1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
80/2015 FORU DEKRETUA, abuztuaren 12koa, María José Pérez Jarauta andrea Nafarroako Osasun Publikoaren eta Lan Osasunaren Institutuaren zuzendari kudeatzaile izendatzen duena.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 108.3 artikuluak xedatzen du erakunde autonomoetako zuzendari kudeatzaileak Nafarroako Gobernuaren dekretu bidez izendatu eta kargutik kenduko direla, erakunde autonomoa atxikia duen departamentuko kontseilari titularrak proposaturik.
Nafarroako Osasun Publikoaren eta Lan Osasunaren Institutua erakunde autonomoaren estatutuak onesten dituen uztailaren 18ko 63/2012 Foru Dekretuaren 9.1. artikuluak xedatzen du zuzendari kudeatzailea Nafarroako Gobernuak libreki izendatuko eta kargutik kenduko duela, Osasuneko kontseilariak proposatuta.
Horrenbestez, Osasuneko kontseilariak proposaturik, eta Nafarroako Gobernuak 2015eko abuztuaren 12an egindako bilkuran harturiko erabakiarekin bat,
DEKRETATU DUT:
1. María José Pérez Jarauta andrea Nafarroako Osasun Publikoaren eta Lan Osasunaren Institutua erakunde autonomoaren zuzendari kudeatzaile izendatzea.
2. Foru dekretu hau interesdunari jakinaraztea, eta Funtzio Publikoaren Zuzendaritza Nagusira eta Osasun Departamentuko Idazkaritza Tekniko Nagusira igortzea, behar diren ondorioak izan ditzan.
3. Foru dekretu hau Nafarroako Aldizkari Ofizialean argitaratzea, orok jakin dezan.
Iruñean, 2015eko abuztuaren 12an.–Nafarroako Gobernuko lehendakaria, Uxue Barkos Berruezo.–Osasuneko kontseilaria, Fernando Domínguez Cunchillos.
Iragarkiaren kodea: F1511517
