Iragarkia

246. ALDIZKARIA - 2016ko abenduaren 23a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

588/2016 EBAZPENA, abenduaren 9koa, Barneko zuzendari nagusiak emana, Nafarroako Foruzaingoko kaboen 17 lanpostu lehiaketa bidez edo lehiaketa berariazkoaren bidez betetzeko deialdia onesten duena.

Nafarroako Foruzaingoko buruak egindako txostenean adierazi du beharrezkoa dela Nafarroako Foruzaingoko kaboen 17 lanpostu lehiaketa bidez edo lehiaketa berariazkoaren bidez betetzea.

Hori horrela, eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren 10. artikuluaren bidez esleituak ditudan eginkizunak erabiliz,

EBATZI DUT:

1. Nafarroako Foruzaingoko kaboen 17 lanpostu lehiaketa bidez edo lehiaketa berariazkoaren bidez betetzeko deialdia onestea, oinarri hauei jarraituz:

OINARRIAK

1.–Xedea.

Nafarroako Foruzaingoko kaboen 17 lanpostu, funtzionario araubidekoak eta C mailakoak, lehiaketaren edo lehiaketa berariazkoaren bidez betetzeko deialdia. Bete beharreko lanpostuak antolaketa unitate hauei atxikita daude:

Ikuskapen Orokorraren Arloa:

Trafikoaren eta Bide Segurtasunaren Arloa:

Herritarren Segurtasunaren Arloa:

Ikerketa Kriminalaren Arloa:

Deialdi honen ondorioz destinoa Iruñean duen lanpostu huts bat gelditzen bada Trafikoaren eta Bide Segurtasunaren Arloko Bide Segurtasuneko eta Trafikoko Ekintzak Planifikatzeko Taldean, Herritarren Segurtasunaren Arloko Prebentziorako eta Herritarren Arretarako Dibisioko 2. Ekintza Taldeari atxikiko zaio, eta destinoa Iruñean izanen du.

Deialdi honen ondorioz destinoa Iruñean duen lanpostu huts bat gelditzen bada Barne Segurtasunaren eta Polizia Administratiboaren Arloko Ingurumena Babesteko Brigadaren 1. Ingurumen Taldean edo 2. Ingurumen Taldean, Herritarren Segurtasunaren Arloko Prebentziorako eta Herritarren Arretarako Dibisioko 4. Ekintza Taldeari atxikiko zaio, eta destinoa Iruñean izanen du.

Deialdi honen ondorioz destinoa Iruñean duen lanpostu huts bat gelditzen bada Herritarren Segurtasunaren Arloko Agintariak Babesteko Brigadako Agintariak Babesteko Taldean edo Sostengu eta Kontrazaintza Taldean, Herritarren Segurtasunaren Arloko Prebentziorako eta Herritarren Arretarako Dibisioko 1. Ekintza Taldeari atxikiko zaio, eta destinoa Iruñean izanen du.

Deialdi honen ondorioz destinoa Iruñean duen lanpostu huts bat gelditzen bada Barne Segurtasunaren eta Polizia Administratiboaren Arloko Barne Segurtasuneko Brigadako Parlamentu Taldean, Herritarren Segurtasunaren Arloko Prebentziorako eta Herritarren Arretarako Dibisioko 1. Ekintza Taldeari atxikiko zaio, eta destinoa Iruñean izanen du.

Deialdi honen ondorioz destinoa Iruñean duten bi lanpostu huts gelditzen badira Barne Segurtasunaren eta Polizia Administratiboaren Arloko Joko eta Ikuskizunen Brigadan, lehengoa 4. Ekintza Taldeari atxikiko zaio, eta bigarrena 3. Ekintza Taldeari, biak ala biak Herritarren Segurtasunaren Arloko Prebentziorako eta Herritarren Arretarako Dibisioan, eta destinoa Iruñean izanen dute.

Deialdi honen ondorioz destinoa Iruñean duen lanpostu huts bat gelditzen bada Trafikoaren eta Bide Segurtasunaren Arloko Bide Segurtasuneko Dibisioko Bide Segurtasuneko 5. Taldean, Herritarren Segurtasunaren Arloko Prebentziorako eta Herritarren Arretarako Dibisioko 5. Ekintza Taldeari atxikiko zaio, eta destinoa Iruñean izanen du.

Deialdi honen ondorioz destinoa Iruñean duten bi lanpostu huts gelditzen badira Trafikoaren eta Bide Segurtasunaren Arloko Bide Segurtasuneko Dibisioko Radar Taldean, lehengoa Ikuskapen Orokorraren Arloko Tuterako Foruzain Etxeko Polizia Judizialaren Tuterako Taldeari atxikiko zaio, destinoa Tuteran baitu, eta bigarrena, Herritarren Segurtasunaren Arloko Prebentziorako eta Herritarren Arretarako Dibisioko 3. Ekintza Taldeari, eta destinoa Iruñean izanen du.

2.–Aplikatu beharreko araudia.

Deialdi hau maiatzaren 22ko 57/2002 Foru Dekretuan xedatutakoari jarraikiz gauzatuko da, horren bidez Nafarroako Foruzaingoko lanpostuak betetzeko Erregelamendua onetsi baitzen, betiere Nafarroako Poliziei buruzko martxoaren 23ko 8/2007 Foru Legearen azken xedapenetako lehenean ezarritakoa eta azaroaren 16ko 102/2016 Foru Dekretuaren 6. artikulua (Nafarroako Foruzaingoan destinoak betetzeko sistema ezartzen duena) aplikatuz.

3.–Betebeharrak.

Indarra duen araudian xedatutakoaren arabera, deialdi honetan parte hartu ahal izateko, ondoko betebeharrak bete behar dira, eskaerak aurkezteko epearen azken egunean eta esleitzen den lanpostuaz jabetzeko orduan:

a) Nafarroako Foru Komunitateko eta haren erakunde autonomoetako langile finkoa izatea eta jarduneko zerbitzuan egotea.

b) C maila edo taldekoa izatea.

c) Nafarroako Foruzaingoko kabo lanpostu baterako izendatua izatea.

Behin-behinekoz atxikitako funtzionarioak, egoera horretan dirauten bitartean, beharturik egonen dira deialdi honetan parte hartzera eta betetzen ahal diren lanpostu huts guztiak eskatzera. Horrela egin ezik, haietariko edozeini atxikitzen ahal zaizkio nahitaez.

Nafarroako Foruzaingoko antolaketa unitate bateko bitarte baterako buru, bitarte baterako inspektoreorde edo bietarako izendatu diren funtzionarioek beren oinarrizko lanpostutik hartzen ahal dute parte deialdi honetan.

Zerbitzu berezietan, eszedentzia berezian edo lanpostu erreserbarik gabeko borondatezko eszedentzian edo nahitaezko eszedentzian dauden funtzionarioek zilegi dute deialdian parte hartzea, baldin eta deialdiak eskatzen dituen baldintzak betetzen badituzte; horrela, berriz sartuko dira jarduneko zerbitzuan eta lanpostu bat behin betiko esleituko zaie.

Deialdi honetan parte hartzeak ez du ekarriko parte hartu aurretik lehiatzaileek zuten araubide juridikoa aldatzea.

4.–Ordainsariak.

Lekuz aldatzen diren langileek gaur egungo xedapenek esleitzen dizkieten ordainsariak jasoko dituzte.

5.–Eskabideak eta eskaerak: aurkezteko epea eta tokia.

Eskaerak aurkezteko epea hamabost egun naturalekoa izanen da, deialdia Nafarroako Aldizkari Ofizialean argitaratu eta biharamunetik hasita.

Epe hori luzaezina da.

Deialdietan parte hartzeko eskabideak Nafarroako Gobernuko Erregistro Orokorrean aurkeztu beharko dira (Karlos III.aren etorbidea, 2, atalondoa, 31002 Iruña), foruzain etxeetako erregistroetan edo Nafarroako Gobernuko Erregistroaren beste edozein bulegotan (horien zerrenda 2015eko 57. eta 103. Nafarroako Aldizkari Ofizialetan argitaratu zen, martxoaren 25ekoan eta maiatzaren 29koan), edo, bestela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako bideren bat erabiliz.

Eskaera posta bulego batean aurkeztuz gero, gutun-azal ireki batean aurkeztuko da, postako langileek data eta zigilua jar diezaioten eskabideari, ziurtatu aurretik.

Halaber, ekainaren 23ko 70/2008 Foru Dekretuan xedatutakoarekin bat, eskabidea telematika bidez aurkezten ahalko da, Nafarroako Foru Komunitateko Administrazioaren Erregistro Orokor Elektronikoan. Erregistro hori Nafarroako Gobernuaren Interneteko web atarian dago (www.navarra.es). Kasu horretan, parte hartzeko eskabide berariazkoarekin batera aurkeztu beharreko agiriak eransteko, Erregistro Orokor Elektronikoan artxiboak eransteko aurreikusita dauden formatuetatik edozein erabil daiteke.

Eskabideak eta eskaerak deialdian argitaratutako ereduei (I. eta II. eranskinak) lotuko zaizkie. Ereduak Barne Zuzendaritza Nagusiko Giza Baliabideen Atalean (Iruñeko Karlos III.aren etorbideko 2an) eskuratzen ahal dira edo internet bidez, deialdia argitaratu zen Nafarroako Aldizkari Ofizialean, eta haietan lehiatzaileek adierazi beharko dute eskatzen diren baldintza guztiak betetzen dituztela eskabideak aurkezteko epearen azken egunean.

Lehiaketa berariazkoaren bidez beteko diren unitateetako destinoak eskatzen dituzten izangaiek merezimenduak baloratzeko egoki iruditzen zaizkien agiri guztiak aurkeztu beharko dituzte eskaerak aurkezteko epearen barrenean, salbu eta egindako zerbitzuei buruzkoak, izan ere, agiri horiek Giza Baliabideen Atalak eskatuko dizkio Funtzio Publikoko Zuzendaritza Nagusiari.

Eskaeran, aukeraturiko lanpostuak eta lehentasun hurrenkera zehaztuko dira. Hurrenkera zenbakien bidez adieraziko da: 1 lehentasun handienekoa izanen da, eta horrela, 1etik aurrerako hurrenkeran, lehentasun txikiagoa duten gainerako lanpostuak adieraziko dira. Izangaiak lehenesten dituen lanpostuak besterik ez ditu adieraziko.

6.–Merezimenduen balorazioa, proba fisikoak, proba teoriko-praktikoa eta proba psikoteknikoak, lehiaketa berariazkoaren bidez beteko diren lanpostuetarako.

a) Merezimenduen balorazioa:

Interesdunek aurkezten dituzten merezimenduak III. eranskinean ezarritakoari jarraikiz baloratuko dira, eta haien gehieneko balorazioa 35 puntukoa izanen da.

b) Proba fisikoak:

Agintariak Babesteko Taldean, Sostengu eta Kontrazaintza Taldean eta 1., 2., 3. eta 4. Esku-hartze Taldeetan destinoa eskatzen dutenek IV. eranskinean azaltzen diren proba fisikoak egin beharko dituzte. Proba horien gutxieneko balorazioa 0 puntukoa izanen da, eta gehienekoa, 20 puntukoa.

Destinoa Esku-Hartze Berezietarako Taldean eskatzen dutenek IV. eranskinean azaltzen diren proba fisikoak egin beharko dituzte. Proba horien gutxieneko balorazioa 0 puntukoa izanen da, eta gehienekoa, 25 puntukoa.

c) Proba teoriko-praktikoa:

Test motako proba bat egin beharko da, eta erantzuteko hiru aukera eskainiko dira. Ongi erantzuten den galdera bakoitzari emanen zaion puntuazioa ateratzeko, eragiketa hau eginen da: proba honetarako finkatutako gehieneko puntuazioa zati epaimahaiak egiten dituen galderen kopurua. Oker erantzuten den galdera bakoitzagatik puntuak kenduko dira, hain zuzen, ongi erantzuten den galdera bakoitzari ematen zaizkion puntuen erdiak.

Agintariak Babesteko Taldea, Sostengu eta Kontrazaintza Taldea eta 1., 2., 3. eta 4. Esku-hartze Taldeak aukeratzen dituztenen kasuan, proba hau 0 puntutik 30era bitarte baloratuko da.

Esku-hartze Berezietarako Taldea aukeratzen dutenen kasuan, proba hau 0 puntutik 25era bitarte baloratuko da.

Lehiaketa berariazkoaren bidez beteko diren gainerako destinoetako lanpostuen kasuan, proba hau 0 puntutik 50era bitarte baloratuko da.

Gaiei buruzko gai zerrendak eta/edo bibliografia interesdunen eskura jarriko dira Nafarroako Foruzaingoko Foruzainen Atarian.

d) Proba psikoteknikoak:

Proba psikoteknikoetan 0 eta 20 puntu bitarte emanen dira.

Proba psikoteknikoak Nafarroako Administrazio Publikoaren Institutuko Psikologia Aplikatuaren Atalak eginen ditu, edo atal horrek izendatzen dituen profesionalek. Atal horrek ematen duen balorazioa lotzailea izanen da deialdiko epaimahaiarentzat.

Barne Zuzendaritza Nagusiak onetsiko ditu destino bakoitzerako behar diren eskakizunak.

e) Arau amankomunak:

Probak ez dira baztertzaileak izanen: kalifikazioa emateko baizik ez dira hartuko.

Proba fisiko guztiak eta/edo proba teoriko-praktikoa edo/eta proba psikoteknikoa egiten ez dituzten izangaiek, deialdi honetan eskatzen diren kasuetan betiere, ez dute eskatutako unitateetako lanposturik eskuratuko lehiaketa berariazkoaren bidez.

7.–Deialdi honen xedeko lanpostuen destinoko antolaketa unitateen aldaketa.

Organo eskudunek deialdi honen xedeko lanpostu hutsak atxikitzeko antolaketa unitateak aldatzen badituzte, aldaketa Nafarroako Aldizkari Ofizialean argitaratuko da, eta, 5. oinarrian xedaturikoarekin bat, eskabideak aurkezteko beste epe bat emanen da.

8.–Onartuen behin-behineko zerrenda, erreklamazioak eta behin betiko zerrenda.

Eskaerak aurkezteko epea amaiturik, Barneko zuzendari nagusiak onartu eta baztertuen behin-behineko zerrenda onetsiko du eta Foruzaingoak Iruñean duen bulego nagusiko iragarki oholean argitara dadila aginduko du, ohartaraziz hurrengo hamar egun naturaleko epean baztertuek erreklamazioak egin ditzaketela eta, akatsik baldin badago, haiek zuzentzen ahal dituztela. Epe horretan izangaiek eskatu dituzten lanpostuei uko egiten ahal diete, baldin eta Barne Zuzendaritza Nagusiko Giza Baliabideen Ataleko buruari igorritako izkribu batean hala adierazten badute. Izkribu hori 5. oinarriko lehen lerroaldean xedatutakoarekin bat aurkeztuko da.

Erreklamazioak aurkezteko oinarri honetan aipatzen den epea bukatu ondoren, ez da uko egiteko eskaerarik onartuko.

Erreklamazioak aurkezteko epea igaro ondoren eta haien gaineko ebazpenak emanik, Barneko zuzendari nagusiak onartu eta baztertuen behin betiko zerrenda onetsi eta Foruzaingoak Iruñean duen bulego nagusiko iragarki oholean argitaratzeko agindua emanen du.

Ezarritako epean eskaerarik aurkezten ez bada, Barneko zuzendari nagusiak lehiaketa bete gabe utzi dela deklaratzeko ebazpena emanen du. Ebazpen hori Nafarroako Aldizkari Ofizialean argitaratu beharko da.

9.–Lehiaketa berariazkoaren bidezko lanpostuen esleipena.

Merezimenduen balorazioaren eta proba fisikoen emaitzak eta, halakorik bada, proba teoriko-praktikoan eta proba psikoteknikoetan ateratzen dena batuta puntuaziorik altuena lortzen duen izangaiari esleituko zaio lanpostua.

Izangaien azken puntuazioan puntu-berdinketa gertatzen bada, irizpide hauek erabiliko dira berdinketa hausteko:

a) Proba teoriko-praktikoetan lortutako puntuaziorik hoberena.

b) Proba psikoteknikoan lortutako puntuaziorik hoberena.

c) Antzinatasunik handiena kabo-enpleguan.

d) Kabo-enpleguan sartzeko deialdian lortutako izangai-ordena.

Izangai bakar bat ere aurkezten ez bada proba fisikoak egitera eta, hala badagokio, proba teoriko-praktikoa eta/edo proba psikoteknikoak egitera, lanpostuak hutsik geldituko dira.

10.–Lehiaketa bidezko lanpostuen esleipena.

Lehiaketa bidez bete beharreko lanpostuak, aurrena, hurrengo lerroaldean xedaturikoaren arabera lehentasuna dutenei esleituko zaizkie, eta gero, Nafarroako Foruzaingoaren maila-zerrendaren barrenean duten tokiaren arabera.

Lanpostuak lehiaketa bidez betetzeko lehentasunezko eskubideak erabiltzeko, Nafarroako Foruzaingoko lanpostuak betetzeko Erregelamendua onesten duen martxoaren 25eko 57/2002 Foru Dekretuaren 17. artikuluan ezarritakoari jarraituko zaio.

Foruzaingoko buruak deialdi honetan parte hartzea eskatu duten funtzionarioen maila-zerrenda igorriko dio epaimahaiari, maiatzaren 25eko 57/2002 Foru Dekretuaren 18. artikuluan aipatzen diren datuak adierazita. Datu horiek eguneratuak egon beharko dute; zehazki, epaimahaia lehiaketa honen xedeko lanpostuak esleitzeko biltzen den egunekoak izanen dira.

11.–Esleipen itzuliak.

Deialdiaren xedeko lanpostuak eta lehiaketaren ondoriozkoak esleitzeko, izangaiekin behar adina itzuli oso eginen dira, eskaeretan destinoa aukeratzeko adierazitako lehentasun hurrenkeraren arabera.

12.–Epaimahaiko kideak.

Honako hauek osatuko dute lehiaketako epaimahaia:

–Epaimahaiburua: Juan José Salaberri Galbete jauna, komisario nagusia, Trafikoaren eta Bide Segurtasunaren Arloko burua.

Ordezkoa: Gerardo Goñi Ilundain jauna, komisario nagusia, Barne Segurtasunaren eta Polizia Administratiboaren Arloko burua.

–Epaimahaikideak: Jesús María Cruz Martínez jauna, inspektorea, Agintariak Babesteko Brigadako burua.

Ordezkoa: Ricardo Aldave Monreal jauna, inspektoreordea, 5. Ekintza Taldeko burua.

José Antonio Gurrea Martínez jauna, komisarioa, Bide Segurtasuneko Dibisioko burua.

Ordezkoa: Francisco Javier Alduncin Zabaleta jauna, bitarteko inspektorea, Atestatu Brigadako burua.

Nafarroako Foru Komunitateko Administrazioko Langileen Batzordeak izendatu beharreko mahaikide bat.

Nafarroako Foru Komunitateko Administrazioko Langileen Batzordeak izendatu beharreko ordezko mahaikide bat.

Idazkaria: José María Canales Arana jauna, Barne Zuzendaritza Nagusiko Giza Baliabideen Ataleko burua.

Ordezkoa: Francisco Javier Iglesias Álvarez jauna, Barne Zuzendaritza Nagusiko Administrazio Publikoko teknikaria (arlo juridikoa).

Onartu eta baztertuen behin betiko zerrenda argitaratu eta ondoko bost egunean osatu beharko da epaimahaia.

Administrazio prozeduraren arauetan parte ez hartzeko aipaturiko arrazoiren bat gertatzen denean, Epaimahaiko kideek parte hartzeari uko egin beharko diote, eta horren berri eman deialdia egin duen organoari. Izangaiek, halaber, zilegi dute mahaikideak errefusatzea, egoera horietako bat gertatzen denean.

Epaimahaia ezin izanen da eratu, ezta jardun ere, kideen gehiengoa behintzat, eta mahaiburua eta idazkaria, edo haien ordezkoak, halakorik bada, bertan ez badira.

Epaimahaiak gehiengoz ebatziko ditu deialdiaren oinarriak interpretatu eta aplikatzeko moduari buruz sor daitezkeen gorabehera guztiak.

Aholkulari adituek laguntzen ahalko diote epaimahaiari. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.

Epaimahaiaren ebazpenak lotzaileak izanen dira Administrazioarentzat. Hala ere, Administrazioak irregulartasunik atzemanez gero, prozesua berraztertzen ahal du. Kasu horretan, irregulartasunak ukituriko tramite guztiak berriz egin beharko dira.

13.–Lanpostuen behin-behineko eta behin betiko esleipena.

Bete beharreko lanpostuetarako, epaimahaiak behin-behinekoz esleitzeko proposamen bat prestatuko du, Foruzaingoak Iruñeko bulego nagusian duen iragarki oholean argitaratuko dena.

Lanpostuak behin-behinekoz esleitzeko proposamena argitaratu eta hiru eguneko epean, interesdunek bidezkotzat jotzen dituzten alegazioak aurkezten ahal dituzte haren aurka. Epe hori bukaturik, epaimahaiak ebatziko du aurkezturiko alegazioen gainean eta behin betiko proposamena igorriko dio deialdia egin duen organoari, azken ebazpena eman dezan.

Deialdia egin duen organoak behar diren esleipenak egin eta Nafarroako Aldizkari Ofizialean argitaratuko dira, honako hauek adieraziz: foruzainaren zenbakia, esleitutako lanpostua eta atxikitako antolaketa unitatea.

14.–Lanpostuaren jabetza hartzea.

Lanpostuak behin betiko atxikitzeko ebazpenean organo dei-egileak zehazten duen egunean jabetu beharko dute esleitutako lanpostuez lehiatzaileek.

Nafarroako Foruzaingoko antolaketa unitate batean bitarte baterako buru, bitarte baterako inspektoreorde edo bietarako izendatu diren funtzionarioei dagokienez, oinarrizko lanpostu bat esleitu eta horretaz jabetuz gero, bitarte baterako lanpostuak utziko dituzte.

15.–Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Barneko zuzendari nagusiari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren, haien oinarrien eta haiek aplikatzeko egintzen kontra, kalifikazio epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritzako, Funtzio Publikoko, Barneko eta Justiziako kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluei jarraikiz.

2. Ebazpen hau Nafarroako Aldizkari Ofizialean argitara dadila agintzea, behar diren ondorioak izan ditzan”.

Iruñean, 2016ko abenduaren 9an.–Barneko zuzendari nagusia, Agustín Gastaminza Oiz.

I. ERANSKINA

Deialdia, Nafarroako Foruzaingoko kaboen 17 lanpostu lehiaketa berariazkoaren bidez edo lehiaketa bidez betetzeko (PDFa)

III. ERANSKINA

Lehiaketa berariazkoaren bidez eskuratu beharreko
lanpostuetan aplikatuko den merezimendu baremoa

A) Egindako zerbitzuak: gehienez ere 15 puntu.

1. Nafarroako polizia kidegoetan, lanpostu finkoan egindako zerbitzuak: urte bakoitzeko 0,75 puntu.

2. Administrazio publiko baten bestelako segurtasun indar eta kidegoetan, lanpostu finkoan, egindako zerbitzuak: urte bakoitzeko 0,25 puntu.

3. Edozein administrazio publikotan polizia kidegoetakoak ez diren lanpostuetan egindako zerbitzuak: urte bakoitzeko 0,10 puntu.

Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaio.

Lanaldi partzialean egindako zerbitzuen kasuan, behar den zatia kenduko da.

Deialdia argitaratu ondoren egindako zerbitzuak ez dira baloratuko.

Funtzionarioa zerbitzu berezietan edo eszedentzia berezian egon bada, edo unitate organiko bateko buru edo zuzendari lanetan aritu, egoera horietan sartu aitzin zuen lanpostuan egindako zerbitzuak bezala kontatuko dira.

B) Prestakuntza eta hobekuntza ikastaroak, irakaskuntza eta ikerketa, esparru polizialarekin zerikusirik badute: gehienez ere 10 puntu.

Erakunde edo zentro publikoek eta unibertsitateek antolatutako prestakuntza ekintzetan parte hartzea: 0,01 puntu, ikastordu bakoitzeko.

Baloratu beharreko prestakuntza ekintzetan, ikastorduen zatikiak proportzionalki hainbanatuko dira.

Ikastorduen kopurua agertzen ez duten ziurtagiriei kreditu bateko (10 ordu) balorazioa emanen zaie.

Ikasturte akademiko bateko iraupena agertzen duten ziurtagiriei 12 kredituko balorazioa emanen zaie.

Erakunde antolatzaileari buruzko beharkizunak betetzen ez badituzte ere, Administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek Administrazio Publikoetako Etengabeko Prestakuntzarako Itunen barrenean antolatuak sartuko dira.

Alde horretatik, diharduen epaimahaiak baloratzen ahalko dituen ikastaroen katalogoa prestatuko da, zabalik utzirik katalogo horri prestakuntza ekintza gehiago gehitzeko aukera, deialdi bakoitzak xedatzen duenaren arabera.

C) Titulazio eta espezialitate akademikoak: gehienez ere 7,5 puntu.

–Lizentzia/Gradua: 3,50 puntu.

–Diplomatura: 2,50 puntu.

–Masterrak/Graduak: 1,80 puntu.

–LH II/Goi mailak teknikaria: puntu bat.

Merezimendu gisa alegatu eta baremoaren barrenean berariazko balorazioa duten titulu akademikoak lortzeko beharrezkoak diren titulu apalagoak ez dira baloratuko.

D) Esker-sariak eta beste merezimendu batzuk: gehienez ere 2,5 puntu.

1. Zerbitzu Goraipagarrien Plakagatik: 1,50 puntu.

2. Zerbitzu Goraipagarrien Dominagatik: 1,25 puntu.

3. Jendaurreko Esker Onagatik: 0,50 puntu.

4. Esker On pribatuagatik: 0,25 puntu.

E) Hizkuntzak jakiteagatik erantsi daitekeen puntuazioa: gehienez ere 17,10 puntu.

1. Frantsesez, ingelesez edo alemanez jakiteagatik, Europar Batasuneko hizkuntza ofizialak direnez:

Hizkuntzetarako Europako Erreferentzia Esparru Bateratuko maila bakoitzeko eman beharreko puntuazioak honako hauek dira: A1: 0,40 puntu, A2: 0,80 puntu, B1: 1,20 puntu, B2: 1,60 puntu, eta C1: 2 puntu; edo titulu baliokideak.

2. Euskaraz jakiteagatiko puntuazio osagarria irizpide hauen arabera gehituko da:

A) Destinoa euskal eremuan duten lanpostuak: gehienez ere 11,10 puntu.

EGA titulua izanez gero, edo beste titulu ofizial bat, Hizkuntzetarako Europako Erreferentzia Esparru Bateratuaren C1 mailaren baliokidea, 11,10 puntuko balorazioa jasoko da.

Titulu hori izan ezean, Hizkuntzetarako Europako Erreferentzia Esparru Bateratuaren A1 maila izanez gero, 2,22 puntu jasoko dira, A2 maila izanez gero 4,44, B1 izanez gero 6,66, eta B2 izanez gero 8,88. Titulu baliokideek balorazio bera izanen dute. Bestela, Nafarroako Gobernuak antolatutako ikastaroetan gainditutako urrats bakoitza 0,92 punturekin baloratuko da.

B) Destinoa eremu mistoan duten lanpostuak: gehienez ere 6,66 puntu.

EGA titulua izanez gero, edo beste titulu ofizial bat, Hizkuntzetarako Europako Erreferentzia Esparru Bateratuaren C1 mailaren baliokidea, 6,66 puntuko balorazioa jasoko da.

Titulu hori izan ezean, Hizkuntzetarako Europako Erreferentzia Esparru Bateratuaren A1 maila izanez gero, 1,33 puntu jasoko dira, A2 maila izanez gero 2,66, B1 izanez gero 3,99, eta B2 izanez gero 5,32. Titulu baliokideek balorazio bera izanen dute. Bestela, Nafarroako Gobernuak antolatutako ikastaroetan gainditutako urrats bakoitza 0,55 punturekin baloratuko da.

IV. ERANSKINA

Proba fisikoak

Agintariak Babesteko Taldea, Sostengu eta Kontrazaintza
Taldea eta 1., 2., 3. eta 4. Esku-hartze Taldeak

A) Erresistentzia-proba (Course Navetteren testa).

Gauzatzeko modua: izangaiek 20 metroko luzera duen joan-etorriko ibilbide bat egin behar dute zinta magnetofoniko batek emandako seinale akustikoen bidez markatutako erritmoari jarraikiz, ahalik eta joan-etorri gehien eginez. Izangaiek, seinalea entzutearekin batera, ibilbidearen bi muturrak seinalatzen dituzten marrak zapaldu beharko dituzte, lehenik bat eta gero bestea. Hortaz, izangai guztiek erritmo berean egin beharko dute lasterketa, eta ez da onartuko inork lasterketaren erritmoa gainditzea. Buelta emanen da oin baten gainean bermatuz eta marra zapalduz. Zintak soinua emanen du tarte erregularren arabera. Probaren hasieran abiadura motela izanen da, baina gero eta azkarrago eginen da. Proba hau egiteko saio bakarra izanen dute izangaiek.

Testaren helburua da zinta magnetofonikoak markatutako erritmoari jarraitzea eskatutako tarteak bete arte. Izangai bakoitzaren proba bukatuta, ordura arte lortutako tarteak kontatutako dira.

Hona hemen izangaiak kanporatzeko arrazoiak:

–Izangaia gelditzea.

–Izangaia bere kaletik ateratzea.

–Izangaiak ibilbide oso bat bukatzeko dagoen muturreko marra ez zapaltzea.

–Izangaiak hiru aldiz jarraian ez iristea muturreko marra zapaltzera seinale akustikoak agintzen dionean. Marratik metro bateko tartera egotea onartuko da, seinaleak jotzen duen unean. Baina horretarako, seinalea entzuten denean segurtasun eremuaren barrenean egon beharko du.

–Izangaia marjinaren barrenean ez egotea seinalea entzuten denean, behin bakarrik.

Bankuko press-a, edo pisua jasotzeko proba, 36 Kg gizasemeentzat eta 18 Kg emakumezkoentzat.

Deskribapena: banku batean, ahoz gorako etzaneran, izangaiak 15 aldiz altxatu beharko du pisu bat minutu batean: 36 kg gizonek, eta 18 kg emakumeek. Bi eskuekin goratuko du pisua, eta barra hartuko du sorbalden zabalera baino pixka bat zabalago (barrari ahurraz heldu eta behatzak itxirik). Ariketa honela eginen da: hasieran barrak bularra ukitzen du, ukondoak flexionaturik, eta gero ukondoak erabat luzatzen dira bertikalean jarri arte. Proba hau egiteko saio bakarra izanen dute izangaiek.

Ariketa hau egiteko 60 segundo emanen dira gehienez. Izangaiak deialdian ezarritako moduan bukatzen ahal du ariketa, eta ordurarte egiazki egindako altxaldi baliodunen kopurua kontatuko da puntuaziorako.

Ariketaren hasieran ukondoak flexionatuak egonen dira eta barrak bularra ukituko du.

Oinak lehenbiziko goratzean nola dauden, horrela mantenduko dira ariketa osoan, aldatu gabe.

Ukondoak erabat luzatu ezean edo ukondoen flexio bakoitzean barrarekin bularra ukitu ezean, jasoaldia baliogabetuko da, eta, beraz, ez da kontatuko.

Kasu hauetan, ariketa bukatutzat emanen da:

–Izangaiak ukondoak flexionaturik dituela, ariketa gelditzen badu barra bularrean bermatuz.

Proba fisikoak

Gizonezkoak eta emakumezkoak Esku-hartze Berezietarako Taldea

Erresistentzia aerobikoa: (3000 metro oztoporik gabe. Taula honen arabera baloratuko da).

Abiadura: (50 metro. Taula honen arabera baloratuko da).

Goi-atalaren indarra: (Dominadak: barrari eskuekin eutsita, esku-ahurrak aurrera begira, besoen erabateko estentsioa egitea eta kokotsa barraren gainetik eramatea. Bi saio. Taula honen arabera baloratuko da).

Flexioak lurrean, oinak banku suitzar batean goratuak. Zenbat errepikapen egiten diren minutu batean gehienez. Besoen estentsio osoa egin beharko da. Errepikapen zuzen gisa kontatzeko, izangaiak plexu solarrarekin ukitu beharko du zoruan jarriko zaion marka, eta gero hasierako jarrerara itzuli. Proba egin bitartean, atsedenaldi bat edo bi egiten ahalko ditu, besoak luzatuta eta flexio-jarreran. Bi saio egiten ahalko ditu. Taula honen arabera baloratuko da.

Behe-atalaren potentzia: Luzerako jauzia, oinak elkartuta. Bi saio egiten ahalko ditu. Taula honen arabera baloratuko da.

V. ERANSKINA

Gai zerrendak

Gaiei buruzko gai zerrendak eta/edo bibliografia interesdunen eskura jarriko dira Nafarroako Foruzaingoko Foruzainen Atarian.

Barne Araubideko Brigada.

1. gaia.–Nafarroako Polizia Kidegoetako kideen jarduketaren oinarrizko printzipioak (Nafarroako Poliziei buruzko martxoaren 23ko 8/2007 Foru Legearen 4. artikulua). Nafarroako Polizia Kidegoen antolaketaren oinarrizko printzipioak. (Nafarroako Poliziei buruzko martxoaren 23ko 8/2007 Foru Legearen 5. artikulua). Herritarrekiko harremanak (Nafarroako Poliziei buruzko martxoaren 23ko 8/2007 Foru Legearen 5.bis artikulua).

2. gaia.–Aintzatespenak, ohoreak eta eskersariak (Nafarroako Poliziei buruzko martxoaren 23ko 8/2007 Foru Legearen 54. artikulua eta Nafarroako Polizia Kidegoetako Langileen Erregelamenduaren 89. artikulutik 94.era bitartekoak). Diziplina araubidea (Nafarroako Poliziei buruzko martxoaren 23ko 8/2007 Foru Legearen 57. artikulutik 67.era bitarte).

3. gaia.–Polizia judiziala (Prozedura Kriminalaren Legearen III. titulua).

4. gaia.–Administrazio Publikoaren kontrako delituak (Zigor Kodearen I. liburuko XIX. titulua).

5. gaia.–Foruzaingoaren funtzionamendu araubidea (irailaren 21eko 72/2016 Foru Dekretuaren 27. artikulutik 35.era bitarte).

6. gaia.–79/2016 Foru Dekretua, II. kapitulua: Lanaldia eta ordutegia. Foruzaingoko buruaren 2016-004 Jarraibidea, Foruzaingoaren lanaldi eta ordainsarien erregelamendua onesten duen 79/2016 Foru Dekretuaren aplikazioari buruzkoa.

7. gaia.–Nafarroako Polizia Kidegoetako kideen eskubide eta betebeharrak. Nafarroako Poliziei buruzko martxoaren 23ko 8/2007 Foru Legea: 49. artikulua.

Prestakuntza Taldea.

1. gaia.–2/1986 Lege Organikoa, martxoaren 13koa, Segurtasun Indar eta Kidegoei buruzkoa. II. kapitulua: Esku hartzeko oinarrizko printzipioak. III. kapitulua: Estatutupeko xedapen amankomunak (6. artikulua).

2. gaia.–8/2007 Foru Legea, martxoaren 23koa, Nafarroako Poliziei buruzkoa: Nafarroako polizia kidegoetako kideen jarduketarako oinarrizko printzipioak (4. artikulua). Nafarroako polizia kidegoetako funtzionarioak (IV. titulua, III. kapitulua): Hautapena (1. sekzioa). Nafarroako polizia kidegoetako funtzionario izaera eskuratzea eta galtzea (2. sekzioa). Prestakuntza (4. sekzioa).

3. gaia.–113/2005 Foru Dekretua, irailaren 12koa, Nafarroako Segurtasun eta Larrialdi Eskolaren antolamendu eta funtzionamendurako Erregelamendua onesten duena: IV. kapitulua: Nafarroako Segurtasun eta Larrialdi Eskolako langileak. V. kapitulua: Prestakuntza. 1. sekzioa: Definizioa eta plangintza. 2. sekzioa: Ikastaroen antolamendua. 3. sekzioa: Ikastaroen organoak. 4. sekzioa: Ikastaroen garapena eta ebaluazioa. VI. kapitulua. Ikasleen araubidea.

4. gaia.–Nafarroako Segurtasun eta Larrialdi Eskolaren zerbitzuen gutuna.

Garapen Teknologikoaren eta Kalitatearen Brigada.

1. gaia.–1720/2007 Errege Dekretua, abenduaren 21ekoa, Datu Pertsonalak Babesteari buruzko abenduaren 13ko 15/1999 Lege Organikoa garatzeko Erregelamendua onesten duena: 2., 4., 8., 10., 20. artikuluak, 22.etik 36.era bitartekoak, 52.etik 54.era bitartekoak eta 79.etik 114.era bitartekoak.

2. gaia.–Euskarri lanak, operazioa eta monitorizazioa (Erabiltzaileari Laguntzeko Zentroa, lehen maila):

Mahaigainerako sistema eragileak: Windows XP profesional, Windows Vista eta Windows7.

Ofimatika paketeak: Office XP profesional, Office 2003/2007 profesional eta gerokoak. OpenOffice.

Helbide elektronikoko programak: Internet mail, Outlook 2003/2007 eta gerokoak.

Interneteko nabigatzaileak: Internet Explorer, 6.0, 7.0 eta 8.0 bertsioak. Firefox 3.5 eta gerokoak.

Urruneko administrazioa Dameware bitartez.

Estazioak zifratzeko sotwarea: McAfee Endpoint Encryption.

Antimalware softwarea: Panda Antivirus, McAfee.

Lanpostuen birtualizaziorako sofwarea. Vmware desktop eta VirtualPC.

3. gaia.–Foruzaingoak eskura dituen informazio sistemak:

Shengen informazio sistema-Zitazioen datu base nazionala (SIS-BDSN).

Hatz-markak Identifikatzeko Sistema Automatikoa (SAID).

Konpentsazio Zentroa (CdC).

Desagertutako pertsonei eta identifikatu gabeko giza gorpu eta gorpuzkiei buruzko informazio sistema (PD eta RH).

Hotelen datu basea. Osoko segimendurako sistema genero-indarkeria kasuetarako (VIOGEN-VdG).

Alerta goiztiarreko sistema (SAT-EWS).

Ibilgailuei eta haien jabeei buruzko informazioa eskuratzeko bidea (EUCARIS).

Trafikoko Zuzendaritza Nagusiaren informazio sistemak: Kanpoko erabiltzaileen sarbide telematikoa (ATEX). Trafiko istripuak: Informazioaren bilketa eta analisia (ARENA).

SIRENE aplikazioa. Nazioarteko polizia-elkarlanerako komunikazioen modulua. Krimen antolatuaren kontrako Inteligentzia Zentroko Ikerketen Koordinazio Sistema (SRI-CICO). Polizia sarea. DNAren datu base nazionala (CODIS).

Segurtasun Pribatuaren eta Sistemen Taldea.

1. gaia.–15/1999 Lege Organikoa, abenduaren 13koa, Datu Pertsonalak Babesteari buruzkoa. I. titulua: Xedapen orokorrak. II. titulua: Datuen babesaren printzipioak. III. titulua: Pertsonen eskubideak. IV. titulua, I. kapitulua: Sektoreko xedapenak. Titulartasun publikoko fitxategiak.

2. gaia.–4/1997 Lege Organikoa, abuztuaren 4koa, Segurtasun indarrek eta kidegoek leku publikoetan bideokamerak erabiltzeari buruzkoa.

3. gaia.–5/2014 Legea, apirilaren 4koa, Segurtasun Pribatuari buruzkoa. Atariko titulua, I. kapitulua: Xedapen orokorrak. III. titulua: Segurtasun pribatuaren langileak. I. kapitulua. Xedapen orokorrak. II. kapitulua. Segurtasun pribatuaren eginkizunak. IV. titulua. Segurtasun zerbitzu eta neurriak. I. kapitulua. Xedapen orokorrak. II. kapitulua. Segurtasun pribatuko enpresen zerbitzuak. IV. kapitulua. Segurtasun pribatuko neurriak.

4. gaia.–INT/316/2011 Agindua, otsailaren 1ekoa, segurtasun pribatuaren arloko alarma sistemen funtzionamenduari buruzkoa.

5. gaia.–1/2006 Jarraibidea, 2006ko azaroaren 8koa, Datuak Babesteko Espainiako Agentziarena, norberaren datuen tratamenduari buruzkoa, kamera edo bideokamera sistemen bidez zaintzeko asmoz egiten denean.

6. gaia.–Lan prozesu normalizatuak. 1) PNT 2010-004, 20154ko ekainaren 18an aldatua, telebista-zirkuitu itxietako irudiak eskatzeari buruzkoa. 2) PNT 2015-001, hurbilpen-txartelen aktibazioa eta sarbide mailak.

Ingurumen Ikerketaren Taldea.

1. gaia.–Jarduketarako eskuliburuak: Txakurren identifikazioa (MBPM2016-001). Zaldi-aziendaren identifikazioa (MBPM2016-003). Behi-aziendaren identifikazioa (MBPM2016-004). Ardi-aziendaren identifikazioa (MBPM2016-005). Animalien garraioa (MBPM2016-007).Txakurren beste identifikazio batzuk (MBPM2016-008). Osasun publikoa (MBPM2016-009). Fitosanitarioak (MBPM2016-010). Ximaurtegiak eta naturguneak babesteko eremuak (MBPM2016-013). Suteak (MBPM2016-016). Suaren erabilera (MBPM2016-017). Ehiza (MBPM2016-018). CITES hitzarmena eta Erregelamendua (MBPM2016-019). Suteen gaineko ikerketak. Barne protokoloa (MBPM2016-020): 1. puntutik 5.era, biak barne. Animalien babesa (MBPM2016-021).

2. gaia.–Lan prozedura normalizatuak (PNTak): PNT 2009-010; animalien kontrolerako taldearen mobilizazioa. PNT 2012-007, poliziaren esku-hartzea animaliak tartean direnean. Deialdia argitaratzen den egunerako, foruzainen atarian argitaratzen diren gainerako PNTak.

3. gaia.–10/1995 Foru Organikoa, azaroaren 23koa, Zigor Kodearena: XVI. titulua. Lurraldearen antolamenduari eta hirigintzari, ondare historikoaren babesari eta ingurumenari lotutako delituak. XVII. titulua. II. kapitulua: Segurtasun kolektiboaren kontrako delituak. Suteak.

Bide Hezkuntzako Taldea.

Gai bakarra: Bide Hezkuntzako Oinarrizko Eskuliburua (GPS argitaletxea, Formación FSC-CCOO bildumarako, zenbait egile, ISBN 978-84-9721-407-0).

Atestatu Brigada eta Tuterako Atestatu Taldea.

Gai bakarra.–Trafiko istripuak ikertzea (Trafikoko Zuzendaritza Nagusiak argitaratutako eskuliburua. Zenbait egile: NIPO 129-91-014-X).

Ibilgailuetako Delinkuentziaren Taldea.

1. gaia.–Ibilgailuen identifikazioa: ibilgailu motak. Ibilgailu bat identifikatzeko elementuak. Identifikazioetan jarduteko jarraibideak. Faltsutze egoera ohikoenak.

2. gaia.–Gidarien identifikazioa: gida-baimen nazionalak eta nazioartekoak. Gidatzeko baimen edo lizentzia baten aurrean jarduteko jarraibideak. Faltsutze egoera ohikoenak.

3. gaia.–Ibilgailuen legez kontrako trafikoa: ibilgailuaren txasis-zenbakia. Segurtasun uhalak. Leihoetako kristalak. Plakak. Ibilgailuko giltzak. Dokumentazioa.

4. gaia.–Eginbide judizialen instrukzioa. Atestatua. Polizia judiziala.

Agintariak Babesteko Brigadako Sostengu eta Kontrazaintza Taldea eta Agintariak Babesteko Taldea.

1. gaia.–Babesa. Babes sistema baten eginkizunak. Segurtasun zerbitzu baten plangintza.

2. gaia.–Etengabeko Segurtasunaren Plana: babes estatikoa. Babes dinamikoa. Kontrazaintza Taldea. Larrialdietarako plana.

3. gaia.–Aldi baterako mugimenduen plana: aurrelari taldeak. Errekisak. Babesa mugimenduan.

4. gaia.–Mehatxuei buruzko informazioaren erregistrorako datu-orriak.

Txakurren Gidarien Taldea.

1.–Txakurraren historia eta bilakaera. Historian izan diren txakur sailkapenak. Arrazoen sailkapena Federation Cynologiquen Internationales-FCIren arabera. Endogamia. Foruzaingoak usuenik erabiltzen dituen arrazak.

2.–Txakurren zentzumenak eta gizakiekin dituzten desberdintasunak.

Esku-hartze Berezietarako Taldea.

1. gaia.–Prozedura Kriminalaren Legea (545., 550., 551., 553., 554., 557., 567., 568. eta 795.1.1. artikuluak). 2/1986 Lege Organikoa, martxoaren 13koa, segurtasun indar eta kidegoei buruzkoa (5. art.). 4/2015 Lege Organikoa, martxoaren 30ekoa, herritarren segurtasuna babesteari buruzkoa. Segurtasunerako Estatu Burutzak emandako 12/2007 Jarraibidea. 1983ko apirilaren 14ko Jarraibidea, su-armen erabilerari buruzkoa.

2. gaia.–137/1993 Errege Dekretua, urtarrilaren 29koa, Armen Erregelamendua onesten duena (1.4 artikulua eta 2.etik 6.era bitartekoak). 173/2016 Foru Agindua, urriaren 11koa (2. eta 3. artikuluak). PNT 02-2012, higiezinetan sartzeko zerbitzua eskatzea. Etxeetan sartu eta erregistroak egitean jarduteko eskuliburua (MD 2013-015). Tiratzaile hautatuentzako aginduen eskuliburua (MDG 2014-000).PNT01-2013. AMOK prozedura. PNT. Lapurretak. PNT01/2009 Nola jokatu lehergailuekin. Ekintza azpitaldearen eskuliburua MDI 2012-01). Ekintza taldearen eskuliburua (D.I 2013-07). Posizioen eta seinaleen eskuliburua (D.I 2013-08). D.I 2013-09 Eskuliburua. Aginduak eta ahotsak.

3. gaia.–Hesien eta kateen gaineko eskuliburua (D.I 2013-10). Arma luzeen manipulazioari buruzko eskuliburua (D.I 2012-01). Glock armen eskuliburua (D.I 2013-13). Ordena publikoko materiala zigilatzeko eskuliburua (D.I 2012-02).

4. gaia.–Higiezinak husteko eskuliburua (D.I 2013-16). Pertsona oldarkorrekin jokatzeko eskuliburua (D.I 2013-19). Ordena publikoko zerbitzuetan atzera eragiteko baliabideak erabiltzeari buruzko eskuliburua (D.I 2013-21).

5. gaia.–Su armak erabiltzeko segurtasun arauak. Begi menderatzailea: nola identifikatu. Menderakuntza gurutzatuaren kontzeptua. Babes balistikoaren mailak, NIJ 01.01.06 araudiaren arabera. II., III.A, III. eta IV. mailak. Balistika. Kartutxoaren zatiak; FMJren, JSPren eta hedapen kontrolatuko jaurtigaiaren artean. Grains neurria eta haren ekibalentzia gramotan. Aldi baterako kabitazioa, kabitazio iraunkorra, barneratzea eta zulaketa. Soken eta eskaladaren gaineko oinarrizko ezaupideak.

Esku Hartzeko Dibisioko 1., 2., 3. eta 4. Esku-hartze Taldeak.

1. gaia.–4/2015 Lege Organikoa, martxoaren 30ekoa, Herritarren Segurtasuna Babesteari buruzkoa (V. kapitulua, 2. sekzioa, 35. artikulutik 37.era bitartekoak). Estatuko Segurtasunerako Idazkaritzaren 12/2007 Jarraibidea. 137/1993 Errege Dekretua, urtarrilaren 29koa, Armen Erregelamendua onesten duena (1.4 artikulua eta 2.etik 6.era bitartekoak).

2. gaia.–Arma luzeen manipulazioa (PNT 2012/001. Administrazio salaketak eta arma luzeen konfiskazioa (2012-005).

3. gaia.–72/2016 Foru Dekretua, irailaren 21ekoa, Nafarroako Foruzaingoaren Antolamenduaren eta Funtzionamenduaren Erregelamendua onesten duena. 173/2016 Foru Agindua, urriaren 11koa (2. eta 3. artikuluak).

4. gaia.–Identifikazioa esku hartzeko txalekoen bitartez (PNT 2015-001). Zigilu materiala. Zigilu materiala. Ordena publikoko ibilgailu errotulatuak (PNT 2012-002). Ekintza Azpitaldearen esku hartzeko eskuliburua (MDI 2013-2). Ekintza Taldearen esku hartzeko eskuliburua (MDI 2013-003). Esku hartzearen gaineko irizpideak (MDI 2014-10).

5. gaia.–HK UMP metrailetaren eskuliburua (MDI3013-005). Ekintza Taldearen eskuliburua (MDI 2013-007). Posizio eta seinale oinarrizkoen eskuliburua (MDI 2013-008). Hesien eta kateen gaineko eskuliburua (MDI 2013-010).

6. gaia.–Elkarretaratzeei eta manifestazioei buruzko araudia biltzen duen eskuliburua (MDI 2013-012). Kontrolak egiteko gailuei buruzko eskuliburua (MDI 2013-014). Higiezinak husteko kasuetan jarduteko eskuliburua (MDI 2013-016). Eraikin publikoak husteko kasuetan jarduteko eskuliburua (MDI 2013-019). Pertsona oldarkorrei buruzko eskuliburua (MDI 2013-019).

7. gaia.–Ordena publikoko baliabideen erabilera (MDI 2013-021). Ezgaiturik uzteko aerosolen eskuliburua (MDI 2014-001). B-T jaurtigailuen eskuliburua (MDI 2014-004). SIR 40X46 kartutxotegia (hilgarria ez dena) erabiltzeko eskuliburua (MDI 2014-005). Jaurtigailua nola erabili indarkeriazko beste eraso batzuetan (MDI 2014-006). Jaurtigailua-posizioak-ahotsak-betebeharrak eta esku hartzeko prozedura (MDI 2014-009). Gas-maskarak (MDI 2015-001).

Polizia Judizialaren Tuterako Taldea eta Polizia Judizialaren Iparraldeko Brigada.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

Osasunaren kontrako Delituen Taldea.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia.–Zigor Kodea eta osasunaren kontrako delituak.

Delitu Informatikoen Taldea.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia.–Delitu informatikoa. Informatika arloko arau-hauste penalak.

Delitu Ekonomikoen eta Ondarearen kontrako Delituen Brigada.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia.–Zigor Kodea eta ondarearen gaineko delituak.

Pertsonen kontrako Delituen Brigada.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia.–Zigor Kodea eta pertsonen kontrako delituak.

Laguntza Brigada.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia.–Zigor Kodea eta sexu-askatasunaren eta sexu-ukigabetasunaren kontrako delituak. Familia-harremanen kontrako delituak. Emakumeen kontrako indarkeria.

7. gaia.–Protokoloa genero-indarkeriaren arrisku mailaren polizia-balorazioa egiteko eta biktimen segurtasuna kudeatzeko.

Polizia Zientifikoaren Dibisioko Landa-lanetako Brigada Kriminalistikoa eta Laborategiko Brigada Kriminalistikoa.

1. gaia.–Kriminalistika. Lofoskopia. Arrasto lofoskopikoen errebelatua.

2. gaia.–Identifikazioa. Azterketa fisionomikoak eta antropologia forentsea.

3.–Ebidentziak. Ebidentzia biologikoak. Ebidentzia kimikoak.

4. gaia.–Delitu informatikoak.

5. gaia.–Dokumentoskopia eta grafistika.

6. gaia.–Oinetakoen eta pneumatikoen arrastoak.

7. gaia.–Armak. Beirak.

Ikerketa Taldea.

1. gaia.–Polizia Judiziala. Biktimentzako babesa eta informazioa. Atxiloketa eta eskubideen berri ematea. Atxiloturik ez dagoen ikertuari bere eskubideen berri ematea. Legelaria izendatzea. Familiari eta bulego kontsularrari jakinaraztea. Osasun azterketa. Habeas Corpus.

2. gaia.–Begi-ikuskapen teknikoa. Sarrera eta erregistroa. Informazio ugari biltzeko gailuen erregistroa eta tresna informatikoei buruzko urrutiko erregistroak. Erregistro pertsonalak.

3. gaia.–Argazki bidezko identifikazioa. Taldeko identifikazio saioa.

4. gaia.–Komunikazioak grabatzea, irudiak hartzea eta segimendurako eta lokalizaziorako gailuak erabiltzea. Telekomunikazioak entzutea.

5. gaia.–Atxilotuaren gauzak biltzea eta zaintza-katea. Txosten eginbidea. Lekukoen babesa. Atxiloketak egitea Prozedura Kriminalari buruzko Legearen 420. artikulua aplikatuz.

6. gaia .–Informazio zikloa. Analisi kriminalaren kontzeptua eta aplikazioak.

Iragarkiaren kodea: F1613928