1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
405/2016 EBAZPENA, irailaren 29koa, Hezkuntzako zuzendari nagusiak emana. Honen bidez, Hasier Morras Aranoa Nafarroako Gobernuko Euskararen Gaitasun Agiria (EGA) tituluaren batzorde ofizialeko buru izendatzen da, José Joaquín Martínez Estremaden ordez, eta Ricardo Erbiti Armendariz, berriz, Nafarroako Gobernuko Euskararen Gaitasun Agiria (EGA) tituluaren epaimahai ofizialeko buru, Carmen Huarte Carriónen ordez, 2016ko bigarren deialdirako.
Abenduaren 15eko 463/1998 Foru Aginduan ezartzen da Hezkuntza Departamentuak azterketaren lege esparrua zehaztuko duela eta probak beren gain hartuko dituzten organo eskudunak eratuko dituela.
Euskararen Gaitasun Agiria (EGA) tituluaren batzorde ofizialeko eta epaimahai ofizialeko kideak Hezkuntzako zuzendari nagusiak azaroaren 24an eman 158/2015 Ebazpenaren bidez izendatu dira, zeinek Nafarroako Gobernuko Euskararen Gaitasun Agiria (EGA) eskuratzeko azterketen 2016ko deialdiak onetsi baitzituen, eta azterketa egiteko eskubideengatik ordaindu beharreko tarifa ezarri.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,
EBATZI DUT:
1. Hasier Morras Aranoa Nafarroako Gobernuko Euskararen Gaitasun Agiria (EGA) tituluaren batzorde ofizialeko buru izendatzea, Jokin Martínez Estremaden ordez, eta, Ricardo Erbiti Armendariz, berriz, batzorde horretako idazkari, Carmen Huarte Carriónen ordez, 2016ko bigarren deialdirako.
2. Ricardo Erbiti Armendariz Nafarroako Gobernuko Euskararen Gaitasun Agiria (EGA) tituluaren epaimahai ofizialeko buru izendatzea, Carmen Huarte Carriónen ordez, 2016ko bigarren deialdirako.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen hau igortzea Hizkuntzen eta Arte Ikasketen Zerbitzuari, Euskara Atalari, EGAren Bulegoari, Euskararen Irakaskuntzarako Baliabide Zentroari, aipatutako batzordeko eta epaimahaiko kideei, Giza Baliabideen Zerbitzuari, Idazkaritza Tekniko Nagusiari eta interesdunei, behar diren ondorioak izan ditzan.
5. Ebazpen honen aurka gora jotzeko errekurtsoa paratzen ahal da, Hezkuntza Departamentuko kontseilariari zuzendua, ebazpen hau argitaratu eta biharamunetik hasita hilabeteko epean.
Iruñean, 2016ko irailaren 29an.–Hezkuntzako zuzendari nagusia, Roberto Pérez Elorza.
Iragarkiaren kodea: F1611259
