1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
Laburpena, Politika Ekonomiko eta Enpresarialaren eta Lanaren zuzendari nagusiak maiatzaren 11n emandako 197E/2017 Ebazpenarena. Ebazpen horren bidez “Lehiakortasuna hobetzeko 2017ko laguntzak” izeneko diru-laguntzen deialdia onetsi da.
Diru-laguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan aurreikusitakoari jarraituz, argitara ematen da deialdiaren laburpena; haren testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index): DDBN (Identifikazioa): 347073.
Lehena.–Onuradunak.
Nafarroan kokatuta egonik, jarduera hauetakoren batean aritzen diren enpresak:
–Manufaktura industriak eta informazio eta komunikazio industriak.
–Hondakinen tratamendua eta ezabaketa.
–Ingeniaritzako zerbitzu teknikoak eta aholkularitza teknikoarekin lotuta dauden beste jarduera batzuk.
–Ikerketa eta garapena.
–Zuraren ustiapena.
–Diseinu espezializatuko jarduerak.
Bigarrena.–Xedea.
Enpresa nafarrentzako aholkularitza espezializatua sustatzea, produktibitatea hobetzeko proiektuak egiteko diru-laguntzak emanez.
Hirugarrena.–Oinarri arautzaileak.
Laguntza hauen oinarri arautzaileak Politika Ekonomiko eta Enpresarialaren eta Lanaren zuzendari nagusiak maiatzaren 11n emandako 197E/2017 Ebazpenaren eranskinean daude eskuragarri.
Laugarrena.–Zenbatekoa.
410.000 euro, 2017ko Gastuen Aurrekontuko “Ekintzailetza plana. ETEen lehiakortasuna hobetzeko plana” izeneko 810008-81200-7709-458100 kontu-sailaren kargura. Zenbateko hori 900.000 euro arte handitzen ahalko da, aurkezten diren eskaera guztiei erantzuteko aski ez bada, betiere aurrekontuan horretarako dirua izanez gero.
Bosgarrena.–Eskaerak aurkezteko epea.
Deialdiaren laburpena Nafarroako Aldizkari Ofizialean argitaratu eta biharamunean hasiko da epea, eta 2017ko ekainaren 23an bukatuko, egun hori barne.
Iruñean, 2017ko maiatzaren 11n.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1706106
