1. NAFARROAKO FORU KOMUNITATEA
1.7. BESTELAKOAK
282E/2017 EBAZPENA, urriaren 19koa, Ekonomia Zirkularraren eta Uraren Zerbitzuko zuzendariak emana, ofizioz aldatzen duena Uharteko udal-mugartean metalak eta bateriak biltegiratu eta kudeatzeko dagoen instalazio baten Ingurumen baimen integratua. Instalazioaren titularra Ambiental Recicla SL da.
–Espediente mota: Ingurumen baimen integratuaren ofiziozko aldaketa.
–Espedientearen kodea: 0001-0121-2017-000020.
–Hasierako eguna: 2017-07-31.
–Sailkapena:
- Martxoaren 22ko 4/2005 Foru Legea:
- 2A / 14.
- Abenduaren 16ko Legegintzako Errege Dekretua.
- Azaroaren 24ko 2010/75/EB Zuzentaraua.
–Instalazioa: Metalak eta bateriak biltegiratu eta kudeatzeko nabea.
–Titularra: Ambiental Recicla SL.
–Zentroaren zenbakia: 3112209025.
–Kokalekua: Areta industrialdea, Altzutzate kalea 32, 1. poligonoko 1113. lurzatia.
–Koordenatuak: UTM-ETRS89, 30N ardatza, X: 614.229,000 eta Y: 4.742.265,000.
–Udalerria: Uharte.
–Aldaketak: PRTR-Nafarroa jakinarazpena ezabatu eta neurri finantzarioak sartu.
Instalazio horrek Ingurumen baimen integratua dauka, Ingurumenaren eta Uraren zuzendari nagusiaren abuztuaren 22ko 388E/2014 Ebazpenaren bidez emana.
Instalazioaren titularrak 2015eko uztailaren 3an aurkeztu zuen instalazioa martxan jartzeko erantzukizunpeko adierazpena, eta, ondorioz, jakinarazi zitzaion ulertuko zela jarduera garatzeko irekitze baimena eskuraturik zegoela. Hala ere, gailu elektriko eta elektronikoen hondakinak kudeatzeko mugak ezarri ziren, indarrean jarri baitzen Gailu Elektriko eta Elektronikoen Hondakinei buruzko otsailaren 20ko 110/2015 Foru Dekretua, eta instalazioak horretara egokitu behar zuen.
Erantzukizunpeko adierazpenarekin batera, instalazioa suteetatik babesteko neurriei buruzko dokumentazio osagarria aurkeztu zen. Barne Zuzendaritza Nagusiko Babes Zibilerako Zerbitzuak dokumentazioa baloratu eta aldeko txostena eman zuen.
Bestalde, abuztuaren 22ko 388E/2014 Ebazpenean akatsak daudela ikusirik, beharrezkoa da hauek zuzentzea: alde batetik, bidegabe ezarri zen atmosferara egindako emisioei, hondakin uren isurketei eta hondakinen produkzioari buruzko datuak urtean behin jakinarazteko betebeharra, PRTR-Nafarroa tresnaren bitartez; eta bestetik, ez zen sartu instalazioaren finantza aseguramendurako neurriei buruzko eranskina.
Kasu honetan, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 27. artikuluko d) letran aurreikusitako inguruabarrak gertatzen direla ikusi da, eta, horrenbestez, bidezko da Ingurumen baimen integratuan ezarritako baldintzak ofizioz aldatzea, Ingurumena Babesteko Esku-hartzeari buruzko martxoaren 22ko 4/2005 Foru Legea garatzen duen Erregelamenduaren 28. artikuluan aurreikusitako administrazio prozedurarekin bat, eta ez da bidezkotzat jo aldaketa-espediente hau jendaurrean jartzea.
Ebazpen-proposamena instalazioaren titularrari entzunaldia emateko tramitean egon da hogeita hamar egunez, eta honek ez du proposamenaren aurkako alegaziorik aurkeztu.
Adierazitakoarekin bat, eta Ingurumeneko eta Lurraldearen Antolamenduko zuzendari nagusiak urriaren 4an emandako 760/2016 Ebazpenaren bidez eskuordetuak ditudan eskumenak erabiliz,
EBATZI DUT:
Lehena.–Uharteko udal-mugartean metalak eta bateriak biltegiratu eta kudeatzeko instalazio baten Ingurumen baimen integratua ofizioz aldatzea, ebazpen honen eranskinean zehaztutako aldaketen arabera. Instalazioak eta jarduerak berak, hortaz, instalazioari Ingurumen baimen integratua emateko lehendik tramitatutako administrazio espedienteetan ezarritako baldintzak bete beharko dituzte, eta, horiez gainera, ebazpen honen eranskinean adierazitako baldintzak eta neurriak. Instalazioaren titularra Ambiental Recicla SL da.
Bigarrena.–Ebazpen honetan jasotako baldintzak bete ezean, Ingurumena Babesteko Esku-hartzeari buruzko martxoaren 22ko 4/2005 Foru Legearen VI. tituluan ezarritako zehapen araubidean jasotzen diren ingurumen arloko diziplina-neurriak hartuko dira, deusetan galarazi gabe sektoreko legedian ezarritakoa, hori ere aplikatuko baita.
Hirugarrena.–Ebazpen hau Nafarroako Aldizkari Ofizialean argitaratzea.
Laugarrena.–Ebazpen honek ez du administrazio bidea amaitzen, eta interesa dutenek, administrazio publikoek izan ezik, gora jotzeko errekurtsoa jar dezakete, Landa Garapeneko, Ingurumeneko eta Toki Administrazioko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jarri ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik hasita kontatuko dira.
Bosgarrena.–Ebazpen hau Ambiental Reclica SLri, Uharteko Udalari eta Barne Zuzendaritza Nagusiko Babes Zibilerako Zerbitzuari igortzea, behar diren ondorioak izan ditzan.
Iruñean, 2017ko urriaren 19an.–Ekonomia Zirkularraren eta Uraren Zerbitzuko zuzendaria, César Pérez Martín.
Oharra: ebazpen honetan aipatzen diren eranskinak interesdunen eskura egonen dira Ingurumeneko eta Lurraldearen Antolamenduko Zuzendaritza Nagusiaren bulegoetan (González Tablas kalea 9, behea, Iruña), Ingurumen Kalitatearen eta Klima Aldaketaren Zerbitzuan eta Nafarroako Gobernuaren webgunean: http://www.navarra.es/home_es/Temas/Medio+Ambiente/Evaluacion+ambiental/Autorizaciones+ambientales/.
Iragarkiaren kodea: F1712187
