4. PROZEDURA JUDIZIALAK
LIZARRAKO LEHEN AUZIALDIKO ETA INSTRUKZIOKO
1. EPAITEGIA
Enkanterako deialdiaren ediktua. 55/2015 hipoteka-betearazpena
Sara Otero Del Amo andrea, Lizarrako Lehen Auzialdiko eta Instrukzioko 1. Epaitegiko idazkaria.
Alicia Fidalgo Zudaire prokuradore andreak eskaturik, Caja Rural de Navarra SC Limitada de Créditoren izenean eta hura ordezkatuz, 55/2015 hipoteka-betearazpenaren prozedura bideratu da, José Montavez Herreraren eta Francisca Pozas Rodríguezen aurka, eta erabaki da hurrengo ondasun hipotekatuaren enkanterako deialdia egitea:
–Hiri-finka.–Etxebizitza San Adrianen, Arenalen, Los Roncaleses kaleko 17an, 3. atarian, 2. solairuko ezkerrean. Guztira, 115,64 m²-ko azalera eraikia du, eta 90 m²-ko azalera erabilgarria.
Inskripzioa: Lizarrako 1. Jabetza Erregistroan dago inskribatua, 3.086. liburukia, 111. liburua, 173. orria, San Adriango 7.978. finka.
–Balorazioa, enkantearen ondorioetarako: 97.000 euro.
–Enkantea egiteko tokia, eguna eta ordua: 2015eko maiatzaren 14an, 11:00etan, Lizarrako Lehen Auzialdiko eta Instrukzioko 1. Epaitegian.
–Enkantearen gaineko informazioa eta baldintzak:
1. Erregistroko ziurtagiriak eta, hala badagokio, enkantean jartzen den ondasunaren titulazioa bulego judizial honetan daude ikusgai.
2. Ulertuko da lizitatzaile guztiek nahikotzat hartzen dutela dagoen titulazioa, edo titulurik ez egotea.
3. Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta, horrenbestez, enkantean parte-hartze hutsarekin lizitatzaileak haiek onartzen ditu, eta haien ondoriozko erantzukizunean subrogaturik gelditzen da, errematea bere alde esleituz gero.
4. Enkantean parte hartu nahi dutenek betebehar hauek izanen dituzte:
a) Nor diren behar bezala frogatzea.
b) Enkantearen baldintza orokorrak eta partikularrak ezagutzen dituztela aitortzea.
c) Organo honetako Gordailu eta Kontsignazioen Kontuan, hots, Banco Santanderren ES55 0049 3569 9200 0500 1274 kontuan, finkak enkanterako duen balioaren %5 sartu izanaren gordekina aurkeztea (3146 0000 06 0055 15 zenbakia adierazita), edo, bestela, kopuru hori adinako banku-abala jarri izanarena. Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da. Enkantearen ekitaldia bukatu ondoren, jarritako diru kopuruak itzuliko dira, posturagile onenak jarritakoa izan ezik. Ez itzultzeko berariaz eskatzen duten posturagileena ere ez da itzuliko, erremategileak prezioaren gainerako dirua epean ordaindu ezean haien aldeko errematea onets dadin.
5. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.
6. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
7. Enkantean interesa duen edozeinek eska diezaioke epaitegiari hipotekatutako higiezina ikuskatu ahal izatea; epaitegiak edukitza duenari horren berri emanen dio, eta adostasuna eskatuko. Edukitza duenak higiezina ikuskatzea onartzen duenean eta, ondasun hipotekatuaren enkantea hobeki egiteko, behar bezala laguntzen duenean epaitegien errekerimenduen aurrean, epaitegiari hipotekako zorraren murrizketa eskatzen ahalko dio: ondasuna zer baliotan esleitzen den, balio horren %2 artekoa. Epaimahaiak, inguruabarrak ikusirik, eta alderdi betearazleari gehienez bost eguneko entzunaldia eman ondoren, egokia dena erabakiko du, betiere gehienez kendu daitekeen kopuruaren barnean.
Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta betearazpenpekoari jakinarazteko erabiliko da, jakinarazpen pertsonala legeak ezarritako moduan egiterik ez badago.
PZLaren 668. artikuluarekin bat, agertzen da enkantea Justizia Ministerioaren menpeko enkante judizial eta elektronikoen atarian iragarri dela, eta interesdunek datuen kontsulta zehatzagoa egin dezaketela espedientean, epaitegiko idazkaritzan eskura baitute.
Eta hala jasota gera dadin, honako hau egin dut.
Lizarran, 2015eko apirilaren 7an.–Idazkari judiziala, Sara Otero Del Amo.
Iragarkiaren kodea: J1505391
