1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
937/2017 EBAZPENA, ekainaren 5ekoa, Nafarroako Unibertsitate Publikoko errektoreak emana, María Teresa Sanz de Acedo Baquedano andrea unibertsitateko irakasle titular izendatzen duena.
361/2017 Ebazpena, otsailaren 13koa, Nafarroako Unibertsitate Publikoko Ekonomia, Plangintza eta Irakasleen gaietarako errektoreak emana, unibertsitateko irakaskidegoetako lanpostuak betetzeko lehiaketarako deia egiten duena.
Ikusirik lehiaketa epaitu duen batzordeak 2017ko maiatzaren 24an María Teresa Sanz de Acedo Baquedanoren alde egindako proposamena, “Bilakaeraren eta Hezkuntzaren Psikologia” jakintza-arloan Nafarroako Unibertsitate Publikoko unibertsitateko irakasle titular izateko, 4710 kodeduna eta Psikologia eta Pedagogia Sailari atxikia, eta interesdunak aurkeztu duenez deialdiaren oinarriak aipatzen duen dokumentazioa.
Errektoreak, Unibertsitateei buruzko abenduaren 21eko 6/2001 Lege Organikoaren 65. artikuluak (abenduaren 24ko BOE) eta Estatutuen 40. artikuluak ematen dizkion eskumenak erabiliz,
EBATZI DUT:
Lehena.–María Teresa Sanz de Acedo Baquedano andrea Nafarroako Unibertsitate Publikoko unibertsitateko irakasle titular izendatzea. Lanpostua “Bilakaeraren eta Hezkuntzaren Psikologia” jakintza-arlokoa da, 4710 kodea du, eta Psikologia eta Pedagogia Sailari atxikitzen zaio.
Bigarrena.–Izendapen honek indarra hartuko du interesduna lanpostuaz jabetzen denean, gehienez ere hogei eguneko epean, Ebazpen hau “Estatuko Aldizkari Ofizialean” argitaratzen denetik kontatzen hasita.
Hirugarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluak xedatzen duenaren arabera, eta bere aurka zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2017ko ekainaren 5ean.–Errektorea, Alfonso Carlosena.
Iragarkiaren kodea: F1707626
