2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TAFALLA
Ezkontza zibilak egiteko eskumena bertze baten esku uztea
Kontuan harturik Erregistroen eta Notariotzaren Zuzendaritza Nagusiak 1995eko urtarrilaren 26an emandako jarraibidea, ezkontza zibilak egiteko alkatearen baimena nork duen erabakitzen duena. Kontuan harturik Toki Entitateen Antolaketaren, Funtzionamenduaren eta Araubide Juridikoaren Erregelamenduaren 44. eta 114. artikuluetan eta Tafallako Udalean ezkontza zibilak egitea arautzen duen ordenantzaren zazpigarren puntuan ezarritakoa,
EBATZI DUT:
Lehena.–Udal honetako zinegotzi guztien esku uztea Herriko Etxe honetan ezkontza zibilak egiteko eskumena, ezkontideek hala eskatzen dutenean.
Bigarrena.–Tafallako Udaleko Osoko Bilkurari dekretuaren berri ematea, Nafarroako Aldizkari Ofizialean argitaratzea eta, halaber, Udaleko Ezkontza Zibilen Espedientera igortzea, orok jakin dezan.
Tafallan, 2015eko uztailaren 7an.–Alkatea, Arturo Goldaracena Asa.
Iragarkiaren kodea: L1510166
