzte, agiri bidez, deialdi honen 8. oinarrian ezarri den epean eta moduan.

3.4. Azterketa egiteko tasak eta ordaintzetik salbuetsita daudenak.

3.4.1.–Azterketa eskubideengatik eta espedientea formalizatzeko, 41,60 euroko tasa ordaindu behar da.

3.4.2.–Honako hauek tasa ordaintzetik salbuetsita daude:

a) %33ko edo hortik gorako desgaitasuna duten izangaiak.

Agiri hauetako baten bidez frogatuko beharko dute desgaitasuna:

–IMSERSOk edo autonomia erkidegoan eskumena duen organoak emandako ziurtagiria.

–Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona ezintasun iraunkor osoa izateagatik.

b) Deialdia argitaratzen den egunerako lan eskatzaile gisa hilabete bat edo gehiago inskribaturik daramaten pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik goitiko diru-sarrerarik ez izatea hilabetero. Lerroalde honetan xedatutakoa honela frogatu beharko da:

–Lan eskatzailea dela frogatzeko, behar den enplegu bulegoak emandako agiria aurkeztu beharko da. Bertan, lan eskatzaile gisa inskribatu zeneko data agertuko da, eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ezta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

–Interesdunaren aitorpen baten bidez frogatuko da lanbide arteko gutxieneko soldatatik gorako errentarik ez duela jasotzen hilabetean. Aitorpen hori orri zuri batean erredaktatu beharko da.

c) Aldi baterako barne igoerako zerrendetan soilik parte hartzeko eskatzen dutenak.

4.–Izangai onartu eta baztertuen zerrendak.

4.1. Eskabideak aurkezteko epea bukatutakoan, Nafarroako Osasun Publikoaren eta Lan Osasunaren Institutuko Ekonomiaren eta Profesionalen Kudeaketarako Zerbitzuko buruak onartuen eta baztertuen behin-behineko zerrenda onesteko ebazpena emanen du, eta Nafarroako Aldizkari Ofizialean argitaratzeko aginduko.

4.2. Izangaiek hamar egun balioduneko epea izanen dute, behin-behineko zerrenda Nafarroako Aldizkari Ofizialean argitaratzen denetik, erreklamazioak aurkezteko eta, akatsik egin badute, zuzentzeko. Horretarako, zuzentzeko eskaera horiek baietsi edo ezetsi direla ulertzeko, inplizituki adieraziko da behin betiko zerrenda argitaratzen duen ebazpenean.

4.3. Ezarritako epean eskaerarik aurkezten ez bada, organo eskudunak oposizio-lehiaketa hutsik gelditu dela adierazteko ebazpena emanen du. Ebazpen hori Nafarroako Aldizkari Ofizialean argitaratu beharko da.

4.4. Erreklamazioak aurkezteko epea bukatu eta haiek ebatzita, Nafarroako Osasun Publikoaren eta Lan Osasunaren Institutuko Ekonomiaren eta Profesionalen Kudeaketarako Zerbitzuko buruak onartuen eta baztertuen behin betiko zerrenda onesteko ebazpena emanen du, eta Nafarroako Aldizkari Ofizialean argitaratzeko aginduko. Ebazpen hori onetsi eta argitaratzearekin, ulertuko da aurkeztutako erreklamazioak ebatzi egin direla.

4.5. Azterketa eskubideak ez dira itzuliko izangaiei egotz dakieken arrazoiengatik baztertuak gelditzen direnean.

4.6. Onartuen zerrendan agertzeak ez dakar berarekin aitortzen denik izangaiek ebazpen honen bitartez iragartzen den prozeduran eskatutako baldintzak betetzen dituztela. Hautapen prozedura gainditu ondoren izangaiek aurkeztu beharreko dokumentazioa aztertzen denean egiaztatzen bada ez dutela baldintzaren bat betetzen, interesdunek prozedura honetan parte hartzeagatik izan ditzaketen eskubide guztiak galduko dituzte.

5.–Kalifikazio epaimahaia.

5.1. Hauexek izanen dira kalifikazio epaimahaiko kideak:

Epaimahaiburua: M.ª José Pérez Jarauta andrea Nafarroako Osasun Publikoaren eta Lan Osasunaren Institutuko zuzendaria.

Ordezko epaimahaiburua: Javier Aldaz Berruezo jauna, Nafarroako Osasun Publikoaren eta Lan Osasunaren Institutuko Elikagaien Segurtasunaren eta Ingurumen Osasunaren Zerbitzuko burua.

Epaimahaikidea: Raúl González Alvarado jauna, Nafarroako Osasun Publikoaren eta Lan Osasunaren Institutuko Elikagaien Segurtasunaren Ataleko burua.

Ordezko epaimahaikidea: Roncesvalles Arraiza Zorzano andrea, Nafarroako Osasun Publikoaren eta Lan Osasunaren Institutuko Haragi Industrien eta Hiltegien Ikuskapenerako Unitateko burua.

Epaimahaikidea: María Isabel Perfecto San Miguel andrea, Nafarroako Osasun Publikoaren eta Lan Osasunaren Institutuko Ikuskapen Unitateko burua.

Ordezko epaimahaikidea: Silvia Cianca Peña andrea, Analisi Mikrobiologikoen Unitateko burua.

Epaimahaikidea: Concepción San Martín Casi andrea, Nafarroako Osasun Publikoaren eta Lan Osasunaren Institutuko langileen ordezkariek izendatua.

Ordezko epaimahaikidea: Maite Aizpún Redondo andrea, Nafarroako Osasun Publikoaren eta Lan Osasunaren Institutuko langileen ordezkariek izendatua.

Epahaimahaikide-idazkaria: Miguel Garatea Crelgo jauna, Nafarroako Osasun Publikoaren eta Lan Osasunaren Institutuko Kudeaketa Ekonomikoaren eta Profesionalen Zerbitzuko burua.

Ordezko epaimahaikide-idazkaria: Joseba Albisu Asiáin jauna, Osasun Departamentuko idazkari tekniko nagusia.

5.2. Epaimahaiko kideek ez dute parte hartuko, eta organo eskudunari horren berri emanen diote, baldin eta Sektore Publikoaren Araubide Juridikoari buruzko urriaren 1eko 40/2015 Legean parte ez hartzeko aipatzen diren egoeretakoren batean badaude. Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.3. Hautaprobak hasi baino lehen eratu beharko da epaimahaia.

Epaimahaia ezin izanen da eratu, ezta jardun ere, gutxienez ere kideen gehiengo osoa bertan ez bada.

Epaimahaiak gehiengoz ebatziko ditu deialdiko oinarrien interpretazio eta aplikazioaren inguruan sortzen diren arazoak.

5.4. Epaimahaiak Nafarroako Osasun Publikoaren eta Lan Osasunaren Institutuan izanen du egoitza: Leire kaleko 15a, 31003, Iruña.

6.–Oposizioaren nondik norakoak.

6.1. Hurrenkera honetan eginen dira deialdi hau osatzen duten faseak: lehendabizi, oposizioaldia, eta hura bukatuta, lehiaketaldia.

6.2. Oposizioa 2017ko urrian hasiko da. Onartu eta baztertuen behin betiko zerrenda onesten duen ebazpenean berean finkatuko da oposizioaldia zein toki, egun eta ordutan hasiko den. Hala bada, epaimahaiak gainerako probak edo ariketak iragarriko ditu behar den garaian eta erregelamenduaren arabera.

Oposizioaldiko probak oinarri honetan zehaztuko dira, eta deialdiko III. eranskinean zehazten den gai zerrendako gaiei buruz eta ordenan eginen dira.

Zein egunetan argitaratzen den deialdia Nafarroako Aldizkari Ofizialean, egun horretan indarra duen araudiaren arabera eskatuko dira gai guztiak.

Oposizioaldiko ariketa guztiak plika sistemaren bidez eginen dira.

6.3. Oposizioaldia eta balorazioa.

6.3.1.–Oposizioaldian proba hauek eginen dira:

Lehen ariketa:

a.1) proba: Galdera sorta bati erantzutea, idatziz, III. eranskineko gai zerrendari buruz. Galdera bakoitzarentzat zenbait erantzun eskainiko dira, baina bat bakarra izanen da zuzena. Erantzun okerrek penalizazioa izanen dute. Galdera kopurua, penalizazioa eta probaren gehieneko iraupena epaimahaiak finkatuko ditu proba hasi baino lehen.

a.2) proba: Proba teoriko-praktiko bat egitea, idatziz, epaimahaiak ezarriko dituen kasuekin eta galderekin osatua. Proba bera izanen da izangai guztiendako eta galderek deialdiaren xede den lanpostuarekin zerikusia izanen dute. Kasu eta galderen kopurua, proba egiteko denbora eta bakoitzari esleitutako puntuazioa proba egin baino lehen jakinaraziko ditu epaimahaiak.

Bi probak egun berean eginen dira, bata bestearen atzetik.

Bigarren ariketa: bi gai garatzea, idatziz eta hiru orduz, III. eranskineko gai zerrendako II. zatiko gaietatik (“Berariazko gaiak”, 16.etik 71.era), zozketa bidez aukeratuak.

6.3.2.–Oposizioaldia honela baloratuko da:

Lehen ariketa:

a.1) proba 20 puntuz baloratuko da, gehienez ere. Baztertuta geldituko dira gutxienez 10 puntu eskuratzen ez duten izangaiak.

a.2) proba 20 puntuz baloratuko da, gehienez ere. Baztertuta geldituko dira gutxienez 10 puntu eskuratzen ez duten izangaiak.

Bigarren ariketa: gehieneko puntuazioa 20 puntukoa izanen da; gai bakoitzaren gehieneko puntuazioa, berriz, 10 puntukoa.

Bazterturik geldituko dira ariketan gutxienez 10 puntu lortzen ez dituzten izangaiak, bai eta gairen batean 0 puntuko kalifikazioa dutenak ere.

6.3.3.–Probetarako dei bakarra eginen da. Izangaiek nortasun agiri nazionala, pasaportea, gidabaimena edo epaimahaiak askiesten duen beste nortasun agiri bat aldean dutela agertu beharko dute bertara.

Probetara agertzen ez diren izangaiak oposizioalditik baztertuta geldituko dira.

6.3.4.–Minusbaliotasuna duten izangaientzat, bakoitzak eskabidean azaldutakoaren araberako egokitzapenak eginen dira hautaprobetan.

6.3.5.–Proba bakoitza bukatuta, eta gutxienez hurrengo proba egin baino 24 ordu lehenago, epaimahaiak aurkeztutako izangaien zerrenda jarriko du jendaurrean, Nafarroako Osasun Publikoaren eta Lan Osasunaren Institutuko iragarki oholean edo proba egiten den tokian, bakoitzaren kalifikazioa eta hurrengo probaren tokia, eguna eta ordua adierazita. Enplegu publikoaren web orrian (www.empleosalud.navarra.es helbidean) ere kontsultatzen ahalko da zerrenda, “Oposizio-lehiaketak”-“Deialdiak” estekan, “Osasun publikoko ikuskatzailea (2016ko LPEa)” aukeratuz.

6.4. Lehiaketaldia eta balorazioa.

6.4.1.–Epaimahaiak lehiaketaldiari ekinen dio oposizioaldia gainditzen duten izangaiekin.

Oposizioaldia gainditzen duten izangaiek merezimenduak alegatu beharko dituzte horretarako emanen den autobaremazioaren dokumentuan, eta agiri bidez frogatu, jatorrizko agiriak edo notario batek edo administrazioak konpultsatutako kopiak aurkeztuta, epaimahaiak eskatu eta hamabost eguneko epean.

Dokumentazioa beste edozein erregistro bulegotan aurkezten duten izangaiek jatorrizkoak berreskuratzen ahalko dituzte, espres eskatuz gero, hiru hilabeteko epean, izendapena jakinarazi ondoren bi hilabete pasaturik, salbu eta izangairen batek erreklamazioa jartzen badu; izan ere, halakoetan, agiriak luzaroago gordetzen ahalko dira egiaztapenak eta probak egiteko.

6.4.2.–Lehiaketaldian, izangaiek alegatu eta frogatutako merezimenduak kalifikatuko dira, deialdi honi erantsitako baremoen arabera (IV. eranskina).

Lehiaketaldiaren balorazioa ez da baztergarria izanen. Gehienez ere 40 puntukoa izanen da.

6.4.3.–Merezimenduak baloratzean, deialdia Nafarroako Aldizkari Ofizialean argitaratzen den egunera arte egindakoak baizik ez dira kontuan hartuko. Geroagoko merezimenduak ez dira aintzat hartuko.

6.4.4.–Merezimenduen baremoaren 1. atala baloratzean kontuan hartuko da deialdiko lanpostua “Osasun arloko bestelako espezialistak” estamentuan eta “Albaitaritza” espezialitatean sailkaturik dagoela, Osasunbidea-Nafarroako Osasun Zerbitzuko estamentu eta espezialitateetako izendapenen indarreko sailkapenaren arabera (urriaren 20ko 11/1992 Foru Legea, Osasunbidea-Nafarroako Osasun Zerbitzuari atxikitako langileen berariazko araubideari buruzkoa. Eranskina).

Egindako zerbitzuak frogatzeko, zentroko zuzendariak edo langileriaren buruak egindako ziurtagiriak aurkeztu beharko dira, eta bertan nahitaez datu hauek jarri:

–Lantokia.

–Estamentua eta/edo espezialitatea.

–Zerbitzualdiaren iraupena, egunetik egunera, guztira zenbat egun diren zehaztuta.

Enpresa pribatu batean egindako zerbitzuen kasuan, ziurtagiri horretaz gain, Gizarte Segurantzako Diruzaintzak emandako lan bizitzaren txostena ere aurkeztu beharko da.

6.4.5.–Epaimahaiak baremoaren atal bakoitzean izangaiei aintzat hartutako merezimenduak baloratuko ditu. Ez du inoiz aintzat hartuko izangaiak aurretik alegatu eta agiri bidez frogatu gabeko merezimendurik, eta ezin izanen du atal bakoitzerako ezarritako gehieneko puntuazioa baino handiagorik eman.

6.4.6.–Lehiaketaldia bukatutakoan, epaimahaiak balorazioaren emaitza argitara emanen du Nafarroako Osasun Publikoaren eta Lan Osasunaren Institutuko iragarki oholean, izangai bakoitzak lortutako puntuazioa adierazita. Enplegu publikoaren web orrian (www.empleosalud.navarra.es) ere ikusten ahalko dira.

7.–Azken puntuazioa.

Azken puntuazioa izanen da lehiaketaldiko eta oposizioaldiko puntuazioen batura.

Azkeneko puntuazioetan berdinketarik badago, oposizioaldian puntuaziorik altuena duen izangaiak izanen du lehentasuna. Berdinketak badirau, deialdi honen eranskineko baremoaren atal bakoitzean guztirako puntuazio handiena lortzen duen izangaia lehenetsiko da, baremoko hurrenkera berari jarraituz.

8.–Probak gainditu dituztenen izangaien zerrenda eta agirien aurkezpena.

8.1. Lehiaketaldia eta oposizioaldia bukatu ondoren, epaimahaiak probak gainditu dituztenen zerrenda, guztira lortutako puntuazioaren araberako hurrenkeran, jendaurrean jarriko du Nafarroako Osasun Publikoaren eta Lan Osasunaren Institutuko iragarki oholean. Gero, probak gainditu eta, puntuazio handiena izateagatik, lanpostuen kopuruan sartzen diren izangaiak izendatzeko proposamena eginen dio administrazio organo eskudunari, eta Nafarroako Aldizkari Ofizialean argitaratuko da.

8.2. Proposatutako izangaiek, izendatzeko proposamena Nafarroako Aldizkari Ofizialean argitaratu ondoko hogeita hamar egun naturaleko epean, agiri hauek aurkeztu beharko dituzte Nafarroako Osasun Publikoaren eta Lan Osasunaren Institutuko Kudeaketa Ekonomikoaren eta Profesionalen Zerbitzuan:

8.2.1.–Nafarroako Foru Komunitateko eta haren erakunde autonomoetako langile finkoak ez diren izangaien kasuan:

a) Nortasun agiri nazionalaren fotokopia konpultsatua, edo izangaiaren nazionalitatea eta nortasuna frogatzen dituen beste agiri baliokideren batena.

b) Tituluaren jatorrizko agiria edo kopia, notarioak edo administrazioak konpultsatua, edo hura lortzeko eskubideak ordainduak dituela erakusten duen ordainagiria.

c) Zinpeko aitorpena, erakusten duena ez dagoela eginkizun publikoetan aritzeko desgaitua edo gabetua eta ez dutela baztertu inongo administrazio publikoren zerbitzutik.

d) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

e) Lan Osasunaren Zerbitzuak emandako txostena, interesdunak karguan aritzea eragotziko liokeen gaixotasun edo akats fisiko edo psikikorik ez duela egiaztatzeko.

8.2.2.–Nafarroako Administrazio Publikoetako edo haren erakunde autonomoetako langile finkoak diren izangaien kasuan:

a) Tituluaren jatorrizko agiria edo kopia, notarioak edo administrazioak konpultsatua, edo hura lortzeko eskubideak ordainduak dituela erakusten duen ordainagiria.

b) Nafarroako Foru Komunitatekoa ez den Nafarroako beste Administrazio Publiko bateko langile finko direnek ziurtagiri bat aurkeztu beharko dute, eta bertan agertu beharko da funtzionario, estatutupeko langile edo lan kontratudun finko direla, noiztik, Administrazio Publikoetan aitortuta duten antzinatasuna, langilearen maila edo taldea, eta haren administrazio egoera. Azkeneko datu horren bidez egiaztatuko da prozesuak iraun bitartean ez dela borondatezko edo nahitaezko eszedentzian egon gora egiteko erabili nahi den abiaburuko lanpostuan.

c) Lan Osasunaren Zerbitzuak emandako txostena, aurreko atalean ezarritako ildo beretik.

8.3. Eskabidean %33ko desgaitasuna edo handiagoa dutela alegatu duten izangaiek, gainera, frogatu beharko dute desgaitasun hori bateragarria dela deialdiaren xedeko lanpostuarekin. Horretarako, eskumena duten balorazio eta orientazio taldeek egindako ziurtagiria aurkeztu beharko dute.

8.4. Inork agiri horiek goian adierazitako epean ekartzen ez baditu, behar bezala arrazoitutako ezinbesteko kasuetan izan ezik, ezin izanen dute izendatu eta haren jarduketa guztiak deuseztatu eginen dira, eskabidean gezurra esateagatik izan lezakeen erantzukizuna eskatzea baztertu gabe.

9.–Lanpostu hutsak hautatzea.

9.1. Lanpostu hutsak Administrazioko organo eskudunak esleituko ditu, izendapen proposamena argitaratu baino lehen, probak gainditu eta deitutako lanpostuetan kabitzen diren izangaien eskaeren arabera, hautaprobetan lorturiko hurrenkerari jarraikiz, betiere lanpostu horietan aritzeko oinarri hauetan eskatzen diren betebeharrak betetzen badituzte.

%33ko desgaitasuna edo handiagoa izan eta, edozein txandatan, administrazioan sartzeko deialdi bateko lanpostua lortzen duten pertsonak, lanpostu hutsak aukeratzeko orduan, gainerako izangaien aurretik egonen dira. Gero, igoera txandakoek hautatuko dute eta, azkenik, lanpostua txanda librean lortzen dutenek.

Desgaitasuna duen izangairen bat baldin badago, eta horrek eragina badu lanpostu batean edo bestean jarduteko, lanpostuak banatzen hasi aurretik, desgaitasunarekin hobekien egokitzen dena esleituko zaio, horren gaineko txostena aztertu eta gero.

Euskarari buruzko Foru Legeak ezarritako eremu euskaldunean dauden lanpostuetarako lehiatuz gero (uztailaren 30eko 203/2001 Foru Dekretuak zehazten ditu) eta horiek lortzeko nahitaezkoa bada euskaraz jakitea, ezinbestekoa izanen da hori frogatzea. Lanpostuak hutsik geldituko dira bai baldintza hori betetzen duen izangairik ez badago, bai, izan arren, eremu euskalduneko lanpostuak hautatzen ez badituzte aurreko lerroaldean onartutako eskubidea erabiltzen dutenean.

9.2. Destinoko lantokia (edo, hala bada, lanpostua) hautatzeko prozedura:

1. Aukeratu baino lehen, hautatu behar duten izangaien zerrenda argitaratuko da. Orobat, hautatu behar duten zentroen (edo, hala bada, lanpostuen) zerrenda jarriko da izangaien eskura. Informazio hori Nafarroako Osasun Publikoaren eta Lan Osasunaren Institutuko iragarki oholean eta enplegu publikoaren web orrian (www.empleosalud.navarra.es) argitaratuko da.

2. Parte-hartzaileek 15 egun naturaleko epean eginen dituzte eskaerak, baremoaren behin betiko emaitza argitaratu eta biharamunetik aurrera. Horretarako, www.empleosalud.navarra.es web orriko “Oposizio-lehiaketak”-“Deialdiak”-“Osasun publikoko ikuskatzailea (2016ko LPEa)” izeneko deialdiaren fitxan horretarako adierazten den estekan sartuta, lanpostuak zerrendatu beharko dituzte lehentasun hurrenkeraren arabera.

3. Organo dei-egileak puntuazio ordenari eta ezarri diren gainerako irizpideei jarraikiz eginen du lanpostuak hautatu eta esleitzeko egintza.

4. Emaitzaren informazioa Nafarroako Osasun Publikoaren eta Lan Osasunaren Institutuko iragarki oholean eta enplegu publikoaren web orrian (www.empleosalud.navarra.es) erakutsiko zaie interesdunei.

9.3. Epe horretan aukeratzen ez duten izangaiek, behar bezala justifikatutako ezinbesteko kasuetan salbu, eskubide guztiak galduko dituzte oposizio-lehiaketaren xedeko lanpostuetan jarduteko. Kasu horretan, 10. oinarrian ezarritakoari jarraituko zaio.

10.–Izendapena eta jabetza hartzea.

10.1. Administrazio organo eskudunak, egoki bada, aurreko oinarrietan ezarritako baldintzak betetzen dituzten izangaiak Nafarroako Foru Komunitateko Administrazioko eta haren erakunde autonomoetako funtzionario izendatuko ditu ebazpen bidez, osasun publikoko ikuskatzaile lanpostuetan jardun dezaten.

10.2. Izendapena Nafarroako Aldizkari Ofizialean argitaratuko da. Izendapena Nafarroako Aldizkari Ofizialean argitaratzearekin ulertuko da interesdunei egin beharreko jakinarazpena egin dela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 40. artikuluan ezarritako ondorioetarako.

10.3. Izendatutako izangaiak hilabeteko epean jabetu behar du lanpostuaz, izendapena jakinarazten diotenetik hasita.

10.4. Izendapena dela bide, izendatuak Nafarroako Foru Komunitateko Administrazioaren nomina eta plantillako funtzionario bihurtuko dira eta Nafarroako Foru Komunitateko Administrazioko funtzionarioei buruz indarra duten xedapenetan ezarritako eskubideak eta betebeharrak izanen dituzte.

Hautaprobak gainditu ondoren izendatzen diren izangaiak funtzionario bihurtuko dira eta Gizarte Segurantzaren Araubide Orokorrean afiliatuko dira eta bertan alta emanen zaie, araubide horretan aurreikusitako babesean.

Nafarroako Administrazio Publikoetan sartzen diren funtzionarioek, lehendik haren montepioetakoren baten eskubide pasiboen araubidean afiliatuak badaude, bi aukera izanen dituzte: sartzen diren Administrazioaren Montepioan jarraitzea ala Gizarte Segurantzan afiliatzea.

10.5. Funtzionario gisa lanpostuaz jabetzea geroratuko da izangaia amatasun edo adopzio lizentziarako ezarritako aldian badago.

Lanpostuaz jabetzeko epea zenbatzen hasiko da amatasun edo adopzio lizentziari dagokion aldia bukatzen denetik hasita, edo lehenago, baldin eta interesdunak hala eskatzen badu. Nolanahi ere, amarentzat erditu ondoren ezarritako derrigorrezko atsedenaldia errespetatuko da.

Kasu horietan, dagokion administrazioan emandako zerbitzu gisa aitortuko da lanpostuaz jabetzeko gerorapen epe hori. Aitorpen hori egiteko nahitaezkoa izanen da lanpostuaz jabetzea, eta hori gertatzen denetik hasita izanen ditu ondorioak.

10.6. Deitutako lanpostuak betetzen direla bermatzeko, izangairen batek hautapen prozesuaren ondoriozko eskubideei uko egiten badie, lanpostuan aritzeko deialdian ezarritako baldintzak betetzen ez baditu, lanpostua aukeratzen ez badu ezarritako prozeduran finkatu bezala eta dagokion epean, izendapen proposamenaren ondotik eskatzen den dokumentazioa aurkezten ez badu (behar bezala justifikatutako ezinbesteko kasuetan izan ezik), esleitutako lanpostuaren jabetza hartzen ez badu (ezinbesteko kasuetan izan ezik), edo, izangaiak berak eskatuta, indarreko araudian adierazitako kasuetan borondatezko eszedentzia aitortzen bazaio jabetza hartzen duen egunetik aurrerako ondorioekin, administrazio organo eskudunak baja hori beteko du prozesua gainditu duten izangaien zerrendan haren atze-atzean dagoen izangaiarekin.

Aurreko atalean aipatutako kasuetan, ez da aldatuko izendapenaren aurretik egindako lanpostu hutsen hautapena. Beraz, funtzionario berriei egoera horien ondoriozko lanpostuak esleituko zaizkie zuzenean.

10.7. Izangaietatik inork ez badu gainditzen oposizio-lehiaketa, organo eskudunak oposizio-lehiaketa hutsik gelditu dela adierazteko ebazpena emanen du. Ebazpena Nafarroako Aldizkari Ofizialean argitaratuko da.

10.8. Izendapenean eragina izan lezakeen errekurtsoren bat aurkezten bada deialdiaren, oposizio-lehiaketaren nondik-norakoen edo horren ebazpenaren aurka, izendapena ez da irmoa izanen, eta administrazio bidean nahiz Administrazioarekiko auzien jurisdikzioan errekurtsoari buruz eman beharreko ebazpenaren zain eta mende geldituko da.

11.–Zerrendak osatzea ondoren aldi baterako kontratazioak egiteko.

11.1. Osasun publikoko ikuskatzaileen aldi baterako kontratazioetarako zerrendak prestatzeari eta haien funtzionamenduari dagokienez, Osasuneko kontseilariaren maiatzaren 19ko 60/2015 Foru Aginduan xedatutakoari jarraituko zaio, edo zerrendak indarrean daudenean indarreko foru aginduan xedatutakoari; foru agindu horren bidez, Osasun Departamentuari atxikitako erakunde autonomoetako zentro eta establezimenduetan aldi baterako kontratatzeko izangaien zerrendak kudeatzeko arauak onetsi ziren (2015eko 103. Nafarroako Aldizkari Ofiziala, maiatzaren 29koa).

11.2. Deialdi honen emaitzan oinarrituta prestatzen den kontratazio zerrendako izangaiek 2.1 oinarrian eskatutako baldintzak bete beharko dituzte eskaerak aurkezteko epea bukatzen den egunean, eta haien jabe izaten jarraitu.

Aurreko paragrafoan ezarritakoa betetzen ez duten izangai onartuak berehalakoan baztertuko dira kontratazio zerrendatik.

11.3. Aldi baterako kontratazioetarako bi zerrenda eginen dira: bata, iraupen laburreko kontratuetarako, eta bestea, iraupen luzeko kontratuetarako.

11.4. Iraupen laburreko zein luzeko kontratazioetarako zerrendak prestatzeko, esparruak deialdian parte hartzeko eskabidean berean aukeratu beharko dira. Deialdiaren behin betiko emaitzak argitaratutakoan, interesdunek, argitaratu eta biharamunetik hamar eguneko epean, hasieran hautatutakoa aldatzen ahalko dute.

Ulertuko da esparrurik hautatzen ez dutenek uko egiten diotela aldi baterako kontratazio zerrendetan sartzeari, salbu aurreko lerroaldean aipatutako hamar eguneko epean hautapena egiten badute. Hori ez zaie aplikatuko prozesua gainditu eta lanposturik lortzen ez dutenei, zeinek, ondorio horietarako, deialdiaren behin betiko emaitzak argitaratzen direnean indarrean dagoen araudiari jarraituko baitiote.

Iraupen laburreko kontratuetarako, izangai bakoitzak bi esparru hautatu ahalko ditu gehienez. Iraupen luzeko kontratuetarako, izangai bakoitzak nahi adina esparru hautatu ahalko ditu.

12.–Zerrendak osatzea aldi baterako barne igoeretarako.

Deialdi honi esker, Nafarroako Osasun Publikoaren eta Lan Osasunaren Institutuko langile finkoek, plantilla organikoan hutsik dagoen edo titularrak gordetzeko eskubidea duen osasun publikoko ikuskatzaile (albaitaria) postu batean aldi baterako aritu nahi badute, aukera dute aldi baterako barne igoerako zerrendan sartzeko, azaroaren 22ko 347/1993 Foru Dekretuan ezarritako baldintzetan.

Zerrendan sartzeko, 6. oinarrian zehaztutako oposizioaldiko lehen ariketaren a.1) proba egin beharko da, eta 10 puntu lortu gutxienez.

13.–Errekurtsoak.

Deialdi honen eta bere oinarri eta egintzen kontra gora jotzeko errekurtsoa aurkezten ahalko da, Lehendakaritzako, Funtzio Publikoko, Barneko eta Justiziako kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 2.c) artikuluan xedatutakoarekin bat.

Epaimahaiaren behin betiko egintzen kontra gora jotzeko errekurtsoa jartzen ahalko da, Nafarroako Osasun Publikoaren eta Lan Osasunaren Institutuko zuzendari kudeatzaileari zuzendua, jakinarazi edo argitaratu eta biharamunetik hasita hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57.1 eta 3 artikuluarekin bat.

Iruñean, 2017ko martxoaren 8an.–Nafarroako Osasun Publikoaren eta Lan Osasunaren Institutuko zuzendari kudeatzailea, M.ª José Pérez Jarauta.

I. ERANSKINA

67020 lanpostu hutsa: Uvesa hiltegia eta/edo Tuterako Osasun Eskualde Oinarrizkoa.

67024 lanpostu hutsa: Tuterako hiltegia eta/edo Tuterako Osasun Eskualde Oinarrizkoa.

67040 lanpostu hutsa: Galipentzuko hiltegia eta/edo Cascanteko Osasun Eskualde Oinarrizkoa.

67049 lanpostu hutsa: Melidako AN Avícola hiltegia.

67054 lanpostu hutsa: Melidako AN Avícola hiltegia.

67068 lanpostu hutsa: Zarrakazteluko Osasun Eskualde Oinarrizkoa eta/edo Mélidako AN Avícola hiltegia.

II. ERANSKINA

Eskabidea (PDFa).

III. ERANSKINA

Gai zerrenda

I. zatia.–Gai orokorrak.

1. gaia.–Espainiako 1978ko Konstituzioa: printzipio orokorrak. Oinarrizko eskubideak eta betebeharrak. Botere judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: osaera, izaera eta eskumenak.

2. gaia.–Europar Batasuna. Parlamentua. Kontseilu Europarra. Europako Batzordea. Kontseilua. Justizia Auzitegia. Beste erakunde batzuk. Europako Erkidegoko ordenamendu juridikoaren iturriak: sorrerako zuzenbidea eta zuzenbide eratorria. Europako arau-lerruna.

3. gaia.–Espainiako 1978ko Konstituzioaren lehenengo xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak. Estatuaren eta Nafarroako Foru Komunitatearen arteko hitzarmen ekonomikoa. Nafarroako Parlamentua edo Gorteak. Nafarroako Kontuen Ganbera. Arartekoa.

4. gaia.–Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Nafarroako Gobernuko lehendakaria. 14/2004 Foru Legea, Nafarroako Gobernuari eta Lehendakariari buruzkoa.

5. gaia.–Nafarroako Foru Komunitateko Administrazioa. 15/2004 Foru Legea, Foru Komunitateko Administrazioari buruzkoa.

6. gaia.–39/2015 Legea, Administrazio Publikoen Administrazio Prozedura Erkideari buruzkoa. Printzipio orokorrak. 40/2015 Legea, Sektore Publikoaren Araubide Juridikoari buruzkoa. Administrazioaren ondare erantzukizuna.

7. gaia.–6/2006 Foru Legea, Kontratu Publikoei buruzkoa. Aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak.

8. gaia.–Nafarroako Administrazio Publikoen Zerbitzuko Langileen Estatutua. Osasunbidea-Nafarroako Osasun Zerbitzuari atxikitako langileen berariazko araubidea.

9. gaia.–Nafarroako Foru Komunitateko Administrazioan Administrazio Elektronikoa Ezartzeko Foru Legea. Nafarroako Foru Komunitateko Administrazioko erregistro orokor elektronikoa. Datu Pertsonalak Babesteko Lege Organikoa.

10. gaia.–Osasuna babesteko eskubidea Konstituzioan. Osasunari buruzko Lege Orokorra. Estatuaren, autonomia erkidegoen eta toki entitateen osasun arloko eskumenak. Osasun publikoaren arloko neurri bereziei buruzko Lege Organikoa. Osasun Publikoari buruzko 33/2011 Lege Orokorra. Arau orokorrak. Osasun publikoaren arloko jarduketak.

11. gaia.–Osasunari buruzko Foru Legea. Osasun arloko administrazioen jarduketak osasun publikoaren arloan. Foru administrazioaren eta toki entitateen eskumenak osasun publikoaren arloan. Arau-hausteak eta zehapenak.

12. gaia.–17/2011 Legea, Elikagaien Segurtasunari eta Nutrizioari buruzkoa. Kontsumoaren, Elikagaien Segurtasunaren eta Nutrizioaren Espainiako Agentzia. Antolamendua, eginkizunak eta harremanak autonomia erkidegoekin.

13. gaia.–Kontsumitzaile eta Erabiltzaileen Defentsarako Lege Orokorraren Testu Bategina. Kontsumitzaileen babesaren eta nekazaritzako elikagaien ekoizpenaren arloko arau-hausteak eta zehapenak arautzen dituen ekainaren 22ko 1945/1983 Errege Dekretua.

14. gaia.–7/2001 Foru Legea, Tasa eta Prezio Publikoei buruzkoa. Arau orokorrak. Tasak albaitaritza zerbitzuengatik. Animalien eta haien produktuen osasun ikuskapen eta kontrol ofizialen tasak.

15. gaia.–Nafarroako Gobernuko Osasun Departamentua. Eskumenak, egitura eta eginkizunak. Nafarroako Osasun Publikoaren eta Lan Osasunaren Institutua. Erakunde autonomoaren estatutuak. Egitura eta eginkizunak.

II. zatia.–Berariazko gaiak.

16. gaia.–Zaintza epidemiologikoa. Agerraldi epidemiologikoaren definizioa. Inkesta epidemiologikoak. Epidemiologia deskriptiboa. Pertsonen, tokiaren eta garaiaren aldagai epidemiologikoak. Demografia. Bioestatistika eta epidemiologia analitikoa. Funtsezko oinarriak eta metodologia. Araudia.

17. gaia.–Elikagai bidezko toxiinfekzioak. Epidemiologia. Ikerketa eta kontrol jarduketak gaixotasun agerraldietan. Elikagaien bidez kutsatzen diren agente patogeno nagusiak. Salmonella, Listeria, Campylobacter, Clostridium botulinum eta perfringens, Yersinia, Bacillus, Escherichia coli toxigenikoak. Birusa. Ezaugarri mikrobiologikoak. Arriskuaren jatorria. Transmisio bideak. Inplikatutako elikagai nagusiak. Inaktibazio tratamenduak eta higiene eta kontrol neurriak.

18. gaia.–Elikagaien segurtasuneko politika europarra. Elikagaien Segurtasuneko Liburu Zuria. Zuhurtasun printzipioa elikagaien segurtasunean. Elikagaiei buruzko legeen printzipio eta betekizun orokorrak ezarri, Elikagaien Segurtasuneko Europar Agintaritza sortu eta elikagaien segurtasunari buruzko prozedurak finkatzen dituen araudia. Nekazaritzako elikagaien arloko enpresen trazabilitatea. Kontzeptuak eta prozedurak. Trazabilitaterako orientazio gidak elikagaien enpresetan. Elikagaien loteen kontzeptua.

19. gaia.–Elikagaien alertak. Elikagaien alerten sareak. Kontzeptuak, antolaketa eta prozedurak. Ebaluazioa, kudeaketa eta arriskuaren berri ematea elikagaien alertetan, larrialdietan eta krisietan.

20. gaia.–Europar Batasunean animali jatorriko produktuak eta animaliak trukatzeko baldintzak. Mugako ikuskaritzak. Albaitaritzako sarrera-agiri komuna. Albaitaritzako sistema informatiko integratua (TRACES). Albaitariaren ziurtagiri ofiziala esportatzeko. CEXGAN. Eskumenak. Araudia.

21. gaia.–Elikagaien higiene orokorraren araudia. Aurrebaldintzen planak. AAKPK sistema Codex Alimentarius-ean eta Europako araudian. Malgutasun irizpideak. Higiene jardunbide egokien gidak. Langileen prestakuntza elikagaien arloko jardueretan.

22. gaia.–Animali jatorriko elikagaien higieneari buruzko araudi berariazkoa. Pentsu eta elikagaiei buruzko araudia eta animalien osasun eta ongizateari buruzkoa betetzen direla egiaztatzeko kontrol ofizialei buruzko araudia. Auditoretza eta ikuskapen teknikak. Elikakatearen kontrol ofizialerako plan nazionala. 2016-2020.

23. gaia.–Higiene baldintzak hiltegietan, animaliak zatitzeko aretoetan eta ehizakiak manipulatzeko establezimenduetan. Hiltzeko unean animaliak babesteko arauak. Animalien hilketan eta harekin lotutako eragiketetan parte hartzen duten langileen prestakuntza. Araudia.

24. gaia.–Giza kontsumorako animali jatorriko produktuen kontrol ofizialen antolaketari buruzko araudi berariazkoa.

25. gaia.–Haragiak dituen trikinen kontrol ofizialetarako berariazko arauak ezartzen dituen araudia. Elikagaien enpresen betebeharrak. Antzemateko metodoak. Diagnostikoa, epidemiologia eta trikinosiaren kontrola. Kontsumo pribaturako diren zerriak hiltzeari eta ehizan hildako basurdeei buruzko araudia.

26. gaia.–Elikagaiei aplikatu beharreko irizpide mikrobiologikoen araudia. Oinarri zientifikoak eta jardutea emaitza desegokietan. Uraren jarduera: kontzeptua eta irizpide mikrobiologikoekiko lotura. Bizitza baliagarriaren azterketak eta joeren analisiak.

27. gaia.–Elikagaiei buruz kontsumitzaileari emandako informazioaren gaineko araudia. Etiketatzeko arauak.

28. gaia.–Elikagaiekiko alergiak eta intolerantziak. Alergeno nagusiak. Prebentzio neurriak. Higiene arloko jardunbide zuzenak aplikatzea elikagaiekiko alergiak eta intolerantziak dituzten pertsonentzako elikagaiak egitean. Etiketatzea eta elikagaiek dituzten alergenoen gaineko derrigorrezko informazioa. Araudia.

29. gaia.–Elikagaien nutrizio adierazpenei eta propietate osasungarriei buruzko araudia.

30. gaia.–Elikagai eta haien osagai berriak. Genetikoki eraldatutako elikagai eta pentsuak. Genetikoki eraldatutako organismoekin ekoiztutako elikagai eta pentsuen trazabilitatea eta etiketatzea. Araudia.

31. gaia.–Osasun publikoko laborategiak. Laborategien betebeharrak kontrol ofizialean parte hartzeko. Elikagaien segurtasuneko laborategien Espainiako sarea. RELSA. Laborategien egiaztapena. Normalizazioa. Nekazaritzako elikagaien laborategien baimena Foru Komunitatean. Giza kontsumorako uraren kalitatea eta Legionella kontrolatzeko laborategien berariazko arauak.

32. gaia.–Elikagaien enpresen funtzionamendurako osasun arloko baimenak higienearen eta kontrol ofizialaren erregelamenduetan. Elikagaien enpresen eta elikagaien osasun erregistro orokorra. Autonomia erkidegoko zentsua. Araudia eta antolaketa.

33. gaia.–Txikizkako merkataritza. Txikizkako merkataritzan elikagaiak biltegiratu, garraiatu, banatu eta saltzeko osasun arloko baldintzak. Merkatu txikiak eta kalez kaleko salmenta. Lokal ez-iraunkorrak. Higieneko eta kontrol ofizialeko neurriak. Autokontsumoa eta kontsumitzaileari zuzenean lagatzea. Elikagaien merkataritza elektronikoa. Araudia.

34. gaia.–Janari prestatuak egin, banatu eta merkaturatzeko osasun arloko baldintzak. Jantoki kolektiboak. Araudia.

35. gaia.–Elikagaiak ukitzen dituzten materialak. Elikagaiak ukituko dituzten materialak eta objektuak fabrikatzeko jardunbide egokiak. Kontrolak. Araudia.

36. gaia.–Giza kontsumorako ez diren animalia-azpiproduktuak eta produktu deribatuak. Elikagaien industriako beste azpiproduktu eta hondakin batzuk. Hondakinak biltegiratzeko baldintzak elikagaien arloko jardueretan. Aprobetxamendua. Deuseztatzea. Konfiskazioak. Haien kudeaketa. Araudia.

37. gaia.–Entzefalopatia espongiforme kutsakorrak (EEK). EEK nagusiak. Epizootiologia eta diagnostikoa. Profilaxi eta kontrol neurriak. Animalia produktuen sailkapena EEKren arriskuaren arabera. Arriskugarritzat hartutako materialak. Kudeaketa. Zaintza eta kontroleko programa integral koordinatua. Araudia.

38. gaia.–Elikagaien kontserbazioa. Elikagaiak eraldatzeko eta elikagaien arloko teknologiaren oinarriak. Kontserbak eta erdikontserbak. Elikagai irradiatuak: kontzeptua eta aplikazioa. Araudia.

39. gaia.–Haragia eta haragi-produktuak ekoizteari eta merkaturatzeari lotutako arrisku nagusiak. Haragiaren eta bere deribatuen higienea. Haragiaren etiketatzea. Haragi txikitua, haragi-prestakinak eta mekanikoki bereizitako haragia. Kontrol ofizialak. Araudia.

40. gaia.–Akuikulturako produktuak, kuskubiko moluskuak eta arrantzako beste produktu batzuk ekoizteari eta merkaturatzeari lotutako arrisku nagusiak. Higieneko eta kontrol ofizialeko neurriak. Merkaturatzeko osasun baldintzak. Anisakisa. Biologia. Arrisku faktoreak. Prebentzio neurri orokorrak. Araudia.

41. gaia.–Esnearen eta esnekien ekoizpenari, teknologiari eta merkaturatzeari lotutako osasun arrisku nagusiak. Esne gordinaren arriskuak. Higieneko neurriak eta kontrol ofizialak. Araudia.

42. gaia.–Arrautzen eta oboproduktuen ekoizpenari, teknologiari eta merkaturatzeari lotutako osasun arrisku nagusiak. Arrautza freskoak etiketatzea. Merkaturatzeko osasun baldintzak. Higieneko neurriak eta kontrol ofizialak. Araudia.

43. gaia.–Eztiaren, landare produktu freskoen eta perretxikoen ekoizpenari, teknologiari eta merkaturatzeari lotutako osasun arrisku nagusiak. Kontserbatzeko eta merkaturatzeko osasun baldintzak. Laugarren gamako elikagaiak. Higieneko neurriak eta kontrol ofizialak. Araudia.

44. gaia.–Landare olioen eta jateko koipeen ekoizpenari, teknologiari eta merkaturatzeari lotutako osasun arrisku nagusiak. Merkaturatzeko osasun baldintzak. Higieneko neurriak eta kontrol ofizialak. Araudia.

45. gaia.–Ogiak, pastelak, opilak eta pastak. Kontzeptua. Produktu motak. Prozesuak eta egitea. Merkaturatzeko osasun baldintzak. Higieneko neurriak eta kontrol ofizialak. Araudia.

46. gaia.–Edari alkoholdunak eta alkoholgabeak. Edari freskagarriak, zukuak, hortxatak eta bestelako edariak. Kontzeptuak, motak, aldaketak eta aizunketak. Teknologia. Merkaturatzeko osasun baldintzak. Higieneko neurriak eta kontrol ofizialak. Araudia.

47. gaia.–Edulkoratzaile naturalak eta deribatuak. Ongailuak eta espeziak. Aizunketak. Merkaturatzeko osasun baldintzak. Higieneko neurriak eta kontrol ofizialak. Araudia.

48. gaia.–Erregimen dietetiko eta/edo berezietarako elikagai-prestakinak. Balio energetiko baxuko dietetan erabiltzera zuzendutako elikagaiak, pisua galtzeko. Bularreko haurrentzako prestakinak, jarraipen-prestakinak eta haur-prestakinak. Erabilera mediko berezirako eta kirolarientzako elikagai dietetikoak. Araudia.

49. gaia.–Elikadura-osagarriak. Bitaminak eta mineralak gehitzea. Osagarrien jakinarazpena. Etiketatzea, itxura eta publizitatea. Merkaturatzearen aitorpena Europan. Araudia.

50. gaia.–Gehigarriak, agente laguntzaile teknologikoak, entzimak eta aromak elikakatean eta elikagaien industria eta establezimenduetan. Teknologia. Baimena. Erabiltzeko baldintzak. Gehieneko edukia elikagaietan. Araudia.

51. gaia.–Ur mineral naturalen ustiapena eta merkaturatzea. Edateko ur ontziratuak egin, banatu eta merkaturatzeko prozesua arautzen duen Europako eta Estatuko araudia.

52. gaia.–Ura eta osasuna. Edateko ura hornitzeko sistemak. Giza kontsumorako uraren tratamenduak. Uraren desinfekzioa. Edateko uraren horniduren eta kalitatearen zaintza eta osasun kontrola. Ura elikagaien enpresan. Ura ukitzen duten materialak eta ura arazteko tratamendurako substantziak. Izotza. Araudia. Elikagaien industriako hondakin urak. Arazketa, neurri zuzentzaileak eta isuriak. Araudia.

53. gaia.–Bektoreak kontrolatzeko teknikak. Bioziden araudia. Haien erabilera elikagaien arloko jardueretan. Erregistroak. Prestakuntza. Kontrola. Izurriak kontrolatzeko planak elikagaien enpresetan. Garbitzeko eta desinfektatzeko planak elikagaien arloko jardueretan. Garbiketako eta desinfekzioko produktuak. Araudia.

54. gaia.–Nafarroako zezen ikuskizunen erregelamendua. Zezenketako zezenen haragiaren ekoizpenari eta merkaturatzeari aplikatu beharreko osasun baldintzei buruzko araudi orokorra eta berariazkoa.

55. gaia.–Esperimentazioan eta beste helburu zientifiko batzuetarako, hezkuntza barne, erabilitako animalien babesa. Langileak trebatzeko baldintzak eta instalazioak. Establezimenduak, prozedurak eta proiektuak baimentzea. Araudia.

56. gaia.–Kutsatzaileak elikagaietan. Elikagaietan modu naturalean edo ekoizpen eta eraldatze prozesuen ondorioz dauden kutsatzaile kimiko nagusiak. Toxikologia. Hondakinen gehieneko mugak. Laginketa eta analisiak. Araudia.

57. gaia.–Pestiziden hondarrak elikagaietan. Hondakinen gehieneko mugen eta ekintza mugen oinarria. Laginketa eta analisiak. Kontrol programak. Araudia.

58. gaia.–Albaitaritzako botiken hondakinak. Toxikologia. Hondakinen gehieneko mugak. Erresistentzia antimikrobianoak. Hondakinak Ikertzeko Plan Nazionala. PNIR.

59. gaia.–Epizootien Nazioarteko Erakundea (ENE). Nahitaez aitortu beharreko gaixotasunak Europar Batasunean eta Espainian. Zoonosiaren eta agente zoonotikoen zaintza. Zoonosi nagusiak Europan eta Espainian. Zoonosiaren transmisioa elikagaien bidez eta bestelako bideen bidez.

60. gaia.–Animalien identifikazioa eta abereen mugimendua. Abereen mugimenduen erregistro orokorra eta animalien banakako identifikazioaren erregistro orokorra. Hiltzeko animaliei lotutako elikakatearen informazioa. Araudia.

61.–Animalien osasuna. Ustiategien osasun arloko kalifikazioa. Animalien ongizatea garraioan. Araudia eta eskumenak.

62. gaia.–Tuberkulosia eta bruzelosia, behien leukosi enzootikoa eta behien peripneumonia kutsakorra. Diagnostikoa. Epidemiologia. Kontrolatu eta desagerrarazteko neurriak eta prozedurak. Gaixotasunen intzidentzia. Araudia.

63. gaia.–Lupu beltz sintomatikoa eta sintomarik gabekoa. Tetanosa. Diagnostikoa. Epidemiologia. Gaixotasunen intzidentzia. Araudia.

64. gaia.–Ahoeria eta mihi urdina. Diagnostikoa. Epidemiologia. Gaixotasunen intzidentzia. Araudia.

65. gaia.–Aujeszky gaixotasuna. Zerrien besikulako gaixotasuna. Zerrien min gorria. Zerrien izurri klasikoa eta afrikarra. Diagnostikoa. Epidemiologia. Gaixotasunen intzidentzia. Araudia.

66. gaia.–Salmonellosia eta kolibazilosia. Diagnostikoa. Profilaxia. Kontrolatu eta desagerrarazteko neurriak eta prozedurak.

67. gaia.–Garrantzi zoonosikoko gaixotasun parasitarioak. Ekinokosia. Hidatidosia. Teniasia eta zistizerkosia. Diagnostikoa. Kontrolatzeko, profilaxirako eta desagerrarazteko neurriak eta prozedurak. Araudia.

68. gaia.–Lagun egiteko animaliak. Garrantzi zoonosikoa. Errabia, leptospirosia, leishmaniasia, toxoplasmosia. Egoera epidemiologikoa. Arriskutsuak izan daitezkeen animaliak izatea. Etxeko animalien derrigorrezko identifikazioa eta txertoa. Araudia.

69. gaia.–Gaixotasun infekto-kutsakorrak eta parasito-gaixotasunak hegaztietan eta untxietan. Diagnostikoa. Epidemiologia, kontrola eta desagerraraztea.

70. gaia.–Gaixotasun infekto-kutsakorrak eta parasito-gaixotasunak ekidoetan. Diagnostikoa. Epidemiologia, kontrola eta desagerraraztea.

71. gaia.–Tabakoa eta bere importantzia osasun publikoan. Tabakismoaren kontrako osasun neurriak finkatu eta tabako-produktuen salmenta, hornidura, kontsumoa eta publizitatea arautzen dituen araudia.

IV. ERANSKINA

Merezimenduen baremoa

1. atala. Egindako zerbitzuak.

Ondokoak baloratuko dira:

1.1. Lehiaketaren xedeko estamentu eta espezialitatean edozein administrazio publikotako zentroetan egindako zerbitzuak. Urte bakoitzeko, 1,5 puntu.

1.2. Edozein administrazio publikotan fakultatibo gisa egindako zerbitzuak. Urte bakoitzeko, 0,75 puntu.

1.3. Lehiaketaren xedeko kategoria berean osasun zentro pribatuetan egindako zerbitzuak, Gizarte Segurantzan afiliatuta eta besteren kontura kotizatuta. Urte bakoitzeko, 0,75 puntu.

Egindako zerbitzu gisa hartuko dira funtzionario, estatutupeko edo lan-kontratudun finko gisa egindako zerbitzuak, baita aldi baterako egindakoak ere.

Ondorio horietarako, egindako zerbitzuak kalkulatzean, Nafarroako Foru Komunitateko Administrazioan eta haren erakunde autonomoetan egindako zerbitzuen aitorpenari buruz ezarrita dauden irizpideei jarraituko zaie.

Egindako zerbitzuek urte natural oso bat hartzen ez badute, kontratuaren hasiera-egunaren eta bukaera-egunaren arabera dagokion puntuazio proportzionala esleituko da, egindako lanaldiaren araubidea kontuan hartu gabe.

Aurreko azpiataletan emandako puntuazioak bateraezinak izanen dira epe berari dagozkionean. Kasu bakoitzean, haietarik handiena emanen da.

Zerbitzu eginkizunetan edo goragoko kategoria batean egindako lanak benetan egin direneko lanpostuan eginak bezala kontatuko dira.

Zerbitzu berezietan egindako zerbitzuak jatorrizko lanpostuan eginak balira bezala kontatuko dira.

Lortu nahi den espezialitatean, egoiliar gisa, egindako zerbitzuak prestakuntza espezializatuaren atalean baloratuko dira. Beste espezialitate batean, egoiliar gisa, egindako zerbitzuak 1.2 atalean baloratuko dira.

Atal honetan, guztira, 17 puntu emanen dira gehienez.

2. atala. Prestakuntza, irakaskuntza, ikerkuntza eta hizkuntzak:

Atal honetako merezimenduak baloratuko dira aukeratu nahi den lanpostuarekin zerikusia baldin badute, eta kontuan harturik azaroaren 22ko 347/1993 Foru Dekretuan xedatutakoa.

2.4, 2.6 eta 2.8 azpiatalei dagokienez, komunikazioak, txostenak eta argitalpenak baloratuko dira ikerketa-lan beraren gainekoak izanda ere, eta puntuazio horiek bateragarriak izanen dira.

Akta-liburuetan edo abstraketan egiten diren txostenak, afixak eta komunikazioak ez dira argitalpentzat hartuko.

2.1. Hirugarren zikloko ikasketak.

a) Ikerkuntzako masterra edo ikertzeko nahikotasuna/Ikasketa aurreratuen diploma: puntu bat.

b) Doktore gradua: 2,5 puntu.

c) Cum laude, 0,5 puntu gehiago.

Atal honetako a) eta b) letretan jasotako puntuazioak bateraezinak dira.

2.2. Prestakuntza espezializatua:

Egonaldia osorik egina izatea deialdiaren xedeko espezialitatean, programa nazionalaren bidez edo graduatu-ondokoentzako irakaskuntza programa onartua duen zentro batean: 6 puntu.

2.3. Erakunde edo zentro publikoek eta unibertsitateek antolatutako edo egiaztatutako prestakuntza jardueretan ikasle gisa parte hartzea. Ikasketa kreditu bakoitzeko, 0,025 puntu.

Ikastaroaren egiaztapena ordutan egiten bada, kreditu bat kontatuko da hamar orduko. Egiaztapenean orduak eta kredituak agertzen badira, ikastaroa baloratzeko kredituak hartuko dira aintzat.

Ziurtagirian orduen kopurua ageri ez bada, ez da baloratuko; ikaslea ikasturte osoan aritu dela agertzen bada, 12 kreditu kontatuko dira.

Zatikiak proportzionalki puntuatuko dira.

Laneko arriskuen prebentzioaren arloko eta informatikako prestakuntza baloratuko da.

Atal honetan, erakunde antolatzailearen gaineko betekizunak betetzen ez dituzten prestakuntza ekintzak ere baloratuko dira, baldin eta administrazioak aginduta egin badira edo hark homologatu baditu. Horien artean espresuki sartzen dira sindikatuek “Administrazio Publikoetako Etengabeko Prestakuntzarako Akordioen” barrenean antolatuak.

Titulazio ofizialak ez dira merezimendu gisa baloratuko.

Osasun zientzietako espezialistek ikasle egoiliar gisa egindako prestakuntzaldiko orduak ez dira atal honetan kontatuko.

Gehienez ere 2,5 puntu emanen dira.

2.4. Biltzarretan, jardunaldietan edo bilkura zientifikoetan idatzizko txostenak, afixak edo komunikazioak aurkeztea:

–Nazioarteko mailan: Lehen hiru sinatzaileak: 0,2 puntu. Hurrengo hiru sinatzaileak: 0,1 puntu.

–Nazio mailan: Lehen hiru sinatzaileak: 0,1 puntu. Hurrengo hiru sinatzaileak: 0,05 puntu.

–Autonomia erkidegoko mailan: Lehen hiru sinatzaileak: 0,05 puntu. Hurrengo hiru sinatzaileak: 0,025 puntu.

Baloratu ahal izateko, sinatzailearen ordena agertu beharko da.

Ahozko komunikazioak ez dira baloratuko haien idatzizko onarpena ere aurkezten ez bada, ez eta mahai-inguruetan parte hartu izana ere.

Gehienez ere 3 puntu emanen dira.

2.5. Administrazioen edo erakunde publikoen beka edo saria jaso duten zientzia edo ikerketa lanak egitea:

–Nazioarteko mailan: puntu bat.

–Nazio mailan: 0,5 puntu.

–Autonomia erkidegoko mailan: 0,25 puntu.

Lan zientifikoagatik edo ikerketa lanagatik emandako bekaren edo sariaren jasotzailea baizik ez da baloratuko.

Gehienez ere 3 puntu emanen dira.

2.6. ISSNa duten aldizkari espezializatuetan argitaratutako lanak, Eragin Faktorearen arabera (EF), Journal Citation Reports-ek jasotakoari jarraikiz:

–EFa 3tik gorakoa bada, lehenengo hiru sinatzaileak: 0,5 puntu. Hurrengo hiru sinatzaileak: 0,25 puntu.

–EFa 3 bada, edo hortik beherakoa, lehenengo hiru sinatzaileak: 0,3 puntu. Hurrengo hiru sinatzaileak: 0,15 puntu.

–Eragin faktorerik ez badu, lehenengo hiru sinatzaileak: 0,1 puntu. Hurrengo hiru sinatzaileak: 0,05 puntu.

Eragin faktorea izangaiak berak frogatu beharko du, eta lanaren argitalpen urtearen gainekoa izanen da.

Gehienez ere 4 puntu emanen dira.

2.7. Irakasle lana:

a) Erakunde edo zentro publikoek eta unibertsitateek antolatu edo egiaztatutako prestakuntza jardueretan: 0,2 puntu 10 orduko.

Iraupena agertzen ez duten ziurtagiriak ez dira baloratuko.

b) atalean adierazitako irakasle lana ez da atal honetan baloratuko.

Gehienez ere 2 puntu emanen dira.

b) Irakasle lana osasun laguntzako praktiken tutore edo koordinatzaile gisa, osasun laguntzako praktiken irakasle koordinatzaile gisa, irakasle kliniko elkartu gisa, irakasle elkartu gisa, unibertsitateko ikastaroetako, masterretako edo adituen tutore gisa, osasun laguntzako praktiketako kolaboratzaile gisa, eta langile egoiliarren tutore eta irakasle kolaboratzaile gisa. Ikasturte oso bakoitzeko: 0,25 puntu.

Egiaztagiriaren arabera, ikasturte osoa egiaztatua ez badago, egindako denborari dagokion puntuazio proportzionala emanen da.

Gehienez ere puntu 1 emanen da.

2.8. ISBNa duten liburu zientifikoetan laguntzaile gisa agertzea: 0,3 puntu argitaratutako liburu bakoitzeko.

Gehienez ere 3 puntu emanen dira.

2.9. Frantsesez, ingelesez edo alemanez jakiteagatik, Europar Batasuneko hizkuntza ofizialak direnez: hizkuntza bakoitzeko, 2 puntu gehienez.

Gaitasun agiririk edo balio bereko titulurik izan ezean, dagokion puntuazio proportzionala emanen da.

Tituluak eta ziurtagiriak Hizkuntzetarako Europako Erreferentzia Esparru Bateratuan ezarritako mailen arabera baloratuko dira. Maila horiek Nafarroako Administrazio Publikoaren Institutuko zuzendari kudeatzailearen irailaren 13ko 210/2010 Ebazpenean jasotzen dira, horren bidez ezarri baitziren euskararen eta Europar Batasuneko hizkuntzen jakite-maila egiaztatzen duten titulu eta ziurtagirien arteko baliozkotzeak, Hizkuntzetarako Europako Erreferentzia Esparru Bateratuaren arabera (2010eko 117. Nafarroako Aldizkari Ofiziala, irailaren 27koa).

Atal honetan, guztira, 22 puntu emanen dira gehienez.

3. atala. Euskaraz jakitearen balorazioa.

Euskararen jakite-mailaren balorazioa ekainaren 15eko 55/2009 Foru Dekretuan xedatutakoari jarraikiz eginen da, horren bidez Nafarroako Foru Komunitateko Administrazioko eta haren erakunde autonomoetako plantilla organikoan euskaraz jakitearen trataera arautu baitzen.

Iragarkiaren kodea: F1703051