2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Alkatearen eginkizunak lehen alkateordearen esku uztea
Udal honetako alkateak 178/2016 Ebazpena eman du, 2016ko martxoaren 2an. Hona hemen haren testua:
“Udal honetako alkatea bidezko arrazoiak direla-eta udalerritik kanpo izanen denez 2016ko martxoaren 8an eta 9an, kontuan harturik Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 47. artikulua lege testu horren beraren 44. artikuluari dagokionez, esleiturik ditudan eskudantziak erabiliz, honako honen bidez,
EBATZI DUT:
1. Lehen alkateorde Berta Arizkun Gonzálezen eskutan uztea alkate gisa eman zaizkidan eginbeharrak, 2016ko martxoaren 8an eta 9an.
2. Erabaki hau Nafarroako Aldizkari Ofizialean argitaratzeko agintzea, Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 47. artikuluan lege testu beraren 44. artikuluari dagokionez ezarritako ondorioetarako.
3. Erabaki hau interesdunari jakinaraztea.”
Burlatan, 2016ko martxoaren 2an.–Alkatea, José María Noval Galarraga.
Iragarkiaren kodea: L1602666
