2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MIRANDA ARGA
Aldaketa puntuala Arau Subsidiarioetan. Behin betiko onespena
Lurraldearen Antolamenduari eta Hirigintzari buruzko 35/2002 Foru Legearen 81.1 artikuluan xedatuaren arabera, aditzera ematen da Miranda Argako Udalak, 2016ko irailaren 20ko osoko bilkuran, erabaki zuela behin betiko onestea aldaketa puntuala Miranda Argako Planeamenduko Arau Subsidiarioetako antolamendu xehakatuko determinazioetan. Enrique Alfaro Ilzarbek sustatu du, “Abeltzaintza intentsiborako eraikinen ezaugarriak (haztegiak)” atala aldatzeari dagokionez, zerri-haztegitarako eraikinetan zenbait baldintza erantsiz.
Antolamendu xehakatuan behin betiko onetsitako aldaketaren arabera, Miranda Argako Planeamenduko Arau Subsidiarioetako “Abeltzaintza intentsiborako eraikinen ezaugarriak (haztegiak)” atala beheragoko eranskinean idatzi bezala gelditu da. Atal hori 2.–Hirigintzako Arauak dokumentuaren IV. Kapituluko (lurzoru urbanizaezineko hirigintza arauak) 4.3 artikuluan (jarduerak eta erabilerak arautzeko arauak), eta 4.3.2 artikuluan (eraikuntzako jarduerak eta erabilerak) ageri da.
Behin betikoz onesteko egintza honen kontra, bide administratiboari amaiera ematen baitio, errekurtso hauetakoren bat aurkez daiteke, hautara:
a) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabakia jakinarazten denetik hasita.
b) Berraztertzeko errekurtsoa, hautara, Miranda Argako Udalari zuzendua, erabakia jakinarazi eta hilabeteko epean, administrazioarekiko auzi-errekurtsoaren aitzinetik; bestela, zuzenean administrazioarekiko auzi-errekurtsoa, bi hilabeteko epean, erabakia jakinarazten denetik hasita.
Miranda Argan, 2016ko irailaren 23an.–Alkatea, Jesús Luis Andión Ripa.
ERANSKINA
Abeltzaintza intentsiborako eraikinen ezaugarriak (haztegiak) (PDFa).
Iragarkiaren kodea: L1610997
