Iragarkia

93. ALDIZKARIA - 2016ko maiatzaren 16a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

567/2016 EBAZPENA, 2016ko apirilaren 15ekoa, Nafarroako Unibertsitate Publikoko errektoreak emana. Haren bidez ematen dira errektorearen 285/2016 Ebazpenaren bidez deitutako 2014-2015 ikasturteko Aparteko Sariak.

Ikusirik errektoreak 2016ko otsailaren 19an emandako 285/2016 Ebazpena, zeinaren bidez egin baitzen Nafarroako Unibertsitate Publikoak emandako 2014-2015 ikasturteko Aparteko Sarietarako deialdia. (NAO, 41 zk., 2016ko martxoaren 1ekoa).

Ikusirik sariak emateko proposamena, 2016ko martxoaren 18koa, aparteko sariak emateko Araudi Erregulatzailearekin bat etorriz egindakoa (Nafarroako Aldizkari Ofiziala, 26 zk., 2016ko otsailaren 9koa).

Graduondoko Ikasketak, Sarbidea, Bekak eta Tituluak Ataleko buruaren txostena eta ebazpen proposamena ikusita, Ikasleen Gaietarako eta Irakaskuntza Laguntzeko Zerbitzuko zuzendariak eta Ikasleen Gaietarako, Enplegurako eta Ekintzailetzarako errektoreordeak O.E.

Nafarroako Unibertsitate Publikoko Estatutuetako 40. artikuluak ematen dizkidan eskumenak erabiliz,

EBATZI DUT:

Lehenengoa.–2014-2015 ikasturteko ikasketen amaierako espediente hoberenen Aparteko Sariak ematea Ebazpen honen eranskineko ikasleei.

Bigarrena.–Eranskineko hogeita hamaika ikasle sarituetako bakoitzari 300 euro ordaintzeko agintzea.

Hirugarrena.–Sariak emateko eguna, ordua eta lekua ikasle saritu bakoitzari jakinaraziko zaio, ebazpen honen eranskinarekin bat etorriz.

Laugarrena.–Ebazpen hau Nafarroako Aldizkari Ofizialean argitara dadin agintzea.

Bosgarrena.–Ebazpen hau bidaltzea Ikasleen Gaietarako, Enplegurako eta Ekintzailetzarako errektoreordeari, Irakaskuntza Laguntzeko eta Ikasleen Gaietarako Zerbitzura, Komunikazio Zerbitzura, Kontu-hartzailetzara eta Beken eta Tituluen Bulegora. Bulego honek ebazpenaren edukia jakinaraziko dio interesdun bakoitzari.

Ebazpen honek administrazio bidea agortzen du, Unibertsitateei buruzko Lege Organikoaren 6.4. artikuluak xedatzen duenari jarraikiz, eta interesdunak, zilegi du berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena jakinarazi, eta biharamunetik kontatzen hasita. Iruñean, 2016ko martxoaren 15ean Stua.: Alfonso Carlosena. Errektorea.

Errektorearen 285/2016 Ebazpenaren bidez deitutako 2014-2015 ikasturteko Aparteko Sariak emateko 2016ko martxoaren 15eko 567/2016 Ebazpenaren eranskina.

2014-2015 ikasturteko ikasketen amaierako espediente onenen sariak:

Iragarkiaren kodea: F1604682