1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
114/2015 FORU DEKRETUA, abuztuaren 12koa, Teresa María Nagore Ferrer andrea, Nafarroako Familiarako eta Berdintasunerako Institutuko zuzendari kudeatzailea, kargutik kentzen duena; institutua Herritarrekiko eta Erakundeekiko Harremanetako Departamentuari atxikia dago.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 108.3 artikuluari jarraikiz, Nafarroako Gobernuari dagokio, foru dekretu bidez, eta erakundea atxikia duen departamentuko kontseilari titularrak proposaturik, erakunde publikoetako zuzendari kudeatzaileak izendatu eta kargutik kentzea.
Nafarroako Familiarako eta Berdintasunerako Institutuaren Estatutuetan, uztailaren 25eko 75/2012 Foru Dekretuaren bidez onetsi baitziren, 11.1. artikuluak ezartzen du ezen Nafarroako Gobernuak ahalmena duela institutu horretako zuzendari kudeatzailea izendatu eta kentzeko, erakundea atxikia duen departamentuko kontseilari titularrak proposaturik.
Horrenbestez, Herritarrekiko eta Erakundeekiko Harremanetako kontseilariak proposaturik, eta Nafarroako Gobernuak 2015eko abuztuaren 12an egindako bilkuran harturiko erabakiarekin bat,
DEKRETATU DUT:
1. Teresa María Nagore Ferrer andrea, Nafarroako Familiarako eta Berdintasunerako Institutuko zuzendari kudeatzailea, kargutik kentzea; institutua Herritarrekiko eta Erakundeekiko Harremanetako Departamentuari atxikia dago.
2. Foru dekretu hau interesdunari jakinaraztea, eta Funtzio Publikoaren Zuzendaritza Nagusira eta Herritarrekiko eta Erakundeekiko Harremanetako Departamentuko Idazkaritza Tekniko Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2015eko abuztuaren 12an.–Nafarroako Gobernuko lehendakaria, Uxue Barkos Berruezo.–Herritarrekiko eta Erakundeekiko Harremanetako kontseilaria, Ana Ollo Hualde.
Iragarkiaren kodea: F1511555
