2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Berrikuntzaren Hiria zaintzeko entitatearen estatutuen aldaketa. Behin betiko onespena
Honako honen bidez aditzera ematen da ezen Udaleko Tokiko Gobernu Batzarrak, uztailaren 31n egindako bilkuran, behin betiko onetsi zuela Berrikuntzaren Hiria zaintzeko entitatearen estatutuen aldaketa. Horren bidez, 37.c) artikulua aldatzen da eta c) idatz-atala gehitzen zaio 45. artikuluari. Aldaketaren ondorioz, eta hemendik aurrera, hona hemen aipatutako artikuluetako c) idatz-zatien edukia:
37. artikulua. (...) c) Eguesibarko Udalaren ekarpena, urtean Hiriaren ezarpenaren arabera lortzen diren diru-sarrera guztien %30. Diru-sarrera horiek Berrikuntzaren Hiriko lurzati, eraikin eta jardueren gainean igortzen diren hiri-lurreko ondasunen gaineko kontribuzioari eta jarduera ekonomikoen zergari (edo horiek ordezten dituzten zergei) dagozkie.
45. artikulua. (...) c) Estatutuen 37.c) artikuluan jasotzen den Udalaren ekarpena, aurreko urtekoari dagokiona, ordainduta ez izatea ekitaldiko urteko kontuak onesten direnean.
Argitara ematen da, orok jakin dezan, eta ohartarazten da ezen, arau horren kontra, errekurtso hauek paratzen ahal direla: 1.–Berraztertzeko errekurtsoa, erabakia hartu duen organoari zuzendua, hilabeteko epean, jakinarazpena egin eta biharamunetik hasita. 2.–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau jakinarazten den egunetik hasita. 3.–Administrazioarekiko auzi-errekurtsoa, Administrazioarekiko Auzien Jurisdikzioko organo judizial eskudunari zuzendua, bi hilabeteko epean, jakinarazpen hau egin eta biharamunetik hasita.
Sarrigurenen, 2017ko abuztuaren 7an.–Zinegotzi ordezkaria, jarduneko alkatea, Joseba Orduña Navarro.
Iragarkiaren kodea: L1709451
