1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
633/2015 EBAZPENA, abenduaren 18koa, Politika Ekonomiko eta Enpresarialaren eta Lanaren zuzendari nagusiak emana, Politika Ekonomiko eta Enpresarialaren zuzendari nagusiaren martxoaren 9ko FC179/2015 Ebazpena aldatzen duena. Horren bidez, 2015eko deialdia onetsi zen nekazaritzako elikagaien industrietako inbertsioetarako laguntzak emateko.
Politika Ekonomiko eta Enpresarialaren zuzendari nagusiaren martxoaren 9ko FC179/2015 Ebazpenaren bidez, 2015eko deialdia onetsi zen nekazaritzako elikagaien industrietako inbertsioetarako laguntzak emateko (2015eko 53. Nafarroako Aldizkari Ofiziala, martxoaren 18koa). Halaber, 14.300.000 euroko gastua baimendu zen, 2.300.000 euro 2015eko aurrekontuaren kargura eta gainerakoa, 12.000.000 euro, 2016ko aurrekontuaren kargura.
2015ean aurrekontuetan dirurik badagoenez erantzuteko 2015ean bukatzen diren eskakizunen proiektuetarako, irailaren 30etik aurrera bukatzen direnetarako alegia, beharrezko ikusi da 10.2 oinarrian ezarritako irizpidea aldatzea. Irizpide horrek finkatzen du zein aurrekontu ekitalditan ordainduko den laguntza.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz,
EBATZI DUT:
1. 2. idatz-zatiko 10. oinarria aldatzea. Hemendik aurrera honela idatzita agertuko da:
“2. Diru-laguntza emateko proposamenak onuradunen bi zerrenda izanen ditu, proiektua noiz bukatzen den:
–1. multzoan, 2015eko abenduaren 30 arte bukatzen diren proiektuak. Horiei, 2015eko ekitaldiko aurrekontuaren kargura emanen zaie laguntza.
–2. multzoan, 2015eko abenduaren 30aren ondotik bukatzen diren proiektuak. Horiei, 2016ko ekitaldiko aurrekontuaren kargura emanen zaie laguntza.”
2. Ebazpen hau Nafarroako Aldizkari Ofizialean argitaratzea.
3. Ebazpen honek ez du administrazio bidea amaitzen, eta horren aurka gora jotzeko errekurtsoa jar daiteke, Garapen Ekonomikorako kontseilariari zuzendua, argitaratu eta biharamunetik hilabeteko epean.
Iruñean, 2015eko abenduaren 18an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Iragarkiaren kodea: F1516961
